Wohii gardishen wohii paich-o-kham tere baad bhii..

Wohi gardishen wohii paich-o-kham tere baad bhii,
Wohi hosle mere dum-ba-dum tere baad bhii,

Tere sath thi teri har jafaa mujhe moatbar,
Tere saare gham mujhe mohtram tere baad bhi,

Mere sath hai teri har khushi teri muntazir,
Teri muntazir meri chashm-e-numm tere baad bhi,

Tu kisi ki qalb-e-arzuu main dhall geya,
Main na kho saka kabhi khud me sanam tere baad bhi,

Mere baad kitne hii roop tu ne badal liye,
Main wohi hon ab bhi teri qasam tere baad bhii,

Tu chala geya sabhi qehqahon ko samait kar,
Meray pass hai mera zarf-e-gham terae baad bhii..