audio poetry

Latest Video Poetry

design poetry

Latest Designed Poetry

  • kaatdiye-thumb
  • gozara-thumb
  • khawbonkagila-thumb
  • aikshaks-thumb
  • yehhuminhain-thumb
facebook like
twitter

Urdu Ghazal Shayari

Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.

Ghazal Shayari

Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.



Ab is shauq se ke jaan se guzar jana chahiye..

Ghazal Shayari

Ab is shauq se ke jaan se guzar jana chahiye,
Bol ae havaa-e-sheher kidhar jana chahiye,

Kab tak isi ko aakhri manzil kahen ge hum,
Kuu-e-muraad se bhi udhar jana chahiye,

Woh waqt aa geya hai ke saahil ko chorr kar,
Gehre samundron main utar jana chahiye,

Ab raftagaan ki baat nahin kaarvaan ki hai,
Jiss samt bhi ho gard-e-safar jaana chahiye,

Ya apni khawhishon ko muqaddass na jaante,
Ya khawhishon ke saath hi mar jaana chahiye..



Ashaar mere yuun to zamane ke liye hain..

Ghazal Shayari

ashaar

Ashaar mere yuun to zamane ke liye hain,
Kuch sher faqat un ko sunaane ke liye hain,

Ab yeh bhi nahin theek ke har dard mittaa dain,
Kuch dard kaleje se lagane ke liye hain,

Aankhon main jo bhar loge to kaanton se chubhen ge,
Yeh khawb to palkon pe sajaane ke liye hain,

Dekhon tere hathon ko to lagta hai tere haath,
Mandir main faqat deep jalaane ke liye hain,

Yeh ilm ka sauda yeh risaale yeh kitaaben,
Ik shakss ki yaadon ko bhulaane ke liye hain..



Jinhen main dhoondta tha asmanon mein zameenon main..

Ghazal Shayari

Jinhen main dhoondta tha asmanon mein zameenon main,
Woh nikle mere zulmat khana-e-dil ke makeenon main,

Kabhi apna bhi nazaara kiya hai tu ne ae majnoon,
Ke laila ki tarah tu bhi hai mehmil-nasheenon main,

Mahine vasl ke gharriyon ki surat urrte jaate hain,
Magar gharriyan judaayi ki guzarti hain maheenon main,

Mujhe roke ga tu ae na-khuda kya gharaq hone se,
Ke jin ko doobna ho, doob jate hain safeenon main,

Jalaa sakti hai shama-e-kushta ko mauj-e-naffas in ki,
Elahi! Kya chupaa hota hai ehl-e-dil ke seenon main,

Na puch in kharqa poshon ki, iradat ho to dekh in ko,
Yadd-e-baiza liye baithe hain apni aasteenon main,

Kisi aese sharar se phoonk apne kharman-e-dil ko,
Ke khurshid-e-qayamat bhi ho tere khoshaa-cheenon main,

Mohabbat ke liye dil dhoond koi tootne wala,
Ye woh mai hai jise rakhte hain nazuk aabgeenon main,

Saraapa husn ban jata hai jis ke husn ka ashiq,
Bhala ae dil haseen aesa bhi hai koi haseenon main,

Numayan ho ke dikhla de kabhi in ko jamaal apna,
Bohat muddat se charche hain tere baareek beenon main,

Khamosh ae dil! Bhari mehfil mein chillaana nahin acha,
Adab pehla qareena hai mohabbat ke qareenon main,

Bura samajhun inhe, mujh se to aesa ho nahin sakta,
Ke main khud bhi to hun iqbal apne nukta-cheenon main..

Watch this Video Poetry »



Hum ko kis ke gham ne maara yeh kahani phir sahi..

Ghazal Shayari

Hum ko kis ke gham ne maara yeh kahani phir sahi,
Kis ne torra dil hamara yeh kahani phir sahi,

Dil ke luttne ka sabbab poocho na sab ke samne,
Naam aaye ga tumhara yeh kahani phir sahi,

Nafraton ke teer khaa kar doston ke sheher main,
Hum ne kis kis ko pukaara yeh kahani phir sahi,

Kya batayen pyar ki baazi wafa ki raah main,
Kon jeeta kon haara yeh kahani phir sahi..



Dil main aur to kya rakha hai..

Ghazal Shayari

Dil main aur to kya rakha hai,
Tera hi dard chupaa rakha hai,

Itne dukhon ki taiz havaa main,
Dil ka deep jalaa rakha hai,

Dhoop se chehron ne duniya main,
Kya andhair machaa rakha hai,

Iss nagri ke kuch logon ne,
Dukh ka naam davaa rakha hai,

Vaada-e-yaar ki baat na cherro,
YEh dhoka bhi khaa rakha hai,

Bhool bhi jao beeti baaten,
In baaton main kya rakha hai,

Chup chup kyuun rehte ho “nasir”,
Yeh kya rog lagaa rakha hai..



Woh zindagi se ankh chura kar chala geya..

Ghazal Shayari

Woh zindagi se ankh chura kar chala geya,
Chehra rida-e-gul main chupa kar chala geya,

Baar-e-gham-e-jahan se subak-dosh kya hua,
Hum par pahaarr gham ke giraa kar chala geya,

Dard aashnaa dilon ko na bhoole ga woh kabi,
Aesa dilon par naqsh bithaa kar chala geya,

Woh raazdar-o-shero-sukhan aashnaa-fun,
Mehfil main apna rang jamaa kar chala geya,

Sehraa-e-jahan main aabla-paayi ke bawjood,
Fikr o nazar ke phool khila kar chala geya,

Sar-daman udaas chaman sogwaar hai,
Mastay huyon ko pal me rulaa kar chala geya,

Apni misaal aap tha ae “qutab” woh “naseer”,
Jo apni aabo-taab dikha kar chala geya..

Watch this Video Poetry »



Jiss jagah bethna dukh dard hi gaana hum ko..

Ghazal Shayari

kaleem ajiz poetry

Jiss jagah bethna dukh dard hi gaana hum ko,
Aur aata hi nahin koi fasaana hum ko,

Kal har aik zulf samajhti rahi shaana hum ko,
Aaj aayina dikhaata hai zamaana hum ko,

Aqal phirti hai liye khana be khana hum ko,
Ishq ab tu hi bata koi thikaana hum ko,

Jada gham ke musafir ka na poocho ehvaal,
Door se aaye hain aur door hai jana hum ko,

Ik kaanta sa koi dil main chubho deta hai,
Yaad aata hai phoolon ko zamana hum ko..



Kabhi kisi ko mukammal jahan nahin milta..

Ghazal Shayari

Kabhi kisi ko mukammal jahan nahin milta,
Kahin zameen nahin milti kahin aasman nahin milta,

Tamaam sheher main aesa nahin ke khuloos na ho,
Jahan umeed ho uss ki wahan nahin milta,

Kahan chiraagh jalaayen kahan gulaab rakhen,
Chatain to milti hain lekin makaan nahin milta,

Yeh kya azaab hai sab apne aap main gum hain,
Zubaan mili hai magar hum-zubaan nahin milta,

Chiraag jalte hain beenaayi bujhne lagti hai,
Khud apne ghar main hi ghar ka nishaan nahin milta..



Duniya ke sitam yaad na apni hi wafaa yaad..

Ghazal Shayari

Duniya ke sitam yaad na apni hi wafaa yaad,
Ab mujh ko nahin kuch bhi mohabbat ke siva yaad,

Main shikwa ba-lab tha mujhe yeh bhi na raha yaad,
Shayed ke mere bhoolne waale ne kiya yaad,

Chairrra tha jisse pehle pehal teri nazar ne,
Ab tak hai woh ik naghma-e-be-saaz-o-sadaa yaad,

Kyaa janiye kya ho geya arbab-e-junoon ko,
Marne ki adaa yaad na jeene ki adaa yaad,

Muddat huyi ik haadsa-e-ishq ko lekin,
Ab tak hai tere dil ke dharrakne ki sadaa yaad,

Haan haan tujhe kya kaam mere shiddat-e-gham se,
Haan haan nahin mujh ko tere daaman ki hawaa yaad,

Kya lutf ke main apna pataa aap bataaon,
Keeje koi bhooli hui khaas apni adaa yaad…



Baat karni mujhe mushkil kabhi aesi to na thi..

Ghazal Shayari

baat karni mujhe mushkil kabhi aesi to na thi

Baat karni mujhe mushkil kabhi aesi to na thi,
Jaisi ab hai teri mehfil kabhi aisi to na thi,

Le geya chheen ke kaun aaj tera sabr-o-qaraar,
Beqaraari tujhe ae dil kabhi aesi to na thi,

Uss ki ankhon ne khuda jaane kiya kya jaadu,
Ke tabiyat meri maayel kabhi aisi to na thi,

Akss-e-rukhsaar ne kis ke hai tujhe chamkaaya,
Taab tujh main mah-e-kamil kabhi aesi to na thi,

Ab ke jo raah-e-mohabbat main uthaayi takleef,
Sakht hoti humen manzil kabhi aisi to na thi,

Nigaah-e-yaar ko ab kyun hai taghaaful ae dil,
Woh tere haal se ghaafil kabhi aisi to na thi,

Chashm-e-qatil meri dushman thi hamesha lekin,
Jaisi ab ho gayi qaatil kabhi aesi to na thi,

Kya sabbab tu jo bigarrta hai “zafar” se har baar,
Khuu teri huur-shamaayel kabhi aesi to na thi..


Advertisements

We update our poetry database on daily basis so keep coming back for more Ghazal Shayari.



love shayari romantic shayari sad shayari nazam shayari