Ho Sakey To Rukh Say Pardey Ko Hatta Kar Daikhiye

Ho Sakey To Rukh Say..

Ho Sakey To Rukh Say Pardey Ko Hatta Kar Daikhiye
Aaj Apna Haal-e-Dil Hum Ko Suna Kar Daikhiye

Jaan Jaayein Gey Wafa Mein Hum Kisi Say Kam Nahin
Aap Bas Dil Ka Dareecha Khatkhata Kar Daikhiye

Jab Kabhi Mujh Ko Bulaaney Ki Tamana Dil Mein Ho
Mairey Koochey Ki Taraf Bas Kasmasa Kar Daikhiye

Aap Ke Zor-o-Sitam Ko Kab Talak Sehta Rahoon?
Mairey Jazbon Ko Kabhi To Aazma Kar Daikhiye

Ye Taqaaza Mairi Ulfat Ne Kiya Hai Aap Say
Diakhiye Jab Bhi Kabhi To Muskura Kar Daikhiye

Zeest Ki Raanaaiyaan Hon, Ya Nishaat-e-Wasl Ho
Ho Sakey To Mairi Aankhon Mein Sama Kar Daikhiye

Kyun Jhijhaktey Hain Humaari Khasta Haali Daikh Kar
“Kitni Wusat Hai Humaarey Dil Mein Aa Kar Daikhiye”


send poetry

Ghazal Shayari
January 30th, 2012

Comment here

Your Comment: