Designed Shayari

Door se dekhte hain woh mujh ko ghairon ki tarah,
Wese kehne ko to ehbaab mere apne hain..

Umar guzre gi imtihaan main kya,
Daagh hi do ge daan main kya,

Khamoshi keh rahi hai kaan main kya,
Aa raha hai mere gumaan main kya,

Ab koi mujh ko tokta bhi nahin,
Yehi hota hai khaandaan main kya,

Bolte kyun nahin mere haq main,
Aable parr gaye zabaan main kya,

Meri har baat be-assar hi rahi,
Nuqss hai kuch mere beyaan main kya,

Woh mile to yeh poochna hai mujhe,
Ab bhi hoon main teri amaan main kya,

Yeh mujhe chain kyun nahin parrta,
Aik hi shakss tha jahaan main kya..

Watch Video

Talb-e-ishq mittaa di hum ne,
Uss ko roka na sadaa di hum ne,

Khawb logon ne jalaa daale they,
Raakh raahon main urra di hum ne..

Tum se ulfat ke taqaaze na nibhaaye jaate,
Warna hum ko bhi tamanna thi ke chaahe jaate..

Mar geya ho koi bicharrne se,
Aik aesi misaal de mujh ko..

Ab to un ki yaad bhi aati nahin,
Kitni tanha ho gayin tanhaayiyan..

Jo log jaan boojh kar nadaan ban gaye,
Mera khayal hai ke woh insaan ban gaye..

Jo shaad phirte they kal aaj chup ke rote hain,
Hazaar shukar gham paayedaar apnaa hai..

Kehte hain kaaghzon ki banaata tha kashtiyan,
Hathon se apne paar lagaata tha kashtiyan,

Bacha mila hai aaj woh saahil pe maut ke,
Kal tak jo paaniyon main bahaata tha kashtiyan..

Karoon ga kya jo mohabbat main ho geya nakaam,
Mujhe to aur koi kaam bhi nahin aata..