Chashm-e-saqi
Chashm-e-saqi..
Ummr jalwon main basar ho yeh zaruri to nahi
Har shab-e-ghum ki sehar ho yeh zaruri to nahi
Chashm-e-saqi se piyo ya lab-e-saagar se piyo
Bekhudi aathoN pehar ho yeh zaruri to nahi
Nind to dard ke bistar pe bhi aajati hai
Un ki aaghosh maiN hi sar ho yeh zaruri to nahi
Shekh karta to hai masjid main khuda ko sajde
Us ke sajdoN maiN asar ho yeh zaruri to nahi
Sab ki nazron me ho saaqi yeh zaruri hai magar
Sab pe saaqi ki nazar ho yeh zaruri to nahi….
Ghazal Shayari
July 20th, 2011
Comment here
Next: Maawra Lafzon Ki Maala »