Ghazal Poetry, Ghazal Shayari of Popular Poets

Latest Audio Poetry

Latest Designed Poetry

  • ikteribaraabri-thumb
  • bastiyanhogayin-thumb
  • us ke jaane se ajab haal hai
  • butbanebethna-thumb
  • mujhemujhsemilati-thumb
facebook like
twitter
  • ahmad faraz top 10 poetry
  • faiz ahmed faiz top 10 poetry
  • noshi gilani top 10 poetry
  • parveen shakir top 10 poetry

Urdu Ghazal Shayari

Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.


-



Ghazal Shayari

Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.



Itna to dosti ka silaah dijiye mujhe..

Ghazal Shayari

itna to dosti ka silaah dijiye

Itna to dosti ka silaah dijiye mujhe,
Apna samajh ke zeher pilaa dijiye mujhe,

Uthe na taa-ke aap ki janib nazar koi,
Jitni bhi tohmtain hain lagaa dijiye mujhe,

Kyun aap ki khushi ko mera gham kare udaas,
Ik talkhh haadsa hoon bhula dijiye mujhe,

Main aap ke qareeb hi hota hoon har gharri,
Moqa kabhi parre to sadaa dijiye mujhe,

Har cheez dasstiyaab hai bazaar main Adam,
Jhooti khushi khareed ke laa dijiye mujhe..

6 votes, 3.33 avg. rating



Akele chorr jate ho, yeh tum acha nahin karte..

Ghazal Shayari

Akele chorr jate ho, yeh tum acha nahin karte,
Hamara dil jalaate ho, yeh tum acha nahin karte,

Kya yeh bhi mohabbat hai, mohabbat hi issey rakho,
Tamasha tum banaate ho, yeh tum acha nahin karte,

Uthaate ho sar-e-mehfil, falak tak tum humen lekin,
Utha kar jo giraate ho, yeh tum acha nahin karte,

Kabhi jo pooch lain tum se, ke rishta kya hai ab hum se,
To nazron ko jhukaate ho, yeh tum acha nahi karte..

Listen this Poetry »

4 votes, 4.00 avg. rating



Bohat tanha hua hoon main palatt ke aa bhi jaao tum..

Ghazal Shayari

Bohat tanha hua hoon main palatt ke aa bhi jaao tum,
Ashq kaa dariyaa hua hoon main palat ke aa bhi jaao tum,

Jahan pe hath chhorra tha jahan pe sath chhorra tha,
Usi raah pe kharra hoon main palatt ke aa bhi jaao tum,

Udaasi ne banaya ghar mere dil k bagheeche mein,
Bohat hi ghamzada hoon main palatt ke aa bhi jaao tum,

Dar-o-deewar kehte hain mere kaano mein aa aa kar,
Kab se veeraan parra hoon main palatt ke aa bhi jaao tum,

Kisi ka baa-wafa hona Sajid sabab hai gar judaai ka,
Suno! phir be-wafa hoon main palat ke aa bhi jaao tum..

Sajid Hashmi

11 votes, 3.55 avg. rating



Ab woh ghar tak viraana tha bas viraana zinda tha..

Ghazal Shayari

Ab woh ghar tak viraana tha bas viraana zinda tha,
Sab aankhen damm torr chuki theen aur main tanha zinda tha,

Saari galli sunsaan parri thi baad-e-fana ke pehre main,
Hijr ke dalaan aur aangan main bass ik saaya zinda tha,

Woh dopeher apni rukhsat ki aisa waisa dhoka thi,
Apne andar apni laash uthaaye main jhuuta zinda tha,

Theen woh ghar raaten bhi kahaani vaade aur phir din ginn’na,
Aana tha jaane wale ko jaane wala zinda tha,

Dasstak dene waale bhi they dastak sunn’ne waale bhi,
Thaa abaad mohallah saara har darwaaza zinda tha,

Peele patton ko seh-pehr ki vehshat pursaa deti thi,
Aangan main ik aundhe gharre par bass ik kavva zinda tha..

10 votes, 4.50 avg. rating



Khayal-e-yaar me mujh ko yunhi madhosh rehne do..

Ghazal Shayari

Khayaal-e-yaar main mujh ko yunhi madhosh rehne do,
Na poocho raat ka qissa mujhe khamosh rehne do,

Sunaya vasl ka qissa to mere dost yoon bole,
Kahan tum kahan us ki haseen aghosh rehne do,

Mujhe maloom hai us ne mera hona nahin lekin,
Meri umeed mat torro mujhe pur-josh rehne do,

Mohabbat jurm hai mera mujhe iqraar hai iska,
Wafaa ilzaam hai to phir mere sar dosh rehne do,

Kitaab-e-ishq se hum pr yehi raaz khula hai,
Paaye jo jaam ulfat ka ussey meh-nosh rehne do..

Listen this Poetry »

27 votes, 4.52 avg. rating



Koi naata na mohabbat ke baraabar niklaa..

Ghazal Shayari

Koi naata na mohabbat ke baraabar nikla,
Toot kar chaha jisse woh sitamgar nikla,

Yoon to har lehar se thi apni shanaasayi bohat,
Samjha saahil jisse woh gham ka samandar nikla,

Rooh main jhaanka to yeh mehsuus hua mujh ko,
Itna zarkhaiz jo lagtaa tha woh banjar nikla,

Narmi hathon main na garmi saanson main magar,
Maine chuu kar ussey dekha to woh pathar nikla,

Listen this Poetry »

16 votes, 4.31 avg. rating



Udaas logon se pyar karna koi to seekhe..

Ghazal Shayari

Udaas logon se pyar karna koi to seekhe,
Safaid lamhon main rang bharna koi to seekhe,

Koi to aaye khizaan main patey ugaane wala,
Gulon ki khushbuu ko qaid karna koi to seekhe,

Koi dikhaaye mohabbaton ke saraab mujh ko,
Meri nigaahon se baat karna koi to seekhe,

Koi to aaye nayi ruton ka peyaam le ker,
Andheri raaton main chaand ban’na koi to seekhe,

Koi peyambar koi imaam-e-zamaan hi aye,
Aseer zehnon main soch bharna koi to aye..

Listen this Poetry »

9 votes, 4.33 avg. rating



Gungunaate huye aanchal ki havaa de mujh ko..

Ghazal Shayari

Gungunaate huye aanchal ki havaa de mujh ko,
Ungliyaan phair ke baalon main sula de mujh ko,

Jis tarah faaltu guldaan parre rehte hain,
Apne ghar ke kisi konay se laga de mujh ko,

Main tere hijr main chup chaap na mar jaon kahin,
Main hon sakte main kabhi aa kr rula de mujh ko,

Roothna tera meri jaan liye jaata hai,
Aese naraaz na ho hansss ke dikha de mujh ko,

Aur kuch nahin maanga mere maalik tujh se,
Uss ki galiyon ki khaak bana de mujh ko,

Log kehte hain ke yeh ishq niggal jaata hai,
Main bhi iss ishq main aya hon ab dua de mujh ko..

Listen this Poetry »

10 votes, 3.90 avg. rating



Hum ko khush rehne ke adaab kahan atey hain…

Ghazal Shayari

Tu bata aye dil-e-betaab kahan atey hain,
Hum ko khush rehne ke adaab kahan atey hain,

Main to yak-musht usse somp doon sab kuch lekin,
Aik muthii main mere khawb kahan atey hain,

Mudatton baad tujhe dekh ke dil bhar aaya,
Warna sehraaon main sailaab kahan aatey hain,

Meri bedaar nigaahon main agar bhoolay se,
Neend aaye bhi to khawb kahan aatey hain,

Hum kisi tarah tere dar pe thikaana kar lein,
Hum fakeeron ko yeh adaab kahan aatey hain,

Sarbassar faqat jin main teri jhallak milti hai,
Ab muyassar humen woh khawb kahaan atey hain..

Listen this Poetry »

21 votes, 4.24 avg. rating



Kumm tere zabt ki qeemat nahin karne wale..

Ghazal Shayari

Kumm tere zabt ki qeemat nahin karne wale,
Hum teri aankh se hijrat nahin karne wale,

Apne nazdeek mohabbat hai ibaadat ki tarah,
Hum ibaadat ki tijaarat nahin karne wale,

Yeh alag baat hai ke izhaar nahin kar sakte,
Yeh na samjho ke mohabbat nahin karne wale,

Kaatt ke phenk de sar chaahe sajaa naize pr,
Hum tere hath pe bayt nahin karne wale,

Aye haakim-e-waqt zara apne girebaan main jhaank,
Log bewajah baghaavat nahin karne wale..

Listen this Poetry »

13 votes, 4.46 avg. rating


Advertisements

We update our poetry database on daily basis so keep coming back for more Ghazal Shayari.



love shayari romantic shayari sad shayari nazam shayari

RSS Shayari

  • Chupke chupke raat din aansu bahana yaad hai. September 2, 2015
    Chupke chupke raat din aansu bahana yaad hai, Hum ko ab tak aashiqi ka woh zamaana yaad hai, Ba-hazaran iztiraab o sad-hazaran ishtiyaq, Tujh se woh pehle-pehal dil ka lagaana yaad hai, Baar baar uthna usi jaanib nigaah-e-shauq ka, Aur tera ghurfe se woh aankhen larraana yaad hai, Tujh se kuch milte hi woh bebaak […]
  • Ik teri baraabri ke liye.. September 1, 2015
    Ik teri baraabri ke liye, Khud ko kitna gira chuka hon main..… The post Ik teri baraabri ke liye.. appeared first on Ranjish.com.
  • Zindagi kya hai aik kahaani hai.. August 31, 2015
    Zindagi kya hai aik kahaani hai, Yeh kahani nahin sunaani hai, Hai khuda bhi ajeeb yaani jo, Na zameeni na aasmaani hai, Hai mere shauq-e-vasl ka yeh gila, Us ka pehlu sara-e-faani hai, Yeh hai lamhon ka ek shehr-e-azal, Yaan ki har baat na-gahani hai, Rang ki apni baat hai warna, Aakhirash khuun bhi to […]
  • Yaadon ki aag thi ke khayalon ki chaandni.. August 30, 2015
    Yaadon ki aag thi ke khayalon ki chaandni, Shab bhar mere makaan main ik roshni rahi..… The post Yaadon ki aag thi ke khayalon ki chaandni.. appeared first on Ranjish.com.
  • Tamanaaon main uljhaaya geya hoon.. August 30, 2015
    Tamanaaon main uljhaaya geya hoon, Khilone de ke behlaaya geya hoon, Hoon iss kuuche ke har zaray se waqif, Idhar se mudatton aaya geya hoon, Nahin uthte qadam kyun jaanib-e-dair, Kisi masjid main behkaaya geya hoon, Dil-e-muztar se pooch ae raunak-e-bazm, Main khud aaya nahin laaya geya hoon, Savera hai bohat ae shor-e-mehshar, Abhi bekaar […]
  • Aese tuufaan bhi aaye hain yahan raaton raat… August 29, 2015
    Bastiyaan ho gayin be-naam o nishaan raaton raat, Aese tuufaan bhi aaye hain yahan raaton raat..… The post Aese tuufaan bhi aaye hain yahan raaton raat… appeared first on Ranjish.com.
  • Us ko juda huye bhi zamana bohat hua.. August 29, 2015
    Us ko juda huye bhi zamana bohat hua, Ab kya kahen yeh qissa purana bohat hua, Dhalti na thi kisi bhi jatan se shab-e-firaq, Ae marg e na-gahaan tera aana bohat hua, Hum khuld se nikal to gaye hain pr ae khuda, Itne se waaqiye ka fasaana bohat hua, Ab hum hain aur saare zamaane […]
  • Uss shokh ke jaane se ajab haal hai mera.. August 28, 2015
    Uss shokh ke jaane se ajab haal hai mera, Jese koi bhoola hua phirta hai apna..… The post Uss shokh ke jaane se ajab haal hai mera.. appeared first on Ranjish.com.
  • Ab ku-e-yaar tere zamaane guzar gaye.. August 28, 2015
    Ab ku-e-yaar tere zamaane guzar gaye, Jo apne ghar se aaye they woh ghar gaye, Ab kaun zakham-o-zeher se rakhe ga silsila, Jeene ki ab havass hai humen hum to mar gaye, Ab kya kahoon ke saara mohalla hai sharamsaar, Main hoon azaab main ke mere zakham bhar gaye, Hum ne bhi zindagi ko tamaasha […]
  • But bane bethna aur pehluu badalte rehna.. August 27, 2015
    But bane bethna aur pehluu badalte rehna, Milna khushi khushi aur andar se pighalte rehna..… The post But bane bethna aur pehluu badalte rehna.. appeared first on Ranjish.com.