Jo guzar gya so guzar gya
Jo guzar gya so guza..
Na gila kia na khafa hue
unhi rasty main juda hue
na wo bewafa, na main bewafa
jo guzar gya so guzar gya
wo ghazal ki aik kitab tha
wo gulon main aik gulab tha
zara dair ka koi khawab tha
jo guzer gya so guzer gya
wo udas dhoop samait ker
kahinwadiyon main uter gya
usy ab na de mery dil sada
jo guzer gya so guzer gya
ye safer bhi kitna taveel tha
yahan waqt kitna qaleel tha
ab loat kr kon aye ga?
jo guzer gya so guzer gya
Ghazal Shayari
December 9th, 2009
One comment
Comment here
Next: Jany Q? »
sonu
December 10th, 2009 at 6:09 pm
bewafai se pareshan bhi ho jatey hain
narm jhonkey kabhi toofan bhi jatey hain
hum ne mehboob jo badla to ta’ajub kesa
log kafir se musalman bhi ho jatey hain
yu’n to ik dard ka rishta hai sabhi logo’n se
log kuch zeest ka unwan bhi ho jatey hain
shehr bhar ko main muhabbat to sikha doon lekin
khud tarashey huey bhagwan bhi ho jatey hain
hadisa ho ya koi mojza shahi kuch ho
rastey pyar k asan bhi ho jatey hain.