Andherey me ajab si roshani mehsoos hoti hai..

Andherey me ajab si roshani mehsoos hoti hai,
Tumharey pas reh kar zindagi mehsoos hoti hai,

Merey dil me hazaron ghum chupey hain ashk ankhon me,
Merey chehrey pay kiyon tum ko khushi mehsoos hoti hai,

Meri ankhien barasti hain koi badal nahi hota,
Kay rat me koi nami si mehsoos hoti hai,

Khushi sey muskurana to kisi ki azmayesh hai,
Udasi me kisi ki be basi mehsoos hoti hai,

Main jab bhi us sey milta hun najaney kiyon mujhey danish,
Usi kay baad phir us ki kami mehsoos hoti hai.

Danish Sabir