Maine Apna Aap Bhula Diya

Maine Apna Aap Bhula..

Tujhay kia kahoon
Mere ham nawa!
Mere ham nafas,mere ham safer!
Mujhay tum se kitni thi chahtain?
Mujhay tum thay kitnay azeez tar

Phir youn hua barhi qurbatain?
Mitay faslay milli rahatain?
Wo din b kitnay ajeeb thay
Tum saans se b qareeb thay?

Un qurbatoun ka har aik pal
Jese khilta hua kanwal
Wo motiye ki mehak se thay,
Ya jese khiltay gulaab thay

Wo pal thay jana k khwab thay?.
Phir youn hua har khawab ki?
Har motiye ki gulaab ki?
Umrain zara si then thi mukhtassar!

Mere ham nawa mere ham saffer!
Wo phool saray bikhar gaye?
Wo saray mosam bichar gaye?
Phir youn hua k aik din
Mere ham nafas mere bay qader!
Ham haar bethay thay jeet kar
Or ham nay tujhko ganwa dia?

Tujhay chah k b hui khata
Tujhay payar kar k gunha kia?

Tujhay kia khaber mere chara gar!
Tujhay ilm kia mere bay khaber!
Ham roz o shab jaga kiye?
Tarpa kiye roya kiye?

Ham nay khuda ki keen minatain?
Usay mere dil se nikal day?
Usay bhool jaoun mere KHUDA!
Phir youn hua k mera KHUDA
Kareem hay or AZEEM TAR

Mere bay khaber mere bay qader
Tujhay mere Dil se mita dia?
Tujhay bhoolnay ki chah main
Main nay apna aap bhula dia?

Phir youn hua mere ham nawa!
Mere be khaber, mere ham safer!

Tujhay dostoun nay jo di dagha
Tujhay tanha jab sar e rah kia?
Tujhay har kisi se mili jaffa
Tujhay sab nay jab tanha kia?
Tujhay yad aaya wo aik kal,

Jab raastay thay or tu,
Or roti hui Kanwal ~
Tujhay keh rahi thi thehar jaa
Mere ham nawa mere ham saffer!
Mere bay bawafa mere bay qader!
Youn rastoun main sang Dil !
Mujhay is tarah tanha na ker?

Wo siskiayan wo minnatain,
Wo goonjti ahain meri?
Khuli hui bahain meri?
Bheegi hui ankhein meri,
sehmi hui sansain meri?
Tujhay yaad aaeen to ham saffer
Waheen aagya tu lout ker?

Jahan aaj tak bhi teri Kanwal ~
Phir rahi hay dar bader
Zulfain khuli or ankh se,
Khoon k ansu rawan?
Wo nangay paaoun rait per?
Phirti hay lakin kia hua?

Ussay apnay kal pey mallal hay
Wo haal se bay haal hay?
Bhooli hui har baat ko
Or aap apni b zaat ko?

Usay yad bus yahi raha
Mere ham nafas mere ham safer!
Tujhay hogi ik din meri qader?
Aaye ga ik din lout ker?
To kahoon gi aye mere be qader!
Tujhay bhoolnay ki chah main?
Zara dekh khud ko bhula dia?
Main nay apna aap ganwa dia?

Main nay apna aap bhula dia?
Main nay apna aap bhula dia?.

Main nay apna aap bhula dia??.


send poetry

Ghazal Shayari
September 15th, 2009

One comment

  1. good very good.. thanx for post this ghazal

Comment here

Your Comment: