Ab ke ehsaan jataney bhi nahin aya koi

Ab ke ehsaan jataney..

Ab ke ehsaan jataney bhi nahin aya koi
Mein jo rootha tou mananey bhi na aya koi

Aik woh door ke soney bhi na dete they mujhe
Aik yeh wakt ke jaganey bhi na aya koi

Dag-magata tha tou sou hath lapakte they mujhe
Gir gaya hoon tou uthaney bhi nahin aya koi

Janey ahbab pe kya guzri, khuda kher kare
Arsay se neya zakham laganey nahin aya koi

Aese utra hoon dilon se ke hansaana tou kuja
Aik muddat se rulaney bhi nahin aya koi

Yun tou so baar, toota, jura, magar ab ke amin
Aese toota ke bananey bhi nahin aya koi


send poetry

Ghazal Shayari
November 9th, 2011

Comment here

Your Comment: