Ghazal Shayari

zinda rahen to kya hai jo mar jayen ham to kya
duniya main khamoshi se guzar jayen ham to kya

hasti hi apni kya hai zamane k samne
ek khwab hain jahan main bikhar jayen ham to kya

ab kaun muntazir hai hamare liye wahan
sham a gai hai laut k ghar jayen ham to kya

dil ki khalish to sath rahegi tamam umr
dariya-e-gam k par utar jayen ham to kya

Tumhari bazam e muhabbat me betha kab tha,
Me aa gea tha tumhare salam ki khatir.

Kiya Khazaane Meri Jaan, Hijar Ki Shab Yaad Aaye
Tera Chehra, Teri Aankhen, Tere Lab Yaad Aaye,

Ek Tu Tha Jise Gurbat Mein Pukaara Dil Ne
Warna Bechre Howe Ahbaab To Sab Yaad Aaye,

Hum Ne Maazi Ki Sakhawat Pe Jo Pal Bhar Socha
Dukh Bhi Kiya Kiya Humen Yaaron K Sabab Yaad Aaye,

Phool Khilne Ka Jo Mosam Mere Dil Mein Utraa
Tere Bkhashe Howe Kuch Zakham Ajab Yaad Aaye,

Bhool Jaane Mein Woh Zalim Hai Balaa Ka Maher
Yaad Aane Pe Bhi Aay To Ghazab Yaad Aaye….!

Hum ne suna hai rahta hai ab bekraar woh
Chup ke kisi ka karata hai roz intezaar woh

Gesu sanwaarta hain na hataun mein hain hina
Aaina dekhtaa bhi nahi baar baar woh

Ek kuj adayee uss mein thi aur hum bhi beniyaz
Pachtawa hum ko hota hai aur sharmsaar woh

Kamzoor chahe jitni ho samme wafa magar
Tanhaa hawa se ladti hai dewana war woh

Eik Masoom Takaddus Me Bhigoya Huwa Lams,
Kitna Pakiza Hay Ehsas Me Dhoya Huwa Lams.

Ye Tere Jism Ki Khushbu Ka Sonehra Ehsas,
Jis Terha Chand K Haaley Me Paroya Huwa Lams.

Us K Hontoon Ko Me Chhu Loon To Gumaan Hota Hay,
Jese Jannat K Gulaboon Me Daboya Huwa Lams.

Jo Meri Rooh Me Utrey He Chale Jaate Ho,
Ik Nae Rang Me Ubhrey Ga Ye Boya Huwa Lams.

Bhegi Khusbo Mae Basa, Wasl Me Bhega Bhega,
Kitna Masoom Hay Pehlo Me Ye Soya Huwa Lams.

Tishnagi Aan Basi Hay Meri Pooroon Me WASI,
Dhondta Phirta Hun Muddat Se Main Khoya Huwa Lams

Jaise murda kar diya tha ishq ke ilzaam ne
mujh mein saaNse phuNk di hain aapke paigham ne

Abr, aaNchal, paid, patte, saybaaN, kuchh bhi nahiN
kis jagah lakar milaya hai humeN ayyaam ne

Tere aane ki khabar ne dekh kya kya kar diya
kitne hi deepak jala dale hain meri shaam ne

Raat bhar jaga kiye hain teri yadoN ke tufail
kitne khuwaboN ko buna hai is dil e nakaam ne

Maut bhi nakaam ho kar laut\’ti hai roz roz
Mujhko Zinda jo rakha hai ek tumhare naam ne

Qadam Qadam Pe Nya Marhala Tha Mein Kiya Krta,
Taveel Hota Gya Fasla Mein Kiya Krta.
Har Shakhs Ko Tha Rehbari Ka Shoq,
Bhatak Raha Tha Mera Kafila Mein Kiya Karta.
Ghum-e-Hayat Ghum-e-Ishq Or Ghum-e-Janab,
Ulajh Gaya Tha Har Ek Silsila Mein Kiya Karta.
Tumhare Bad Kise Faisle Ki Fursat Thi,
Tumhare Bad Bhala Faisla Mein Kiya Karta.
Boht Sanbhal K Rakha Tha Dil Me Raaz Tumhara,
Wo Ban K Ashk Jo Girne Laga Men Kiya Karta….!!

(Marhala:Phase)(Bhatak:Lost)

Mohabbat Zaat Ke Ander Koi Guum Zaat Hoti Hai………..
Mohabbat Ke Ta’qub Mein Hamesha Ghaat Hoti Hai…….

Mohabbat Mein Khushi Se Mout Ko Ham Orh Laitay Hain
Zara Socho Ke Is Mein Aisi Koi Baat Hoti Hai…………………..

Mohabbat Shehaid Mei Lipta Howa Ik Zeher Hai Laikin
Mohabbt Jeet Hoti Hai, Mohabbat Maat Hoti Hai………….

Mohabbat Khud Zamana Ho Ke Bhee Hai MosmoN Jaisi
Kubhi Ye Subaah Hoti Hai, Kubhi Ye Raat Hoti Hai………….

Mohabbat Aisi Khushbu Hai Kubhi Yukjaa Nahee Rehti
Ksi Se Door Hoti Hai,Ksi Ke Paas Hoti Hai……………………….

Mohabbat Jis Ko Haasil Ho Muqaddar Ka Sikander Wo
Mohabbat Rab Ki Jaanib Se HaseeN Sogaat Hoti Hai……!

Har baat mein mahke huye jazbaat ki khushboo
Yaad aayi bahut pahli mulaqaat ki khushboo

Chhup chhup key nayi subah ka munh choom rahi hai
In reshmi zulfon mein basi raat ki khushboo

Mausam bhi haseenon ki adaa seekh gaye hein
Baadal hein chhupaye huye barsaat ki khushboo

Ghar kitne hi chhote hon ghane ped milenge
Shahron se alag hoti hai qasbaat ki khushboo

Honton par abhi phool ki patti ki mahak hai
Sanson mein rachi hai tiri soghaat ki khushboo

Aik wo cheez jise Dil ki Khushi Kehte hain,,
kahin Bazaar main mill jaye to lete aana

Main gumo ke andhero me doob sa gaya hu,,
miley kahi masarat e qalb o jigar to lete aana

be\’sakhta ro pade hum is bhari bheed main,,
be-sahara hu koei sahara mil jaye to lete aana,,

baad e naseer e sehr shayad ab araam miley,,
kahi aisa mil jaye asar to lete aana,,

sab ke dil se uth chuka hoon,ab kuch kar guzar jao ayan,,
sab ki rukbat pa sakhon kahi se aisa hunar lete aana..