Teri tarha malal mujhay bhi nahi raha

teri tarha malal mujhay bhi nahi raha
jaa ab tera khayal mujhay bhi nahi raha

tu ne bhi mosmon ki pazeerai chorr di
ab shauq e mah e visaal mujhay bhi nahi raha

mera jawab kia tha tujhay bhi khabar nahi
yaad ab tera sawal mujhay bhi nahi raha

jis baat ka khayaal na tu ne kabhi kia
us baat ka khiyal mujhay bhi nahi raha

tora hai tu ne jab se meray dil ka aaina
andaza e jamal mujhay bhi nahi raha