Cheen leta hai

Bawaqt-e-shaam suraj se hukumat cheen leta hai
Wo subho me sitaro se qayadat cheen leta hai….

Kareene seekh lo uski zameen par chalne Phirne ke
Takabbur karne walo se wo daulat cheen leta hai……

Badi mushkil se milti hai daulat neknaami ki
Zara sa dagmagaao to izzat cheen leta hai….

Kabhi kashti bacha leta hai toofano k nagray se
Kabhi sahil par tairaako se himmat cheen leta hai…