Tumhari Yaad Ka Mausam…
Tumhari Yaad Ka Maus..
koi mausam ho dil meN hai tumhaari yaad ka mausam
ke badla hi nahiN janaaN tumhaare baad ka mausam
nahiN to aazma kar dekh lo, kaise badalta hai
tumhaare muskraane se dil-e-nashaad ka mausam
kahiN se uss haseeB aawaaz ki khushbu pukaare gi
to uss ke saath badle ga dil-e-barbaad ka mausam
qafas ke baam-o-dar meN roshani si aayi jaati hai
chaman meN aa geya shaayed lab-e-aazaad ka mausam
mere shahr-e-parishaaN maiN teri be chaand raatoN meN
buhat hi yaad karta hooN teri buniyaad ka mausam
na koi gham khizaaN ka hai na khawahish hai bahaaroN ki
hamaare saath hai amjad kissi ki yaad ka mausam
Ghazal Shayari
September 8th, 2009
Nilofar
July 3rd, 2012 at 5:20 pm
Tute huwe payale mei jaam nahi aata , Ashiqu k mariz ko araam nahi ata , dil Thodne wale yea kyu nahi samjte, tuta howa dil kisi ke kaam nahi aata.