Na bikhar sake

Na bikhar sake..

Mujhey arzoo e seher rahi yunhi raat bhar bari dair tak
Na bikhar sake na simat sake yunhi raat bhar bari dair tak

Hai bohat azaab aur akaily hum, shab e gham bhi meri taweel tar
Rahi zindagi bhi saraab aur rahi aankh tar bari dair tak
……
Yahan har taraf hai ajab samaan, sabhi khud pasand, sabhi khud numa
Dil e be-qaraaar ko na mila koi chara gar bari dair tak

Mujhay zindagi hai aziz tar isi wastey mery hamsafar
Mujhay qatra qatra pila zehr, jo karey asar bari dair tak

Na sakoon e jaan na shreek e gham mila is jahan mein chaar su
Teri yaad thi meray saath jo rahi dar ba dar bari dair tak

Yahan shehar e dil bhi udaas hai aur ujaar ujaar si rah guzar
Rahey teray baad dhwaan dhwaan meray baam o dar bari dair …!!


send poetry

Ghazal Shayari
March 20th, 2011

2 comment

  1. quran ki hidayat bhol gy afsos k hum rafta rafta ahkam e shariat bhol gy

  2. Kuch is ki khabar bhi hai tujhko
    Wo roz-e-mehshar kya hoga

    Jis aag ka indhan insan hai
    Us aag ka aalam kya hoga

    Ye jism gawahi khud de ga
    Har hissa badan ka boley ga

    Khamosh zuban ho jaye gi
    Us waqt ka aalam kya hoga

    Kuch is ki khabar bhi hai tujhko
    Wo roz-e-mehshar kya hoga

Comment here

Your Comment: