Jamaa tum ho nahi sakte, Mujhe manfi se nafrat hai..
Jamaa tum ho nahi sa..
Jamaa tum ho nahi sakte,
Mujhe manfi se nafrat hai,
Tumhein takseem karta hon,
To haasil kuch nahi aata,
Koi qaaida, koi kuliyaa,
Na laagu tujh pe ho paaye,
Zarab tujh ko agar doon to ,
Hisabon mein khallal aaye,
Ikaayi ko, dahaayi par,
Mein doon nisbat to kaise doon?
Na qaalib ki tarha tum ho,
Na al-jabra se lagte ho,
Umer ye katt gayi meri,
Tujhe humdam samjhne mein,
Jo hall tera agar nikle,
To sab kuch hi ulajh jaye,
Sifar thi ibtidaa teri,
Sifar hi ab talak tum ho,
Sifar zarb-e-sifar ho tum,
Na jis se kuch faraq aaye…
Ghazal Shayari
January 18th, 2014
syeeda rida
April 25th, 2015 at 11:46 pm
very good i like it.
ZAFAR IQBAL
April 7th, 2016 at 10:55 pm
Waaaahhh…..bahut umda