Aesa bhi ho sakta hai

Khaamoshii Khud apanii sadaa ho aisaa bhii ho sakataa hai
sanaTaa hii gun’j rahaa ho aisaa bhii ho sakataa hai

meraa maazii mujh se bichhar kar kyaa jaane kis haal main hai
merii tarah vo bhii tanhaa ho aisaa bhii ho sakataa hai

sahara sahara kab tak main Dhuu’Ndhuu’N ulfat kaa ek aalam
aalam aalam ik saharaa ho aisaa bhii ho sakataa hai

ahl-e-tuufaan soch rahe hain saahil Duubaa jaataa hai
Khud un kaa dil Duub rahaa ho aisaa bhii ho sakataa hai…