audio poetry

Latest Video Poetry

design poetry

Latest Designed Poetry

  • koihindu-thumb
  • safarmaindhoop-thumb
  • hadhsebarre-thumb
  • qaisjungle-thumb
  • harzulm-thumb
facebook like
twitter

Urdu Shayari

Ranjish.com is undoubtedly the freshest poetry website on planet. We offer urdu shayari, urdu sms, designed poems and shayari on several topics.
We are committed to keep our shayari database fresh so that our users can always new and fresh poems on Ranjish.com. Every poetry can now be sent as SMS.
google play

Urdu Poetry

Wohi phir mujhe yaad anay lage hain,

khumar barabankvi poetry

Wohi phir mujhe yaad anay lage hain,
Jinhe bhoolne main zamane lage hain,

Woh hain paas aur yaad anay lage hain,
Mohabbat ke hosh ab thikaane lage hain,

Suna hai hamen woh bhulaane lage hain,
To kya hum unhe yaad anay lage hain,

Hattaaye they jo raah se doston ki,
Woh pathar mere ghar main anay lage hain,

Yeh kehna tha un se mohabbat hai mujh ko,
Yeh kehne main mujh ko zamaane lage hain,

Hawaayen chalin aur na maujen utheen,
Ab aese bhi tufaan anay lage hain,

Qayamat yaqeenan qareeb aa gayi hai,
Khumar ab to masjid main jaane lage hain..

Send this as SMS | Designed Shayari, Ghazal Shayari, Khumar Barabankvi
October 30th, 2016


Advertisements

Tere vaadon ko kabhi jhoot nahin samjhoon ga..

shahryar poetry

Tere vaadon ko kabhi jhoot nahin samjhoon ga,
Aaj ki raat bhi darwaza khula rakhoon ga,

Dekhne ke liye ik chehra bohat hota hai,
Aankh jab tak hai tujhe sirf tujhe dekhoon ga,

Meri tanhayi ki ruswayi ki manzil aayi,
Vasl ke lamhe se main hijr ki shab badloon ga,

Shaam hote hi khuli sarrkon ki yaad ati hai,
Sochta roz hoon main ghar se nahin nikloon ga,

Taa-kay mehfooz rahe mere qalam ki hurmat,
Sach mujhe likhna hai main husn ko sach likhoon ga..

Send this as SMS | Akhlaq Mohammad Khan Shahryar, Ghazal Shayari
October 30th, 2016

Aaah jo dil se nikaali jaye gi..

akbar allahabadi poetry

Aaah jo dil se nikaali jaye gi,
Kya samajhte ho ke khaali jaye gi,

Is nazakat pe yeh shamsheer-e-jafa,
Aap se kyun-kar sambhaali jaye gi,

Kya gham-e-duniya ka ddar mujh rind ko,
Aur ek botal charrhaa li jaye gi,

Shaikh ki daawat main mai ka kya kaam,
Ehtiyaatan kuch mangaa li jayegi,

Yad-e-abruu main hai ‘akbar’ mehvv yuun,
Kab teri yeh kaj-khayaali jaye gi..

Send this as SMS | Akbar Allahabadi, Designed Shayari, Ghazal Shayari
October 29th, 2016

Mujhe zindagi ki dua dene wale..

Mujhe zindagi ki dua dene wale,
Hansii aa rahi hai teri saadgi pe..

Send this as SMS | Gopal Mittal, Two Lines Poetry
October 29th, 2016

Mujh sa koi jahan main nadan bhi na ho..

saadullah shah poetry

Mujh sa koi jahan main nadaan bhi na ho,
Kar ke jo ishq kehta hai nuqsaan bhi na ho..

Send this as SMS | Designed Shayari, Saad Ullah Shah, Sad Shayari, Two Lines Poetry
October 29th, 2016

Apni manzil pe pohanchna bhi..

shakeel azmi poetry

Apni manzil pe pohanchna bhi kharre rehna bhi,
Kitna mushkil hai barre ho ke barre rehna bhi..

Send this as SMS | Designed Shayari, Shakeel Azmi, Two Lines Poetry
October 29th, 2016

Aao ik sajdaa karoon..

Aao ik sajdaa karoon aaalam-e-bad-masti main,
Log kehte hain ke Saghar ko khuda yaad nahin..

Send this as SMS | Saghar Nizami, Two Lines Poetry
October 28th, 2016

Halat-e-haal ke sabab halat-e-haal hi gayi..

Halat-e-haal ke sabab halat-e-haal hi gayi,
Shauq main kuch nahin geya shauq ki zindagi gayi,

Tera firaaq jan-e-jan aish tha kya mere liye,
Yaani tere firaaq main khoob sharab pee gayi,

Tere visaal ke liye apne kamaal ke liye,
Halat-e-haal dil ke thi kharaab aur kharaab ki gayi,

Us ki umeed-e-naaz ka hum se yeh maan tha ke aap,
Umar guzaar dijiye umar guzaar di gayi,

Ek hi haadsa to hai aur woh ke aaj tak,
Baat nahin kahi gayi baat nahin suni gayi,

Baad main tere jan-e-jan dil main raha ajab samaan,
Yaad rahi teri yahan phir teri yaad bhi gayi,

Us ke badan ko numuud hum ne sukhan main aur phir,
Us ke badan ke vaastay aik qabaa bhi see gayi,

Mina-ba-mina maiy-ba-maiy jam-ba-jam jam-ba-jam,
Naf piyaale ki teri yaad ajab sahi gayi,

Kehni hai mujh ko ek baat aap se yaani aap se,
Aap ke shehere-vassl main lazzat-e-hijar bhi gayi,

Sehn-e-khayal -e-yaar main ki na bassar shab-e-firaq,
Jab se woh chaand na geya jab se woh chaandni gayi..

Watch Video

Send this as SMS | Ghazal Shayari, Jon Elia, Video Shayari
October 28th, 2016

Ghazab kiya tere vaade pe aitbaar kiya..

ghazab kiya tere vaade pe aitbar kiya

Ghazab kiya tere vaade pe aitbaar kiya,
Tamaam raat qayamat ka intezaar kiya,

Kisi tarah jo na us buut ne aitbaar kiya,
Meri wafa ne mujhe khoob sharamsaar kiya,

Hansaa-hansaa ke shabb-e-vassl ashk-baar kiya,
Tasalliyan mujhe de de ke beqaraar kiya,

Yeh kis ne jalva hamare sar-e-mazaar kiya,
Ke dil se shor utha haaye beqaraar kiya,

Suna hai tegh ko qatil ne aabdaar kiya,
Agar yeh sach hai to be-shubaah hum pe vaar kiya,

Na aaye raah pe woh ijz beshumaar kiya,
Shabb-e-vassl bhi maine to intezaar kiya,

Tujhe to vaaada-e-dedaaar hum se karna tha,
Yeh kya kiya ke jahan ko umeedvaar kiya,

Yeh dil ko taab kahan hai ke ho maal-andesh,
Unhon ne vaada kiya is ne aitbaar kiya,

Kahan ka sabr ke damm par hai bad gayi zaalim,
Ba tang aaye to hal-e-dill ashkaar kiya,

Tarap phir ay dill-e-nadaan ke ghair kehte hain,
Aakhir kuch na bani sabr ikhtiyaar kiya,

Mile jo yaar ki shokhi se us ki bechaini,
Tamaam raat dill-e-muztarib ko pyaar kiya,

Bhula-bhula ke jataya hai un ko raz-e-nihaan,
Chupaachupaa ke mohabbat ko aashkaar kiya,

Na us ke dil se mitaaya ke saaf ho jata,
Saba ne khaak pareshaan mera ghubaar kiya,

Hum aese mehvvv-e-nazaara na they jo hosh ata,
Magar tumhare taghaaful ne hoshyaar kiya,

Hamare seenay main jo reh gayi thi aatish-e-hijar,
Shabb-e-visaaal bhi us ko na hum-kanaar kiya,

Raqeeeb-o-sheva-e-ulffat khuda ki qudrat hai,
Woh aur ishq bhalaaa tum ne aitbaar kiya,

Zaban-e-khar se nikli sadaaaa-e-bismillah,
Junoon ko jab sare-shorida par savaar kiya,

Teri nigaah ke tasawur main hum ne aey qatil,
Laga laga ke gale se chhuri ko pyaar kiya,

Ghazab ki kasssrat-e-mehhfil ke main ne dhoke main,
Hazaar baar raqeebon ko hum-kanaar kiya,

Hua hai koi magar us ka chahne wala,
Ke aasman ne tera sheva ikhtiyaar kiya,

Na pooch dil ki haqeeqat magar yeh kehte hain,
Woh beqaraar rahe jis ne beqaraar kiya,

Jab un ki tarz-e-sitam aa gayi to hosh aya,
Bura ho dil ka bure waqt hoshyaar kiya,

Fasaaana-e-shabb-e-ghamm un ko ik kahani thi,
Kuch aitbaar kiya kuch na aitbaar kiya,

Aseeri dill-e-ashufta rang la ke rahi,
Tamaam turra-e-tarrar taar-taar kiya,

Kisi ke ishq-e-nihaan main yeh badgumaani thi,
Ke dartedarte khuda par bhi aashkaar kiya,

Falak se taur qayamat ke ban na parrte they,
Aakhir ab tujhe ashobb-e-rozgaaar kiya,

Woh baat kar jo kabhi aasman se ho na sake,
Sitam kiya to barra tu ne iftikhar kiya,

Bane ga meher-e-qayaaamat bhi aik khal-e-siyah,
Jo chehra ‘daagh-e-siyaahru’ ne aashkaar kiya..

Send this as SMS | Daag Dehlvi, Designed Shayari, Ghazal Shayari
October 28th, 2016

Aarzuu vasl ki rakhti hai pareshaan..

Aarzuu vasl ki rakhti hai pareshaan kya kya,
Kya bataaon ke mere dil main hai armaan kya kya..

Send this as SMS | Akhtar Sheerani, Two Lines Poetry
October 27th, 2016



love shayari romantic shayari sad shayari nazam shayari