Barson ke baad dekha, aik shaks dilruba sa

Barson ke baad dekha..

Barson Kay Baad Dekha , Ak Shaks Dil Ruba Sa
Ab Zehen Main Nahi Hay, Par Naam Tha Bhala Sa

Abro Khichay Khichay Sey Aankhain Jhuky Jhuky See
Baatain Rukay Rukay Say, Lehja Thaka Thaka Sa

Khowabon Main Khowab Us Ka, Yaadon Main Yaad Us Ki
Nendon Main Ghul Gaya Ho, Jesay Keh Rat-Jaga Sa

Pehlay Bhi Log Aaye, Kitnay Hi Zindagi Main
Lekin Wo Har Tarah Say, Ouron Say Tha Juda Sa

Aglee Mohabaton Nay, Wo Na-Muradiyaan Deen Thin
Taza Rafakaton Say, Kuch Dil Tha Dara Dara Sa

Kuch Ye Keh Muddaton Say, Hum Bhi Nahi They Roye
Kuch Zehar Main Bujha Tha Ehbaab Ka Dilasa

Ab Sach Kahain Tu Yaron, Hum Ko Khabar Nahi Thi
Ban Jaye Ga Kayamat, Ak Wakiya Zara Sa

Taivar Be-Rukhi Kay Andaaz Dosti Kay
Wo Ajnabi Tha Laikin, Lagta Tha Aashna Sa

Hum Dasht They Keh Dariya, Hum Zehar They Keh Amrit
Nahak Tha Za’am Hum Ko, Jab Wo Nahi Tha Pyasa


send poetry

Ghazal Shayari
June 22nd, 2011

One comment

  1. osum….outstanding…..mindblowin…….. no words….. roks……. yr…..

Comment here

Your Comment: