Sar-e-Reh-Guzar

Sar-e-Reh-Guzar..

Meri Maut Hai Meri Hamsafar Meri Zindagi Bhi Ajeeb Hai
Meray Charo’n Tarrf Hai Jalwa Garr Teri Be Rukhi Bhi Ajeeb Hai

Mera Dard Hai Lab E Aashna Teri Ranjisho’n K Azaab Say
Meray Shair Hain Meray Chara Garr Meri Dil Lagi Bhi Ajeeb Hai

Jo Hai Ta’ana Zann Meri Zaat Par Mujhay Unsay Koi Gila Nahee’n
Mujhay Jaan Say Hain Azeez Tarr Meri Dosti Bhi Ajeeb Hai

Mai Lahoo Jigar Say Guzar Kar, Tujhay Naql Karta Hoo’n Warq Warq
Hai Qalam Ki Nauk Say Mukhtasar Teri Aagahee Bhi Ajeeb Hai

Mai Peher Ki Tapti Hawao’n Say, Karhi Dhoop Mai Kharha Be Khabar
Sar-e-Reh-Guzar Tera Muntazar, Meri Be Basi Bhi Ajeeb Hai


send poetry

Ghazal Shayari
September 17th, 2011

Comment here

Your Comment:

Next: »