audio poetry

Latest Video Poetry

design poetry

Latest Designed Poetry

  • agahapni-thumb
  • shart-thumb
  • khushkhush-thumb
  • wohwaqtkajahaz-thumb
  • jakelaut-thumb
facebook like
twitter

Urdu Shayari

Ranjish.com is undoubtedly the freshest poetry website on planet. We offer urdu shayari, urdu sms, designed poems and shayari on several topics.
We are committed to keep our shayari database fresh so that our users can always new and fresh poems on Ranjish.com. Every poetry can now be sent as SMS.
google play

Urdu Poetry

Jo guzaari na ja saki hum se..

jo guzari na ja saki hum se

Be-qaraari si be-qaraari hai,
Vasl hai aur firaaq taari hai,

Jo guzaari na ja saki hum se,
Hum ne woh zindagi guzaari hai,

Nagharey kya huye ke logon pr,
Apna saaya bhi ab to bhaari hai,

Bin tumhare kabhi nahin aayi,
Kya meri neend bhi tumhari hai,

Aap main kaise aaaon main tujh bin,
Saans jo chal rahi hai aari hai,

Uss se kahiyo ke dil ki galiyon main,
Raat din teri intezaari hai,

Hijr ho ya visaal ho kuch ho,
Hum hain aur us ki yadgaari hai,

Ik mehak samt-e-dil se aayi thi,
Main yeh samjhaa teri savaari hai,

Haadson ka hisaab hai apna,
Warna har aaan sab ki baari hai,

Khush rahe tu ke zindagi apni,
Umar bhar ki umeed-vaari hai..

Send this as SMS | Designed Shayari, Ghazal Shayari, Jon Elia
October 25th, 2016


Advertisements

Raasta hai ke katt’ta jaata hai..

qabil ajmeri poetry

Raasta hai ke katt’ta jaata hai,
Faasla hai ke kamm nahin hota..

Send this as SMS | Designed Shayari, Ghazal Shayari, Qabil Ajmeri, Two Lines Poetry
October 24th, 2016

Sar main saudaa bhi nahin, dil main tamanna bhi nahin..

firaq gorakhpuri poetry

Sar main saudaa bhi nahin, dil main tamanna bhi nahin,
Lekin is tarkk-e-mohabbat ka bharossa bhi nahin,

Dil ki ginti na yagaanon main na begaanon main,
Lekin us jalvaa-gah-e-naz se uthta bhi nahin,

Shikwa -e-jaur kare kya koi us shokh se jo,
Saaf qaayel bhi nahin saaf mukartaa bhi nahin,

Meherbaani ko mohabbat nahin kehte aye dost,
Aah ab mujh se teri ranjish -e-bejaa bhi nahin,

Ek muddat se teri yaad bhi aayi nahin humen,
Aur hum bhool gaye hon tujhe aesa bhi nahin,

Yeh bhi sach hai ke mohabbat pe nahin main majboor,
Yeh bhi sach hai ke tera hussn kuch aisa bhi nahin,

Yuun to hungaame uthaate nahin deewaana-e-ishq,
Magar ae dost kuch aison ka thikaana bhi nahin,

Fitrat -e-hussn ko maloom hai tujh ko humdum,
Chaara hi ka hai ba-juzz sabr to hota bhi nahin,

Muuh se hum apne bura to nahin kehte ke firaq,
Hai tera dost magar aadmi achaa bhi nahin..

Send this as SMS | Designed Shayari, Firaq Gorakhpuri, Ghazal Shayari
October 24th, 2016

Shaam se aankh main nami si hai..

gulzar poetry

Shaam se aankh main nami si hai,
Aaj phir aap ki kammi si hai..

Send this as SMS | Designed Shayari, Gulzar, Two Lines Poetry
October 23rd, 2016

Woh aa ke mitta na dain intezaar ka lutff..

hasrat jaipuri poetry

Kahin woh aa ke mitta na dain intezaar ka lutf,
Kahin qubool na ho jaaye iltejaa meri..

Send this as SMS | Designed Shayari, Hasrat Jaipuri, Two Lines Poetry
October 23rd, 2016

Aah! Kal tak woh nawaazish..

Aah! Kal tak woh nawaazish, Aaj itni be-rukhi,
Kuch to nisbat chahiye anjaam ko aaghaaz se..

Send this as SMS | Syed Ghulam Bhik Nairang, Two Lines Poetry
October 23rd, 2016

Hum ko bechain kiye jaate hain..

Hum ko bechain kiye jaate hain,
Haaye kya shai woh liye jate hain..

Send this as SMS | Dil Shahjahanpuri, Two Lines Poetry
October 22nd, 2016

Na haara hai ishq aur na duniya thaki hai..

khumar barabankvi poetry

Na haara hai ishq aur na duniya thaki hai,
Diyaa jal raha hai havaa chal rahi hai,

Sukoon hi sukoon hai khushi hi khushi hai,
Tera gham salaamat mujhe kya kammi hai,

Charaghon ke badle makaan jal rahe hain,
Naya hai zamaana nayi roshni hai,

Aray o jafaaon pe chup rehne walo,
Khamoshi jafaaon ki taayid bhi hai,

Mera rehbar mujh ko gumraah na kar de,
Suna hai ke manzil qareeb aa rahi hai,

Khumar -e- bala-nosh ki to aur tauba,
Tujhe zaahidon ki nazar lag gayi hai..

Send this as SMS | Designed Shayari, Ghazal Shayari, Khumar Barabankvi
October 22nd, 2016

Yaadon ka hisaab rakh raha hoon..

Yaadon ka hisaab rakh raha hoon,
Seenay main azaab rakh raha hoon,

Tum kuch kahe jaao kya kahoon main,
Bas dil main jawaab rakh raha hoon,

Daaman main kiye hain jammaa girdaab,
Jebon main habaab rakh raha hoon,

Aaye ga woh nakhauti so main bhi,
Kamre ko kharab rakh raha hoon,

Tum par main shifaa-e-ha-e-kohna,
Ik taaza kitaab rakh raha hoon..

Send this as SMS | Ghazal Shayari, Jon Elia
October 22nd, 2016

Zindagi ke jitne darwaaze hain..

Zindagi ke jitne darwaaze hain
Sab mujh pe band hain,
Dekhna hadh-e-nazar se aage barrh kar
Dekhna bhi jurm hai,
Aasman-darr-aasmaan asraar ki parten hattaa kar
Jhaankna bhi jurm hai,
Kyun bhi kehna jurm hai,
Kaise bhi kehna jurm hai,
Saans lene ki to aazadi mayassar hai magar,
Zinda rehne ke liye insan ko kuch aur bhi darkaar hai,
Aur is kuch aur bhi ka tazkraa bhi jurm hai,
Ae khudaavandaan -e-aevaan-o-aqaayed,
Ae hunar-mandaan -e-aayin-o-siyaasat,
Zindagi ke naam par bas ek inaayat chahiye,
Mujh ko in saare jaraayem ki ijazat chahiye.

Watch Video

Send this as SMS | Ahmad Nadeem Qasmi, Nazam Shayari, Video Shayari
October 22nd, 2016



love shayari romantic shayari sad shayari nazam shayari