Tum ne bhi thukraa hi diya duniya se bhi duur huye,,

Tum ne bhi thukraa hi diya duniya se bhi duur huye,
Apni anaa ke saaray sheeshe akhir chikna-chuur huye,

Hum ne jin pr ghazlen sochin un ko chaaha logon ne,
Hum kitne badnaam huye thay, woh kitne mashoor huye,

Tark-e-wafaa ki saari qasmen un ko dekh ke toot gayin,
Un ka naaz salaamat thehra, hum hi zara majboor huye,

Aik gharri ko ruk kr pucha us ne to ehwaal magar,
Baaqi umar na murr kar dekha, hum aese maghroor huye,

Ab ke un ki bazm main jaye ga gar mohsin azn mile,
Zakham hi un ki nazar guzaaren, ashk to na-manzoor huye..