Yeh Baat Sach Hai Mera Baap Kam Na Tha Maan Se..

Yeh Baat Sach Hai Me..

mera baap kam na tha meri maan se

Azeeztar woh mujhe rakhta tha ragg-e-jaan se,
Yeh baat sach hai mera baap kam na tha meri maan se,

Woh maan ke kehne pe kuch raub mujhpe rakhta tha,
Yehi wajah thi mujhe choomtey jhijhakta tha,

Woh aashnaa mere har karb se raha har dum,
Jo khul ke ro nahin paya magar sisakta tha,

Jurri thi uski har ek haan faqat meri haan se,
Yeh baat sach hai mera baap kam na tha meri maan se,

Har ek dard woh chup chaap khud pe sehtaa tha,
Tamaam umar woh apnon se katt ke rehta tha,

Woh laut’ta tha raat der tak din bhar,
Wajood uska paseeney mein thall ke behta tha,

Giley they mujhe phir bhi aese chaak-daama se,
Yeh baat sach hai mera baap kam na tha meri maan se,

Purana suit pehenta tha kam woh khaata tha,
Magar khiloney mere sab khareedta tha,

Woh mujh ko soye huye dekhta tha jee bhar ke,
Na jane soch ke kya kya woh muskuraata tha,

Mere bagher they sab khawb us ke wiraan se,
Yeh baat sach hai mera baap kam na tha meri maan se..

mera baap kam na tha maan se


send poetry

Father Shayari, Ghazal Shayari
June 21st, 2012

8 comment

  1. true…hatts off..

  2. I’ve no words…totally speachless

  3. No words to say any thing. Absolutely wonderful

  4. Sooooo Deeep Truth…. Love u DAD.. :'(

  5. I really misinG u papa ap Mry pass nae hu aj main ap kooo buhat misss karta hun sb smjhty hain main ap ko miss nae karta hn but papa I really misinG uuuu kash ap ye likhe alaz par paty pate papa ap mry sath nae hu main buhat akella hu gaya hn papa I really miss u

  6. My Dad is my Superman so no one can beat him in love, care, respect and everything. May Allah blesses him throughout his life Aameen

  7. Bht TYT ala

  8. Mujhe rakhta hai har mushkil se bacha k
    Khawan khud wo zakhmoon mein chor hota hai

    Ye baat sach hai mera baap kam nahi meri maan se❤️🙏

Comment here

Your Comment:

Next: »