Tujhe khabar nahi

Tere hassar say baahir nikal gayi hon main
Tou theek kehta hai shayid badal gayi hon main

Tujhe khabar nahi kaise saraab raste thay
Khuda ka shukar kay phir bhi sambhal gayi hon main

Ye paaon jaante hain waqt e hijr kaisa tha
Qadam qadam kisi pathar mein dhal gayi hon main

Mere ilaawa bhi tujhko azeez hai koi
Zra si baat pay aise hi jal gayi hon main

Uthaa liya hai sitaaron nay aasmaa sar par
Zra jo chaand ki khatir machal gayi hon main!!