Mohabbat rog hai jaanan..

Mohabbat rog hai jaa..

Mohabbat rog hai jaanan,
Ajab sanjog hai jaanan,
Yeh kesa rog hai jaanan,

Barre boorrhe batate thay,
Kayi qisse sunaate thay,
Magar hum mante kab thay,
Yeh sab kuch jaante kab thay,

Bohat pukhta iraade kis tarah se toot jaate hain,
Humen idraak hi kab tha,
Humen kaamil bharosa tha,
Hamare sath kisi surat bhi aesa ho nahin sakta,
Yeh dil kabu se bekabu kabhi bhi ho nahin sakta,

Magar phir yuun hua jaanan,
Najane kyun hua jaanan,
Jigar ka khoon hua jaanan,

Tere abru ki ik jumbish,
Tere sar ke ishare pr,
Gulaabi muskurahat pr,
Chehra-e-masoomana pr,
Jafaye-e-mehermana pr,
Sadaye-e-dilrubana pr,
Adaye-e-qatilana pr,

Ghayal ho gaye hum bhi,
Barre bebaak phirte thay,
Aur mayal ho gaye hum bhi,
Sakhawat karne aye thay,
Aur sayal ho gaye hum bhi,
Barre boorrhon ki baaton ke,
Qayal ho gaye hum bhi,
Mohabbat rog hai jaanan..


send poetry

Nazam Shayari, Video Shayari
April 28th, 2017

One comment

  1. May i ask you why you are removing videos one by one, are you going to close this site…?

Comment here

Your Comment: