Us des main rehne walon par awaz uthana wajib hai..

Us des main rehne wa..

Jis des ke qaatil ghundon ko ashraaf churra le ke le jayen,
Jis des ke court katchehri main insaf takon main bikta ho,
Jis des ka munshi qazi bhi mujrim se puch ke likhta ho,
Jis des ke chapay chapay par police ke nakay hote hon,

Jis des ke mandir masjid main har roz dhamakay hote hon,
Jis des main jaan ke rakhwale khud jaanen le masoomon ki,
Jis des ke hakim zalim hon siski na sunen majbooron ki,
Jis des ke adil behray hon aahain na sunen masoomon ki,

Jis des ke gali koochon main har samt fahashi pheli ho,
Jis des main bint-e-hawa ki chadar dagh se maili ho,
Jis des ke har chorahay par do char bhikari phirte hon,
Jis des main roz jahazon se imdaadi thailay girte hon,

Jis des main ghurbat maaon se bache neelaam karati ho,
Jis des ke ohda-daron se ohday na sambhalay jate hon,
Jis des ke saada-loh insaan waadon pe taalay jate hon,
Us des main rehne walon par awaz uthana wajib hai,
Us des ke har ik leader ko sooli pe charrhana wajib hai…

Video: Us des main rehne walon par awaz uthana wajib hai..









A fabulous thought provoking nazam produced by ranjish.com


send poetry

Nazam Shayari, Video Shayari
August 27th, 2016

Comment here

Your Comment:

33625