Designed Shayari

Jiss tarah ki hain deewaren yeh dar jesa bhi hai,
Sar chupaane ko muyassar to hai ghar jesa bhi hai..

Iss baar woh talkhi hai ke roothay bhi nahin hum,
Ab ke woh larraayi hai ke jhagrra na karen ge..

To kya yeh tehhh hai ke ab umar bhar nahin milna,
To yeh umar bhi kyun tum se gar nahin milna..

Ab andheron main jo hum khauf-zada bethe hain,
Kya karen khud hi chiraaghon ko bhuja bethe hain..

Ruswaa kare gi yeh jo nammi chashm-e-tar main hai,
Pii jaao asshk baat abhi ghar ki ghar main hai..

Teri dehleez tak hi laati hai,
Raah jo bhi ikhteyaar karta hoon..

Aye shakss! main teri justajuu se,
Bezaar nahin hoon thakk geya hoon..

Dil-e-majboor bhi kya hai shai hai ke dar se apne,
Uss ne sau baar uthaaya to main sau baar geya..

Talkhiyaan chubhne lagi jab zeest ke paimaane main,
Dard ke maaron ne ghholl ke piyaa eid ka chaand..

Mera ik mashwraa hai iltijaa nahin,
Tu mere paas se is waqt jaa nayeen,

Koi dum chain parr jata mujhe,
Magar main tujh se dum bhar ko juda nayeen,

Safar darpesh hai aik be-masaafat,
Masaafat ho to koi faasla nayeen,

Mohabbat kuch na this juz bad-hawaasi,
Ke woh band-e-qabaa hum se khulaa nayeen,

Chalaaye teer to kis kis ne lekin,
Mera qaatil koi tere siwaa nayeen,

Bicharr kar jaan tere aastaan se,
Lagaya jee bohat pr jee laga nayeen,

Hamara aik hi to mudaa.aa tha,
Hamara aur koi mudaa.aa nayeen,

Kabhi khud se mukkar jaane me kya hai,
Main dastaawaiz pr likha hua nayee,

Yahin sab kuch tha jis dum woh yahan tha,
Chale jaane se us ke jaane kya nayeen,

Woh hijr o vasl tha sab khawb dar khawb,
Woh saara maajraa jo tha, woh tha nayeen,

Judaayi apni be-rudaad si thi,
Ke main roya na tha, aur phir hansa nayeen..