Ae maut unhe bhulaaye zamane guzar gaye..

Ae maut unhe bhulaay..

Ae maut unhe bhulaaye zamane guzar gaye,
Aa ja ke zehr khaaye zamaane guzar gaye,

O jaane wale aa ke tere intizaar main,
Raaste ko ghar banaye zamane guzar gaye,

Gham hai na ab khushi hai na umeed hai na aas,
Sab se nijaat paaye zamaane guzar gaye,

Kyaa laayeq sitam bhi nahin ab main dosto,
Pathar bhi ghar main aaye zamaane guzar gaye,

Jaan-e-bahaar phool nahin aadmi hoon main,
Aa ja ke muskuraaye zamaane guzar gaye,

Kya kya tavaquaat theen aahon se ae “khumaar”,
Yeh teer bhi chalaaye zamaane guzar gaye..


send poetry

Ghazal Shayari, Khumar Barabankvi
December 24th, 2015

Comment here

Your Comment: