Maine chupa liya, Aur mohabbat ne zahir kar diya.. Ranjish.com


Maine chupa liya, Aur mohabbat ne zahir kar diya..

Maine chupa liya, Au..

Maine chupa liya
Aur mohabbat ne zahir kar diya
Main us ko balon ko choota
Mohabbat zanjeer ban jati
Aur zanjeer ban kar
Us ki zulfon main sarayiyat kar jati
Main band jata
Muqayyad ho jata
Sar-ta-pa muqayyad aur mehsuur

Woh roothti to duniya rooth jati
Woh door hoti to
Main galiyon galiyon mara mara phirta
Apne ap ko dhoondta
Awazen deta
Chilaata

Sarrkain mera mazaq urrati
Raste mujh par awazen kaste
Mausam mujhe reham se dekhte
Log taras khate
Phir maine chupa liya
Sab ka sab
Har aik se chupa liya
Us se bhi
Logon se bhi
Aur apne ap se bhi
Maine chupa liya
Aur mohabbat ne zahir kar diya

Maine us ki khatir
Raton se pyar kiya
Aur ratjagon se dosti
Shamon se shanasayi paida ki
Aur raunaqon se ajnabi ho geya
Chand se us ka pata pucha
Aur darakhton ke sath mil ke us ka saug manaya

Main us se larr parta
Aur khud pe ghussa taan leta
Us se bolna band karta
Viraniyon se baten karna shuru kar deta
Karta jata, karta jata, karta chala jata
Us se milta aur chup ho jata

Sochta us se kahoon
Kabhi to aesa karo
Apne dinon se bahar niklo
Meri raton main ao
Aur mere wajood ko apni ankhon main utaro
Meri rooh main utro
Mujhe khud pe munkashif kar do
Aik atish
Aik tapish
Aik hiddat
Aik shiddat
Chalo door se hi sahi
Aur aik zara lamha bhar ko hi sahi
Kabhi mehsus to kar
Kabhi mehsus karne ki koshish to karo
Kabhi koshish karne ka irada to bandho
Kabhi irada bandhne ka socho to sahi
Main hamesha sochta
Lekin keh na pata


send poetry

Nazam Shayari, Video Shayari
April 18th, 2018

Comment here

Your Comment:

35606