Aqeedat or hoti hai marwat or hoti hai..

Aqeedat or hoti hai ..

Aqeedat or hoti hai marwat or hoti hai,
Mohabbat jis ko kehtey hain wo ne’amat or hoti hai,

Qayamat khez manzar go hazaron hum ney dekhey hain,
Jo dil par toot’ti hai wo qayamat or hoti hai,

Maheeno ba’ad milney ki khushi apni jaga lekin,
Wo zalim jab bicharta hai to halat or hoti hai,

Lutana maal hatim ka agarcha karnama hai,
Qareen e ishq me lekin sakhawat or hoti hai,

Wo khanjar be rukhi kay jis qadar dil par chalata hai,
To mayel is qadar us par tabiat or hoti hai,

Tjhey bhanwra kanwal kehna kisi sorat nahi be ja,
Jisey kehtey hain parwana wo sorat or hoti hai.

Muhammad Iqbal Kanwal


send poetry

Ghazal Shayari
March 6th, 2013

Comment here

Your Comment: