Kuch Is Tarah Se Ibaadat Khafaa Howi Hum Se

Kuch Is Tarah Se Iba..

Kuch Is Tarah Se Ibaadat Khafaa Howi Hum Se
Namaaz-e-Ishq Bohat Kam Adaa Howi Hum Se

Ghareeb Aankhon Mein Aansoo Bhi Ab Nahi Aatay
Ilaahi Reham Ke Phir Kia Khataa Howi Hum Se ?

Hum Ibtadaa Hee Kahan Naikyon Ki Thay Ya Rab ?
Tou Phir Gunaahon Ki Kiun Intehaa Howi Hum Se

Ye Bad-Naseebi Hamaari Hai Kam Howa Aisay
Ke Dushmanon Ke Bhi Haq Mein Duaa Howi Hum Se

Salook Mout Ka Hum Se Na-Jaanay Kaisa Ho?
Ye Zindagi Tou Bohat Be-Mazaa Howi Hum Se

Kahaan Chhupaayein Ge Mehshar Mein Khud Ko Aazar ?
Kahaan Ataaat-e-Khair-ul-waraa Howi Hum Se ?


send poetry

Ghazal Shayari
June 18th, 2012

Comment here

Your Comment:

18682