Eid Shayari

Iss eid per phir sath hain mere,
Doori, tanhai aur baas teri yadain..

Qurbani karna, eid manana, Khoob khushi ke naghmey gana,
Jo gham ke maarey hain becharey un ko lekin bhool na jana..

Aur Dino Ka Hisab Rehnay Do,
Ye Batao Eid Pe Yaad Karo Gey….??

Bohat ronaq hai bahir, ghar mein udaasi chaayi hai,
Karo koi taaza bahana jaana, Eid phir se aayi hai..

Is qurbaani ki Eid pe kuch aur na sahi,
Hum apni hasrtain hi qurbaan karte hain..

Kya sunayain kis haal mein ati hai pardes ki eid,
Nikal aate hain aansu jab yad ati hai dess ki eid,

Rahain woh khush-o-huram ghar mein apne,
Jin ke liye hum ko rulaati hai pardes ki eid,

Aate hain yaad jab woh phool se chehre,
Us lamhe hum ko kitna tarpati hai pardes ki eid,

Kis se galley milain kisey kahain ge apna hum,
Bas yu’n hi guzar jati hai pardes ki eid,

Kehte hain har bar bas pardes ki hai ye akhri eid,
Agley saal phir aa jaati hai pardes ki eid..

Na Hath Diya, Na Galay Milay, Na Muyassar Tumhari Deed Hui,
Ab Tum Hi Batao Aey Saajan Ye Qayamat Hui ke EiD Hui.

Ghamon Ny Cheen Li Hai Mujh Sy Meri Yadasht,
Aaj Agar Eid thi To Phir Eid Mubark…

Chalo Acha Hua Eid Ab ke Bhi tanha Guzri,
Galay Mil ke Bohat Rote Jo Tum aa Jaate…

Kehta tha na mujh ko pardes bhejo maan,
Ab mery baghair eid kaisy manao gi maan,

Sab k bety jab aayen ge eid parh ke,
Tum darwazy mein khari takti reh jaogi maan,

Saway’yan jab bantny lago gi mohally mein,
Tumhari palk aanson se bheeg jaye gi maan,

Sham tak bhi jab na pohnch paonga ghar,
Tery dil ki dharkan jaisy ruk si jayegi maan,

Eid parh kr jab wapis aaonga duty pe,
Tasali ye dil ko de kr so jaonga maan,
Eid ka kiya hai agly saal phir ajyegi maan..