Designed Shayari

Tum se ulfat ke taqaaze na nibhaye jatay,
Warna hum ko bhi tamanna thi ke chahe jatay,

Dil ke maron ka na kar gham ke yeh ando-naseeb,
Zakham bhi dil main na hota to karaahay jatay,

Hum-nigaahi ki humen khud bhi kahan thi taufeeq,
Kum-nigaahi ke liye uzzar na chahay jatay,

Lazat-e-dard se aaasooda kahan dil walay,
Hai faqat dard ki hassrat main karaahay jatay,

Di na mohlat humen hassti ne wafaa ki warna,
Aur kuch din gham-e-hassti se nibhaye jatay..

Jab bhi ghairon ki inayat dekhi,
Hum ko apnon ke sitam yaad aye..

Woh bhi shayed ro parre veeraan kaghaz dekh kar,
Maine us ko aakhri khat main likha kuch bhi nahin..

Sazaa ke jhailnay wale yeh sochna hai gunaah,
Koi qusoor bhi tujh se kabhi hua ke nahin..

Gharzz ke kaat diye zindagi ke din aye dost,
Woh teri yaad main hon ya tujhe bhulane main..

Go zara si baat par barson ke yaraanay gaye,
Lekin itna to hua kuch log pehchaane gaye,

Main isay shohrat kahoon ya apni rushwayi kahoon,
Mujh se pehle us gali main mere afsanay gaye,

Wehshaten kuch is qadar apna muqaddar ho gayin,
Hum jahan pohanche hamare saath viraanay gaye,

Yun to woh meri rag-e-jaan se bhi thay nazdeek tar,
Aansuyon ki dhund main lekin na pehchaane gaye,

Ab bhi un yaadon ki khushbuu zehen main mehfooz hai,
Baa’arhaaa hum jise gulzaaron ko mehkaanay gaye,

Kya qayamat hai ke khatir kushta shab hum hi thay,
Subah jab aayi to mujrim hum hi gardaanay gaye..

Khaawbon ka gila jaayez hai mohsin lekin,
Main neendain dhoond ke laaon kahan se..

Aik shakss dekha hai maine aayine main,
Khafa duniya se hai kalaam khud se nahin karta..

Yeh humeen hain ke tera dard chupa kar dil main,
Kaam duniya ke ba-dastoor kiye jatay hain..

Jis tarah log khasaaray main bohat sochte hain,
Aaj kal hum tere baaray main bohat sochte hain..