Tumharay Naam

Main Apna Aaj Apna Kal Tumharay Naam Karta Hoon,
Main Is Jeewan Ka Har Ak Pal Tumharay Naam Karta Hoon,
Mera Guzra Howa Kal Tu Meray Maazi Ka Hissa Hay,
Main Apna Aaj Apna Kal Tumharay Naam Karta Hoon,
…Kheza’en , Sardiyaan, Garmi , Bahaarain, Barishain , Jaara,
Main Har Mousam Ka Har Har Pal Tumharay Naam Karta Hoon,
Tumharay Dukh, Udaasi , Ghum, Sabhi Ranj o Alam Lay Kar,
Main Yeh Khushyon Bhari Chaagal Tumharay Naam Karta Hoon,
Seetaray Aasmaan Kay Sab Tumhari Maang Main Bhar Kar,
Shab -e- Taira Ka Sab Kajal Tumharay Naam Karta Hoon,
Tumharay Bin Ye Har Ak Pal Mujhay Be-Chain Rakhta Hay,
Main Apna Dil Jo Hay Be-Kal Tumharay Naam Karta Hoon,
Barasta Bheegta Mousam Hay Kamzori Meri Lakin,
Main Yeh Saawan , Ghata , Badal Tumharay Naam Karta Hoon.