Koi naata na mohabbat ke baraabar niklaa..

Koi naata na mohabbat ke baraabar nikla,
Toot kar chaha jisse woh sitamgar nikla,

Yoon to har lehar se thi apni shanaasayi bohat,
Samjha saahil jisse woh gham ka samandar nikla,

Rooh main jhaanka to yeh mehsuus hua mujh ko,
Itna zarkhaiz jo lagtaa tha woh banjar nikla,

Narmi hathon main na garmi saanson main magar,
Maine chuu kar ussey dekha to woh pathar nikla,