Urdu Ghazal Shayari
This website contains Urdu Ghazal Shayari. Feel free to add your own Urdu Ghazal Shayari here.Advertisement
Ghazal Shayari
Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.
Apne Haathon Ki Lakeeron Mein Basaa Le Mujhko
Ghazal Shayari
Apne Haathon Ki Lakeeron Mein Basaa Le Mujhko
Mein Hun Tera Naseeb Apna Bana Le Mujhko
Mujh Se TU Poochnay Aaya Hai Wafa Ke Maainay
Ye Teri Saada-Dili Maar Na Daalay Mujhko
TU Ne Dekha Nahee Aainay Se Aagay Kuch Bhee
Khuda Parasti Mein Kaheen TU Na Ganwa Le Mujhko
Khud Ko Mein Baant Na Daalon Kaheen Daaman Daaman
Kar Dia TU Ne Agar Mere Hawaalay Mujhko
Baadaah Phir Baadaah Hai Mein Zeher Bhee Pee Jaon Qateel
Shart Ye Hai Koi Baanhon Mein Sambhaalay Mujhko
…
Apni Ankhoon Kay Sabhi Ashk Sula Kar Soona
Ghazal Shayari
Apni Ankhoon Kay Sabhi Ashk Sula Kar Soona
Tum Meri Yaad Ka Har Deep Bujhaa kar Soona,
Ek Sitara Bhi Mere Khayal ka Baqi Na Rahe
Chandni Shaab Kay Nishanat Mita Kar Soona,
Darr Laga Rehta Hai Neendin Hi Kahin Cheen Na Le
Tera Yeh Roz Meray Khuwaboon Main Akar Soona,
Baad Main Log Gira Dain Tu Koi Baat Nahi
Har Taraf Piyar Ki Deewar Utha kar Soona,
Bhool Jaaoge Zamanay Kay Sabhi Ranj-o-Alam
TUm Meri Baahoon Ki Zanjeer Mein Akar Soona,
Subah Hote Hi Tere Saher Sat Jaana Hai Mujhe
Aaj Ki Raat Zaraa Muj Ko Mitaa kar Soona,
Yaad Hain Aaj Bhi Woh Qarb Ki Ghariyaan
Uski Agoosh Main Sir Apna Chupa Kar Soona
…
Jisay aks aks ganva diya
Ghazal Shayari
Jisay aks aks ganva diya,
Kabhi rubaru thi mere liye,
Jisay naqsh naqsh bujha diya,
Kabhi char-su thi mere liye,
Jo had e hawa say bhi door hai,
kabhi kubaku thi mere liye,
Jo tapish hai moj e sarab ki,
Kabhi aabju thi mere liye,
Jisay AAP likhta hoon khat main ab,
Kabhi sirf tu thi mere liye..
(char-su:all around)(kubaku:everytime)
…
Har Baar Mere Saamnay Aati Rahi Ho Tum
Ghazal Shayari
Har Baar Mere Saamnay Aati Rahi Ho Tum
Har Baar Tum Se Mil Ke Bicharta Raha Hun Mein
Tum Kon Ho Ye Khud Bhee Nahee Jaanti Ho Tum
Mein Kon Hun Ye Khud Bhee Nahee Jaanta Hun Mein
Tum Mujh Ko Jaan Kar Hee Padi Ho Azaab Mein
Aur Is Tarah Khud Apni Sazaa Ban Gayaa Hun Mein
…
Usay Bhula Doon, Magar Hosla Kahaan Mujh Mein..
Ghazal Shayari
Usay Bhula Doon, Magar Hosla Kahaan Mujh Mein
Woh Mere Khoon Ki Tarah Hai Rawaan Dawaan Mujh men,
Yeh Be Sabab To Nahi Mujh Men Girya-o-Zaari
Koi To Rehta Hai Har Waqt Noha Khwaan Mujh Men,
Bas Ek Zalzala Aaya Tha Aur Guzar Bhi Giya
Magar Woh Chor Giya Hai Kai Nishaan Mejh Men,
Azeez Itna Bhi Kiyon Hai Sakoot-e-Shaam-e-Alam ??
Kahaan Se Aaie Hain Itni Udasiyan Mujh Men ??
Kabhi Main Dard K Darya Men Doob Jata Hoon
Kabhi Yeh Dard Uatarta Hai Meri jaan Mujh Men,
Ye Kon Baant Giya Mujh Mein Ronaqain Apni ??
Yeh Kon Kar Giya Abaad Ek Jahaan Mujh Mein ??
Main Jab Bhi Haath barhane Lagta Hoon Gulon Ki Taraf
To Urne Lagti Hain “Shamsheer” Titliyaan Mujh Mein.
…
Khaak Dil Ka Diyaar Kar Daala
Ghazal Shayari
Khaak Dil Ka Diyaar Kar Daala
Phir Se Seena Fugaar Kar Daala
Aur Kitnay Diye Jalao Ge ?
Ghar Ko Tum Ne Mazaar Kar Daala
Phir Hawaaon Se Dosti Karli
Phir Se Dil Daagdaar Kar Daala
Ye Mohabbat Thi Khaas Shay Jis Ka
Tum Ne Kaarobaar Kar Daala
Phir Se Dil Haath Se Gaya Dekho
Phir Mohabbat Ka Waar Kar Daala ???
Wo Jo Basti Basaa Ke Bhool Gaya
Hum Ne Tou Os Se Pyaar Kar Daala
Dil Ko Pehluu Mein Le Le Ke Phirta Hai
Keh Raha Tha Nisaar Kar Daala
Tum Ne Furqat Ke Saaray Lamhon Ko
Zindagi Mein Shumaar Kar Daala
Jo Hawaon Pe Pair Rakhtay Thay
Khaak Ne Khaaksaar Kar Daala
Hum Ne Khusbuu Ki Justuju Mein Batool
Kiun Muqaddar Ko Daar Kar Daala ?
Ab Na Aaya Tou Phir Balaa Se Batool
Hum Ne Tou Intezaar Kar Daala……..!
…
Khaak Dil Ka Diyaar Kar Daala
Ghazal Shayari
Khaak Dil Ka Diyaar Kar Daala
Phir Se Seena Fugaar Kar Daala
Aur Kitnay Diye Jalao Ge ?
Ghar Ko Tum Ne Mazaar Kar Daala
Phir Hawaaon Se Dosti Karli
Phir Se Dil Daagdaar Kar Daala
Ye Mohabbat Thi Khaas Shay Jis Ka
Tum Ne Kaarobaar Kar Daala
Phir Se Dil Haath Se Gaya Dekho
Phir Mohabbat Ka Waar Kar Daala ???
Wo Jo Basti Basaa Ke Bhool Gaya
Hum Ne Tou Os Se Pyaar Kar Daala
Dil Ko Pehluu Mein Le Le Ke Phirta Hai
Keh Raha Tha Nisaar Kar Daala
Tum Ne Furqat Ke Saaray Lamhon Ko
Zindagi Mein Shumaar Kar Daala
Jo Hawaon Pe Pair Rakhtay Thay
Khaak Ne Khaaksaar Kar Daala
Hum Ne Khusbuu Ki Justuju Mein Batool
Kiun Muqaddar Ko Daar Kar Daala ?
Ab Na Aaya Tou Phir Balaa Se Batool
Hum Ne Tou Intezaar Kar Daala……..!
…
Jo khawb tumhare hi dekhti hain..
Ghazal Shayari
Jo khawb tumhare hi dekhti hain,
Abhi meri woh ankhain baaki hain,
Suno, Mohabbat mar nahin sakti,
Ab tak bikhri sansain baaki hain,
Thak gaye abhi se ho tum kaise,
Hijar mein katni ratain baaki hain,
Ik baar humain phir se milna hai,
Abhi adhoori kuch batain baaki hain,
Hisaab ratjagon ka rehne de Aashir,
Ke shidtain aur chahtain baaki hain..
…
Chalo Phr Dhoond Lein Hum, Usi Masoom Bachpan Ko..
Ghazal Shayari
Chalo Phr Dhoond Lein Hum!
Usi Masoom Bachpan Ko!
Unhi Masoom Khushiyon Ko!
Unhi Rangeen Lamhon Ko!
Jaha Ghum Ka Pata Na Tha!
Jaha Dukh Ki Samjh Na Thi!
Jahan Bus Muskurahat Thi!
Baharein Hi Baharein Thi!
Chalo Phr Dhond Laein Hum!
Usi Masoom Bachpan Ko!
K Jab Sawan Barasta Tha!
To Us Kaghaz Ki Kashti Ko!
Bana’na Aur Duba Dena!
Boht Acha Sa Lgta Tha!
Aur Is Duniya Ka Hr Chehra!
Boht Sacha Sa Lagta Tha
…
Kiya Kiya Na Khawab Hijar K Mosam Mein Kho Gaye
Ghazal Shayari
Kiya Kiya Na Khawab Hijar K Mosam Mein Kho Gaye
Hum Jaagte Rahe Thay Magar Bakht So Gaye,
Us Ne Pyaam Bheje To Raste Mein Reh Gaye
Hum Ne Jo Khat Likhe Woh Hawaa Burd Ho Gaye,
Main Shaher-e-Gul Mein Zakham Ka Chehra Kise Dekhaon?
Shbnam Badast Log To Kaante Chabho Gaye,
Anchal mein Phool Le K Kahaan ja Rahi Hoon Main
Jo Aane Waale Log Thay, Woh Log To Gaye,
Kiya Jaane Ufaq Kau Udhar Kiya Tilsam Hai
Laote Nahi Zameen Par Ek Baar Jo Gaye,
Woh Bachpane Ki Neend To Ab Khawab Ho Gai
Kiya Umar Thi K Raat Howi Aur So Gaye,
Kiya Dukh Thay, Kon Jaan Sakega Nighar-e-Shab
Jo Mere Aur Tere Dopattay Bhego Gaye.
…
Beeti huyi ruton mein kho sa gaya hoon
Ghazal Shayari
Beeti huyi ruton mein kho sa gaya hoon,
Chale aao ke teri yaad mein mar sa gaya hoon,
Teri kalaam karti ankhen, Tera muskurata chehra,
Un ki deed ko ab mein taras sa gaya hoon,
Woh aik pal ka milna dushwaar kar gaya mujhko,
Ke bagher ab tere mein toot sa gaya hoon,
Tere bicharne ki duhaayi doon ya bhula doon tujhko,
Tujhe yaad karte karte ab thak sa gaya hoon..
…
Bhulaa Daitey Hain..
Ghazal Shayari
Jurm-e-ikhhlaas ke aisay bhe saza daitay hain
Loog apnon ko bhe nazroon say gira daitay hain
Taur laitay hain ik pal main sub rishtay natay
Sadiyun ke rafaaqat ko bhoola daitay hain
Tukray kartay hain mohobat ke tehreeron ke
Dooor ja k kehin paani main baha daitay hain
Ana k naam per behen ore beti ko bhe
Aag main jhoonk kar zinda jala daitay hain
Jurm tau jurm hay wo chahay mohobat ka ho
Loog nishaana khhaloos ko bhe bana daitay hain
Jin pay kartay hain wafaaon ka bharosa hum
Dost bun k rustay main daghha daitay hain
Tum kahan yaad rakho gaiy humain ibn-e-aadam
Hum tumhain apnay dil main jagah daitay hain
Jab ye likhtay hain mohobat ke kahani shaukat
Shama kee chah main perwana jala daitay hain
by : Shaukat Ali Khan
…
Woh Ziddi Tha Bohat Magar! Meri Eltijaon Pe Maan Jata Tha…
Ghazal Shayari
Woh Ziddi Tha Bohat Magar!
Meri Eltijaon Pe Maan Jata Tha!
Meri Har Baat Pe Woh inkaar Karta!
Magar Meri Zidd Pe Woh Haar Jata Tha!
Woh Mujh Ko Hamesha Ajnabi Hi Kehta Tha!
Magar Doston Ki Tarha Hi Rakhta Tha!
Woh Tark-e-talluk Ka khawaan To nahi Tha!
Magar Raabtay Bhi Kam Rakhta Tha!
Meri Hansi Usay Buri Lagti Thi!
Magar Mujhe Woh Rota Bhi nahi Dekh Sakta Tha
Jis K intezar Main Khud Ko Bhula Diya!
Woh Hamesha Mujhe Pagal kaha karta Tha..
…
Mein gurez kya karta us ke sath chalne se
Ghazal Shayari
Mein gurez kya karta us ke sath chalne se,
Zakham to nahin bharta raaste badalne se,
Ishrat shabana to yaar ki razaa se hai,
Yeh khushi nahin milti sirf sham dhalne se,
Aarzuu ki chingaari kab tak sulag sakti,
Bujh gaya hai dil akhir bar bar jalne se,
Zindagi ka har mohra be-rukhi ke rukh par hai,
Yeh bisaat ultey gi aik chaal chalne se,
Doobta hua suraj kya mujhe ujaaley ga,
Main chamak uthoon shayed chand ke nikalne se..
…
Main us ki aahatain chun loon…
Ghazal Shayari
Main us ki aahatain chun loon, Main us se bol kar dekhoon,
Gali mein kon phirta hai, Dareecha khol kar dekhoon,
Yoon hi shayed tasalli ho meri hastaa mizaaji ki,
Main apni khaak hi koye hunar mein rol kar dekhoon,
Na woh awaargi mujh mein, Na woh aashqui mujh mein,
Main kis meyaar pe apni wafaa ko tol kar dekhoon..
…
We update our poetry database on daily basis so keep coming back for more Ghazal Shayari.
