Sapney bechney aa nikley ho lekin daikh to lo.!
Duniya key bazaar mein un ki qemat kitni hai..

admi bulbula hai pani ka
kia bharosa hai zindagani ka

agar ho sakey to aa ker milo
kia hai is saans ani jani ka

agar tum laut aao to ‘Gul’
anchal sambhal lena shani ka.

Socha tha meray dukh ka madawa karei’n gey kuch..
Wo pursish-o-malal sey agey nahi gaye..!

Sochtey kiun nahi tum daikh key weera’n ankh’ein..?
Hum ney bhi dil mein koi shehar basaya ho ga..

Sun key mujh sey fasan-e-gham-e-dil!
Aap bhi gham zada na ho jana..

Samander hai meri takhleeq lekin..
Mein qatra hun uchalna chahta hun.!

Muhabbat key safar mein
aaj phir souchta hun
kitney din huay hein
tum ko dekha nahi
goya
kitney din huay hain
khud ko mila nahi
janey kab milo gay
lekin Jab milo gay
mein khod ko ainey mein
dekhlun ga
muhabbat key safar mein
aaj phir sochta hun. . !

Sham dhaley jab sarey panchi ghar ko janey lagtey hein..
Samey waley pairr pey bethi chiriya roney lagti hai!!

Sharam ko shirk ki had tak na barha…
Youn na chup hum sey khuda ho jesay!

Shor to youn utha tha jesay ik toofa’n ho!
Sanatey mein janey keay doob gaya..

Shayad is dukh sey ujri chali jati hai zamee’n.
Ab to insaa’n ka sitar’on per basera ho ga..

Abhi aay ho abhi ja rahey ho
kuch dair aur ruko abhi raat baki h ai
is tarha barish mein
mat chor ker jao mujhey
in ankh’on mein an-dekhay sapney bohat baki hein
tum in rah’on mein abhi sey nidhal ho
abhi dukho’n ki kitab aur baki hai
tum kisi aur key ho jao ye ho nahi sakta
abhi to ‘Gul’ ki saans boht baki hai..

Shayaro, naghma garo, nug tarasho, dekho..
Is sey mil lo to batana key hasee’n tha koi.!

Sharm ada-e-naz hai apney sey hi sahi..
Hein kitney be-hijaab key yuon hein hijaab mein.!

Shab magar kaat li hi ankh’on mein!
Door hoti rahi sehar phir bhi..