audio poetry

Latest Video Poetry

design poetry

Latest Designed Poetry

  • koiaye-thumb
  • hujoommaintha-thumb
  • yad-e-mazi-thumb
  • iksuraj-thumb
  • ghartoaesakahan-thumb
facebook like
twitter

Urdu Eid Shayari

Ranjish.com has lots of Urdu Eid Shayari Poetry. Feel free to add your own Eid Shayari Shayari here.

Eid Shayari

urdu eid poetry
Eid Shayari is poetry on eid festival. Eid Shayari and Eid Poetry is the same thing. Eid Poetry is read when eid festival is near and people need to wish their loved ones Eid wishes. Bakra Eid Shayari is another keyword for Eid Shayari. Eid Shayari is loved all over the world, wherever the muslims are. Muslims use Urdu Eid Poetry to wish their friends and family eid. The word “Eid Mubarak” is used to wish eid greetings.



Uncle uncle baat suno na.. Eid Ka Din Hai..

Eid Shayari

Uncle uncle baat suno na,
Lambi gari wale uncle,
Eid ka din hai,
Meri umar ke saray bache,
Rang barange kaprre pehne,
Cham cham karte mehnge jootay,
Barre barre noton ki eidi,
Kitne khush hain,
Dekhen mere paaon bareeda,
Paaon main yeh tooti chappal,
Koi barra na koi eidi,
Phir bhi khush hoon,

Lekin uncle,
Woh jo us deewar ke paas,
Ik chaar barrass ki bachi haina,
Meri choti behna hai woh,
Koorra-daan se us ki khatir,
Aik hi paaon ke do jootay,
Aur barri kothi se utran ke kaprre laya hoon,

Lekin pagli kehti hai ke,
Bhaiyya mujh ko kangan la do,
Dekhen uncle,
Meri jaib main chand rupay hain,
Thehren main ginta hon in ko,
Dus ka note aur chand ik sikkay,
Kul mila kar satra (17) hain,
Teen (3) rupay bas de dain mujh ko,
Main apni choti behna ko,
Dus dus (10) ke do kangan laa doon,
Uncle uncle baat suno na,
Lambi gari walay uncle..

Watch this Video Poetry »



Kash koi na likhe sher dukh bharay..

Eid Shayari

eid ke din

Kash koi na likhe sher dukh bharay shahid,
Haal dil ka ho mussarat se bayaan eid ke din..



Chand dekha hai to yaad ayi hai teri suurat..

Eid Shayari

chand dekha hai

Chand dekha hai to yaad ayi hai teri suurat,
Haath uthte hain magar harf-e-duaa yaad nahin..



Masroof hai eid ki tayarion main..

Eid Shayari

eid ki tyarion

Masroof hai khalaq eid ki tayarion main aur mein,
Mehv-e-fikr hoon ke sab se hansss kar milna hoga..



Kabhi iss tarah se bhi eid kar…

Eid Shayari

Kabhi iss tarah se bhi eid kar,
Abhi zid na kar dil-e-bekhabar,
Ke pass-e-hujoom sitamgiraan,
Abhi kon tujh se wafaa kare,

Abhi kiss ko fursaten iss qadar,
Ke samaitt kar teri kirchiyaan,
Tere haq main khud se dua kare,
Abhi zid na kare dil-e-bekhabar,
Ke tah-e-ghubaar e gham-e-jahan,
Kahan kho gaye tere chaaragar,
Ke raah-e-hayaat main raayegaan,
Kahan so gaye tere humsafar,
Abhi ghamgusaron ki chott seh,
Abhi kuch na sun abhi kuch na keh,

Abhi zid na kar mere be-nawaa,
Abhi ho sake to sahii mere,
Sabhi khawb raakh main daffan kar,
Abhi ho sake to yeh soch le,
Ke tuluu-e-ashq se paishtar,
Kahin dard hai to huaa kare,
Koi chott hai to khila kare,

Kabhi yun bhi ho ke sar-e-uffaq,
Tere dukh ka chaand dammak uthe,
Koi tees khud se chamak uthe,
Kisi sheher-e-zakhm farosh main,
Koi zakham khud se khareed kar,
Sabhi akss khud se khurachh kabhi,
Kiisi aayine pe na deed kar,
Kabhi yuun bhi jashn-e-turb mana,
Kabhi iss tarah se bhi eid kar…

Watch this Video Poetry »



Dard ke maaron ne ghholl ke piyaa eid ka chaand..

Eid Shayari

eid ka chand poetry
Talkhiyaan chubhne lagi jab zeest ke paimaane main,
Dard ke maaron ne ghholl ke piyaa eid ka chaand..



Iss eid pe laut ke aa jana..

Eid Shayari

Iss eid pe laut ke aa jana,
Kuch yaaden taaza karni hain,
Kuch lamhe morr ke laane hain,

Woh masti aur woh madhoshi,
Woh bachpan morr ke laana hai,

Iss eid pe laut ke aa jana,
Ab dil ko dil ki dharrkan se,
Phir eid mubarak kehna hai,
Aur saath bohat din rehna hai,
Iss eid pe laut ke aa jana..

Watch this Video Poetry »



Aaj bohat saalon baad maine eid manayi hai..

Eid Shayari

Aaj bohat saalon baad maine eid manayi hai,
us ne khusbhuu ke jhoolon main
phoolon ki khawhishen bhejin,
us ne taaron ki thandi chaaon,
aur khawbon ki titliyaan bhejin,
aik vaada-e-fardaa bheja us ne,
saath nibhaane ka,
chorr na jaane ka,

Mujhe maloom hai woh behlaata hai,
mujh ko sataata hai,
magar us ke sapnon se,
uss ke waadon se,
maine aik duniya sajaayi hai,
Aaj bohat saalon baad maine eid manayi hai..

Watch this Video Poetry »



Khushi ke geet gaao eid aayi hai..

Eid Shayari

Khushi ke geet gaao eid aayi hai,
Hanssi labon pe sajaao eid aayi hai,

Parinde bolte hain dil ki baat karte hain,
Tum apna haal sunaao eid aayi hai,

Fizaa main rang hain aur rang dilnasheen,
Nazzar se dil main bassaao eid aayi hai,

Khille hain phool aur mehek rahi hai fizaa,
Dilon ke ranjj mittaao eid aayi hai,

Chalo ke dil ki udaasi ko hatam karte hain,
Khushiyon ko dhoond ke laao eid aayi hai..



Iss eid pr bhi na mil sake to kya hua dosto..

Eid Shayari

iss eid pr bhi na mil sake
Iss eid pr bhi na mil sake to kya hua dosto,
Jazzbon main khuluus ho to eiden hazaar hain..


Advertisements

We update our poetry database on daily basis so keep coming back for more Eid Shayari.



love shayari romantic shayari sad shayari nazam shayari