Urdu Ghazal Shayari
This website contains Urdu Ghazal Shayari. Feel free to add your own Urdu Ghazal Shayari here.Advertisement
Ghazal Shayari
Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.
Ab or kis subha se main aas lagaon
Ghazal Shayari
Ab or kis subha se main aas lagaon
Jab shaam tak b usko main yaad na aun
Wo kho gya hai shayed apni rafaqaton main
Ab barishon k moasum main yaad kya dilaon
Tarpa nahi hai ab tak wo kisi ki judaiyon main
Main apne aansoou ko faryaad kyun banaon
Charcha abhi nahi hai ruswaiyon ka meri
Darta hon kal jahan main ruswa ho na jaon
Kehta raha hon usko mera sath sath chalna
Wo agay nikal gaya hai main kahin bichar na jaon
…
Itna toota hoon kay chooney sey bikhar jaonga
Ghazal Shayari
Itna toota hoon kay chooney sey bikhar jaonga
Ab agar aur Dua do gey to mar jaonga
Pooch kar mera pata, waqt rayegaa na karo
Main tu banjara hoon, kya janay kidhar jaonga!
Har taraf dhunnd hai, jugnu hai na chiraag koi
Kon pehchane ga, basti main agar jaonga
Zindagi mai bhi musafir hoon teri kashti ka
Tu jahan mujhse kahegi,utar jaonga
Phool reh jayenge guldaan mein yaadoon ki nazar
Main tu khushboo hoon, fizaon main bikhar jaonga
…
Meri rooh mein jo utar sakay woh mohabbtain mujhe
Ghazal Shayari
Meri rooh mein jo utar sakay woh mohabbtain mujhe chahiye,
Jo sarab ho’n naa azaab ho’n woh rafaqtain mujhe chahiye,
Unhain sama-ato’n ki talaash hain jo calendaro’n sey utar gayain,
Jo samay k saath guzar gayain wohi fursatain mujhe chahiye,
Kahin mil sakai’n to samait laa, meray roz o shab ki kahaniya’n,
Jo ghubaar e waqt mein chup gayain wohi hakaaytai;n mujhe cahiye,
Jo meri shabo’n k chirag thay jo meri umeed k baagh thay,
Wohi loug hain meri aarzoo. Wohi sooratai’n mujhe chahiye,
Teri qurbatai’n nahin chahiye meri shayri k mizaaj ko,
Mujhe faasilo’n sey dawam dein teri qurbatai’n mujhe chahiye,
Mujhe aur kuch nahin chahiye yeh duaai’n hain meri saibaa’n,
Karri dhoop mein mujhe mil sakain wohi chhtayai’n mujhe chahiye….!!!!
…
Dil k dariya ko kisi roz utar jana hai
Ghazal Shayari
Dil k dariya ko kisi roz utar jana hai
Itna besimt na chal laut ke ghar jana hai
Us tak ati hai to har chiz thahar jati hai
Jaise pana hi use asl main mar jana hai
Bol ai sham-e-safar rang-e-rihai kya hai
Dil ko rukana hai k taron main thahar jana hai
Kaun ubharate hue mahatab ka rasta roke
Us ko har taur su-e-dasht-e-sahar jana hai
Main khila hun to isi khak main milna hai mujhe
Vo to khushbu hai use agle nagar jana hai
Vo tere husn ka jadu ho k mera gam-e-dil
Har musafir ko isi ghat utar jana hai
(Besimt:No Direction)(Mahatab:Moon)(Ubharte:Rising)(Ghat Utar:Go Through)
…
Wafa ke qaid khano men sazain kb badlati hen
Ghazal Shayari
Wafa k qaid khano men sazain kb badlati hen,
Badalta dil ka mosam he hawain kb badalti hen.
Meri sari duain us se hi mansoob rehti hen,
Muhbt agr ho sachi to duain kb badalti hen.
Koi pa kr nibhata he koi kho kr nibhata he,
Naye andaz hote hen wafain kb badalti hen.
…
Dil mein hum aik hi jazbe ko samoyen kese
Ghazal Shayari
Dil mein hum aik hi jazbe ko samoyen kese,
Ab tujhe paa ke yeh uljhan hai ke khoyen kese,
Zehen chalni jo kiya hai, To yeh majboori hai,
Jitne kaante hain, woh talwon mein piroyen kese,
Hum ne maana ke bohat der hai hashar aney tak,
Chaar janib teri aahat ho to soyen kese,
Kitni hasrat thi, Tujhe pass bitha ker rote,
Ab yeh yeh mushkil hai, Tere samne royen kese…
(Samoyen:Keep)(Chalni:Injured)(Talwon:Feet)(Hashar:Judgement Day)
…
Mohabbat rog hai dil ka
Ghazal Shayari
Bhanwar main her ghari rehna mohobat rog hay dil ka
Tumhain thha bas yehi kehna mohobat rog hay dil ka
Zamanay bhar main bikhray hain mazar-e-ishq k manzar
Unhi kutbon ko pardh laina mohobat rog hay dil ka
Tumhara saath chaha tau milay aanso umer bhar k
Yunhe aankhon ka num rehna mohobat rog hay dil ka
Sobha ke arzoo karna bina sooruj ke kirnon k
Phir soochon main gumm rehna mohobat rog hay dil ka
Kabhi tootain tumhari aas-o-umeedon k bandhan jab
Mujhay tum khud he likh daina mohobat rog hay dil ka
Nehi rakhna qadam apna kabhi hasar-e-ulfut main
Meray lafzon ko pardh laina mohobat rog hay dil ka
Tumhari jaan ka sadqa lahoo say main chukaaon tau
Subhe say tum yehi kehna mohobat rog hay dil ka
Shaukat rukk nehi sakta bahaao chaltay pani ka
Hazaron ghum parain sehna mohobat rog hay dil ka
by Shaukat Ali Khan
…
Muhabbat saja kar haseen shaam kartey
Ghazal Shayari
Sitarey sabhi hum teray naam kartey
Muhabbat saja kar haseen shaam kartey
Humain kuch atta ho teray aastaan se
Ghulami teri hum ye bey daam kartey
Chupa kar chaley hum sabhi chahaton ko
Suna kar ye qissay na bad naam kartey
Barastey na hotey ye pather shehar may
Hawaley guloon ke dar-o-baam kartey
Kabhi tum giratey ye mann ke button ko
Haseen aik Khuda hum teray naam kartey
…
Saadgi Mein Bhi, Kamaal Lagte Ho..
Ghazal Shayari
Saadgi Mein Bhi, Kamaal Lagte Ho,
Tum Mera Kitna, Khayaal Rakhte Ho,
Laboon Par Aik Hi, Sawaal Hai Zaahir,
Kaho Na Hum Se, Kitna Pyaar Karte Ho,
Tumhaare Bin Zindagi To, Zindagi Hi Nahi,
Dil Mein Jagah Itni, Khaas Rakhte Ho,
Lagta Nahi Ye Dil, Ab Tum Bin,
Jaana Qayamat Si, Misaal Rakhte Ho…
…
Naam le le kar naa mera shehar ki nazroon main aa
Ghazal Shayari
Naam le le kar naa mera shehar ki nazroon main aa
Mujh se milna hai to mere dil ke sehraao main aa
Iss safar main daikh ghull jata hai miti ka badan
Mujh se milne ki naa khuwahish kar naa barsaatoon main aa
Loog tujh ko gungunaain meri khuwahish ki tarha
Aik achoote shair ki surat meri ghazloon main aa
Be hunar logoon ne phir maanga mere fun ka saboot
Aa meri sachaai ki khushboo meri lafzoon main aa
Ghar ke darwaze pe aakar kyun qadam rukne lage
Aa meri tanhaai, meri muntazir bahoon main aa
…
Mera Pyar Dekhna
Ghazal Shayari
Ab kar k kisi ore ka intezar daikhna
Apnay humaray darmiyan deewar daikhna
Thhokra k aap nay humain achha sila diya
Hum thhay k hum nay chaha so bar daikhna
Lehra diye aap nay parday fizaon main
Dushwar kar diya husn-e-yar daikhna
Milnay ke aap ko kabhi fursat nehi mili
Hum thhak gaeiy simt coo-e-yar daikhna
Janay kahan say aap nay seekhien adawatain
Mushkil nehi thha warna ik bar daikhna
Maeyeser kabhi jo aap ko aaiyen mohobatain
Palaray main rakh k aap mera payar daikhna
Kyun aap ko haasil howa zulmaton ka haq
Kis nay diya aap ko ekhteyaar daikhna
Kaisay bhoolayien gaiy unhain shaukat khaber nehi
Apnay jigar ke taqat-e-izhaar daikhna
(Palaray:one side of weighing machine)(Maeyeser:Available)(Dushwar:Difficult)
by Shaukat Ali Khan
…
Ghazal k roop me dhahal jaon kash me bhi jameel
Ghazal Shayari
Ghazal k roop me dhahal jaon kash me bhi jameel,
Udaas lamhon me shaid wo gunganae muje.
…
Har taraf har jagah beshumar aadmi
Ghazal Shayari
Har taraf har jagah beshumar aadmi
Phir bhi tanhaiyon ka shikaar aadmi
Subah se shaam tak bojh dhota hua
Apni hi laash ka khud mazaar aadmi
Har taraf bhaagte daudhte raaste
Har taraf aadmi ka shikaar aadmi
Roz jeeta hua roz marta hua
Har naye din naya intezar aadmi
Zindagi ka mukkaddar safar dar safar
Aakhri saans tak bekaraar aadmi
…
Ek baar to milne chaly aao December jany wala hy
Ghazal Shayari
Ek baar to milne chaly aao December jany wala hy
Kesa guzra hy ye sal batao December jany wala hy
Khush ho jao k milne ka saal aa raha hy phir
Wasi youn na ansu bahao December jany wala hy
Shahid ab k baras bhi wo Loat kar na aye
Tanhaiyo k abi chor k na jao December jany wala hy
Ye kia k raat din uski yaad mein doobay rehna
Na Gham ki barish me nahao December jany wala hy
Ay mere Dukhon k sathiyo khush ho jao
Apny apny Gharon ko sajao December jany wala hy
Kia pata phir DECEMBER aye na aye Jan-e-Wasi
Meri mano ab tm loat ao December jany wala hy
…
Woh lamha bhi bhaari tha, Yeh lamha bhi bhaari hai
Ghazal Shayari
Woh lamha bhi bhaari tha, Yeh lamha bhi bhaari hai,
Us ishq mein khuwari thi, Is ishq mein khuwari hai,
Us ne tou bhulaya tha, Hum ne bhi bhula daala,
Woh zakhm bhi kaari tha, yeh zakhm bhi kaari hai,
Tab ishq mein rotey they, Ab ishq pe hanstey hain,
Kya kaar-guzari thi, Kya kaar-guzari hai,
Ik rakss mein thi dunya, Ik rakss mein hai dunya,
Paisa hi madaari tha, paisa hi madaari hai,
Kaisa hai Tagh-yur hai, Kuch fark nahin jis mein,
Ik shakhss ki baari thi, Ik shakhs ki baari hai,
Ik ‘Saad’ ghazal kehna, ik kurb mein hai rehna,
Ik zulf sanwaari thi, Ik zulf sanwaari hai…
(Bhaari:Difficult,Tough times to spend)(Kaar-guzari:Act)(Kurb:Be with)(Tagh-yur:Thought)
…
We update our poetry database on daily basis so keep coming back for more Ghazal Shayari.
