Video Shayari

Ranjish.com has lots of Urdu Video Shayari Poetry. Feel free to add your own Video Shayari Shayari here.

Video Shayari Collection

Video Poetry is shayari in video format. Video Shayari is recited by a female or male so that shayari lovers can hear it and watch it being recited. This type of audio shayari which can either be in urdu or in hindi is immensely popular among teenagers who don’t just like reading poetry but prefer listening to poetry in attractive voices.
Video poetry lovers usually like poetry in girls voices so we will try to record our audio and video shayari in female voices. We produce these poetry videos ourself.



Chand nikle ga, Suna hai EID bhi hogi..

Video Shayari

Suna hy chand nikle ga,
Suna hy eid bhi hogi,
Humein to aasman pe door tak,
Kuch bhi nahi dikha tha,
Kahan wo chand nikle ga,
Ke jis ke wasty hum ne,
Kabhi palkein nahi jhapki,
Wo jis ka rasta takty,
Hy guzari zindagi apni,
Nahi kuch bhi khabar ke wo,
Nikly ga to kab aakhir…..??
Humari muntazir aankhon ko,
Us ki deed kab hogi,?

Abhi poocho nahin hum se,
Humari eid kab hogi..
Humari eid kab hogi..



Woh aksar mujh se kehti thi, Wafa hai zaat aurat ki..

Video Shayari

Woh aksar mujh se kehti thi,
Wafa hai zaat aurat ki,
Magar jo mard hote hain,
Bohat be’dard hote hain,

Kisi bhanwre ki surat,
Gul ki khushbu loot jate hain,
Suno, tum ko kasam meri,
Riwayat torr dena tum,
Na tanha chorr ke jana,
Na yeh dil torr ke jana,

Magar phir yu’n hua ik din,
Mujhe anjaan raste per,
Akela chorr kar usne,
Mera dil torr kar usne,

Mohabbat chorr di usne,
Wafaa hai zaat aurat ki,
Riwayat torr di us ne..



Main tumko bhool jaon ga..

Video Shayari

Zara si be-sakooni hai,
Mujhe is zindgani se koi shikwa nahin lekin,
Zara si be-sakooni hai,

Najane kyun mere dil main,
Ajab ik khauf rehta hai,
Mujhe mehsus hota hai,
Mere dil par tumhari yaad ki dastak
main ab woh shidat nahin hoti,

Bohat hi khas baten hain,
Mujhe jo aam lagti hain,
Mere dil par inhen sun kar koi tufan nahin uthta,

Tumhari sharbati ankhen,
Tumhara khawb sa chehra,
Tumhara makhmali lehja,
Sabhi kuch khawb lagta hai,

Mujhe mehsus hota hai,
Sunehri titliyon jese,
Woh sab khush-rang se sapne,
Mere lafzon ke phoolon par bohat din se nahin bethe,

Mujhe mehsus hota hai,
Samay ki tez lehron ne,
Hamare rait ke kachay gharonde torr dale hain,
Mujhe in tez lehron se,
Sunehri titliyon jese,
Sabhi khush-rang sapnon se koi shikwa nahin lekin,

Zara si be-sakooni hai,
Mujhe mehsus hota hai,
Tumhare dil ke darwaze par,
Meri yaad ki dastak meri jaan ab nahin hoti,
Ke meri yaad aye to tumhari ankh bhar aye,

Duyaen mangte lamhe,
Mujhe tum bhool jati ho,
Magar phir bhi mujhe tumse koi shikwa nahin lekin,

Ajab si be-sakooni hai,
Ajab sa khauf rehta hai,
Main tum ko bhool jaon ga..



Gaahe-gaahe ab yehi ho kya..

Video Shayari

Gaahe-gaahe ab yehi ho kya,
Tum se mil kar bohat khushi ho kya,

Mil rahi ho barre tapaak ke sath,
Mujh ko yaksar bhula chuki ho kya,

Yaad hain ab bhi apne khawb tumhen,
Mujh se mil kar udaas bhi ho kya,

Bas mujhe yuun hi ik khayal aya,
Sochti ho to sochti ho kya,

Kya kaha ishq javedani hai,
Aakhri bar mil rahi ho kya,

Mere sab tanz be-assar hi rahe,
Tum bohat door ja chuki ho kya,

Dil main ab soz-e-intezar nahin,
Shama-e-umeed bujh gayi ho kya,

Is samandar tishna-kaaam hoon main,
Baan tum ab bhi beh rahi ho kya..

گاہے گاہے بس اب یہی ہو کیا - جون ایلیا



Maut ki aghosh main jab thak ke so jati hai maan..

Video Shayari

Maut ki aghosh main jab thak ke so jati hai maan,
Tab kahin ja kar raza thora sakoon pati hai maan,

Kab zaroorat ho meri bachon ko itna soch kar,
Jagti rehti hain ankhen aur so jati hai maan,

Pehle bachon ko khilati hai sakoon aur chain se,
Baad main jo kuch bacha woh shauq se khati hai maan,

Phair lete hain jis waqt nazar bete aur bahu,
Ajnabi apne hi ghar main haye ban jati hai maan,

Hum ne yeh bhi nahin socha alag hone ke baad,
Jab dia hi kuch nahin hum ne to kya khati hai maan,

Baad mar jaane ke bete ki khidmat ke liye,
Bhaiss beti ka badal kar ghar main aa jati hai maan,

Pyar kehte hain kise aur mamta kya cheez hai,
Koi un bachon se pooche jin ki mar jati hai maan..



Agar yeh keh do bagher mere nahin guzara to main tumhara..

Video Shayari

Agar yeh keh do bagher mere nahin guzara to main tumhara,
Ya is pe mabni koi taasur koi ishaara to main tumhara,

Tum apni sharton pe khel khelo, main jese chahon lagaon bazi,
Agar main jeeta to main tumhara, agar main hara to main tumhara,

Tumhara ashiq tumhara mukhlis, tumhara sath tumhara apna,
Raha na in main se koi duniya main jab tumhara to main tumhara,

Tumhara hone ke faisle ko main apni qismat pe choRRta hoon,
Agar muqaddar ka koi toota kabhi sitara to main tumhara,

Yeh kis pe taveez kar rahe ho, yeh kis ko paane ke hain wazeefe,
Tamam chorro bas ik jo kar lo istikhara to main tumhara..



Hath paaon bhi batate hain ke mazdoor hoon main..

Video Shayari

Hath paaon bhi batate hain ke mazdoor hoon main,
Aur malbuus bhi kehta hai ke majboor hoon main,

Fakhar karta hoon ke khata hoon faqat rizq-e-halal,
Apni sift-e-qalandar pe to maghroor hoon main,

Saal sara mera katt jata hai gumnami main,
Bas yakam may ko yeh lagta hai ke mashoor hoon main,

Apne bachon ko bachaa nahin sakta faaqon se,
Un ko taleem dilane se mazoor hoon main,

Pait bhar deta hai hakim mera taqreeron se,
Un ki is tifl tasalli pe to ranjuur hoon main,

Yaum-e-mazdoor hai, chutti hai, mera faaqa hai,
Phir bhi yeh din to manaaon ga ke mazdoor hoon main,

Mujh ko pardes liye phirti hai rozi wasif,
Apne bachon se bohat door, bohat door hoon main..



Mohabbat rog hai jaanan..

Video Shayari

Mohabbat rog hai jaanan,
Ajab sanjog hai jaanan,
Yeh kesa rog hai jaanan,

Barre boorrhe batate thay,
Kayi qisse sunaate thay,
Magar hum mante kab thay,
Yeh sab kuch jaante kab thay,

Bohat pukhta iraade kis tarah se toot jaate hain,
Humen idraak hi kab tha,
Humen kaamil bharosa tha,
Hamare sath kisi surat bhi aesa ho nahin sakta,
Yeh dil kabu se bekabu kabhi bhi ho nahin sakta,

Magar phir yuun hua jaanan,
Najane kyun hua jaanan,
Jigar ka khoon hua jaanan,

Tere abru ki ik jumbish,
Tere sar ke ishare pr,
Gulaabi muskurahat pr,
Chehra-e-masoomana pr,
Jafaye-e-mehermana pr,
Sadaye-e-dilrubana pr,
Adaye-e-qatilana pr,

Ghayal ho gaye hum bhi,
Barre bebaak phirte thay,
Aur mayal ho gaye hum bhi,
Sakhawat karne aye thay,
Aur sayal ho gaye hum bhi,
Barre boorrhon ki baaton ke,
Qayal ho gaye hum bhi,
Mohabbat rog hai jaanan..



Khule gi us nazar pe chashm-e-tar ahista ahista..

Video Shayari

Khule gi us nazar pe chashm-e-tar ahista ahista,
Kiya jata hai paani main safar ahista ahista,

Koi zanjeer phir wapas wahin par le ke ati hai,
KaThin ho raah to chuTTta hai ghar ahista ahista,

Badal dena hai rasta yah kahin pr beth jana hai,
Ke thakta ja raha hai hamsafar ahista ahista,

Khalish ke sath is dil se na meri jaan nikal jaye,
Khinche teer-e-shanasayi magar ahista ahista,

Havaa se sar-kashi main phool ka apna ziyaan dekha,
So jhukta ja raha hai ab yeh sar ahista ahista..

کھلے گی اس نظر پہ چشم تر آہستہ آہستہ - پروین شاکر



Mohabbat woh kahani hai..

Video Shayari

Mohabbat woh kahani hai,
Jis ki ibtida se hi humen maloom hota hai,
Ke us ki inteha kya hai,
Magar hum phir bhi sunte hain,

Humen maloom hota hai,
Ke kis kirdaar ne kis moRR pr kya chaal chalni hai,
Humen maloom hota hai,
Ke kin rahon pe kis ko surat-e-gard-e-safar ho kar,
Safar ki inteha tak humsafar ke sath rehna hai,

Humen maloom hota hai,
Ke kis kirdaar ko ik roz yeh bhi kehna hai,
Ke koi bewafa hoga to akhir kis liye hoga,
Koi tujh se juda hoga to akhir kis liye hoga,
Humen maloom hota hai,
Ke kis ne aik din kya keh ke kis ko choRR dena hai,
Mohabbat main kiya har aik vada toRR dena hai,
Humen maloom hota hai,

Humen yeh bhi khabar hoti hai ke
Is qissa-e-benaam ke kirdaar kya kya hain,
Haqeeqat ya fareb-e-zindagi,
Aasaar kya kya hain,
Humen maloom hota hai,

Mohabbat ki kahani main,
Woh kya kirdaar hai jo darhaqeeqat hum hi hote hain,
Woh kya kirdaar hai jo darhaqeeqat koi aesa shakhss hota hai,
Jise hum jante to hain magar benaam hota hai,
Humen maloom hota hai,
Ke kis kirdaar ka kya anjaam hona hai,
Mohabbat woh kahani hai,
Ke jis ki ibtidaa se hi humen maloom hota hai,
Ke is ki inteha kya hai,
Magar hum phir bhi sunte hain..


Advertisements

We update our poetry database on daily basis so keep coming back for more Video Shayari.



love shayari romantic shayari sad shayari nazam shayari