Latest Audio Poetry

Latest Designed Poetry

  • jisshaalmain-thumb
  • shikweankhonse-thumb
  • apnehontonko-thumb
  • shamilhoon-thumb
  • wafakarenge-thumb
facebook like
twitter
  • ahmad faraz top 10 poetry
  • faiz ahmed faiz top 10 poetry
  • noshi gilani top 10 poetry
  • parveen shakir top 10 poetry

Urdu Ghazal Shayari

Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.


-



Ghazal Shayari

Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.



Itna to dosti ka silaah dijiye mujhe..

Ghazal Shayari

itna to dosti ka silaah dijiye

Itna to dosti ka silaah dijiye mujhe,
Apna samajh ke zeher pilaa dijiye mujhe,

Uthe na taa-ke aap ki janib nazar koi,
Jitni bhi tohmtain hain lagaa dijiye mujhe,

Kyun aap ki khushi ko mera gham kare udaas,
Ik talkhh haadsa hoon bhula dijiye mujhe,

Main aap ke qareeb hi hota hoon har gharri,
Moqa kabhi parre to sadaa dijiye mujhe,

Har cheez dasstiyaab hai bazaar main Adam,
Jhooti khushi khareed ke laa dijiye mujhe..

28 votes, 3.57 avg. rating



Akele chorr jate ho, yeh tum acha nahin karte..

Ghazal Shayari

Akele chorr jate ho, yeh tum acha nahin karte,
Hamara dil jalaate ho, yeh tum acha nahin karte,

Kya yeh bhi mohabbat hai, mohabbat hi issey rakho,
Tamasha tum banaate ho, yeh tum acha nahin karte,

Uthaate ho sar-e-mehfil, falak tak tum humen lekin,
Utha kar jo giraate ho, yeh tum acha nahin karte,

Kabhi jo pooch lain tum se, ke rishta kya hai ab hum se,
To nazron ko jhukaate ho, yeh tum acha nahi karte..

Listen this Poetry »

16 votes, 4.12 avg. rating



Bohat tanha hua hoon main palatt ke aa bhi jaao tum..

Ghazal Shayari

Bohat tanha hua hoon main palatt ke aa bhi jaao tum,
Ashq kaa dariyaa hua hoon main palat ke aa bhi jaao tum,

Jahan pe hath chhorra tha jahan pe sath chhorra tha,
Usi raah pe kharra hoon main palatt ke aa bhi jaao tum,

Udaasi ne banaya ghar mere dil k bagheeche mein,
Bohat hi ghamzada hoon main palatt ke aa bhi jaao tum,

Dar-o-deewar kehte hain mere kaano mein aa aa kar,
Kab se veeraan parra hoon main palatt ke aa bhi jaao tum,

Kisi ka baa-wafa hona Sajid sabab hai gar judaai ka,
Suno! phir be-wafa hoon main palat ke aa bhi jaao tum..

Sajid Hashmi

22 votes, 3.64 avg. rating



Ab woh ghar tak viraana tha bas viraana zinda tha..

Ghazal Shayari

Ab woh ghar tak viraana tha bas viraana zinda tha,
Sab aankhen damm torr chuki theen aur main tanha zinda tha,

Saari galli sunsaan parri thi baad-e-fana ke pehre main,
Hijr ke dalaan aur aangan main bass ik saaya zinda tha,

Woh dopeher apni rukhsat ki aisa waisa dhoka thi,
Apne andar apni laash uthaaye main jhuuta zinda tha,

Theen woh ghar raaten bhi kahaani vaade aur phir din ginn’na,
Aana tha jaane wale ko jaane wala zinda tha,

Dasstak dene waale bhi they dastak sunn’ne waale bhi,
Thaa abaad mohallah saara har darwaaza zinda tha,

Peele patton ko seh-pehr ki vehshat pursaa deti thi,
Aangan main ik aundhe gharre par bass ik kavva zinda tha..

19 votes, 4.16 avg. rating



Khayal-e-yaar me mujh ko yunhi madhosh rehne do..

Ghazal Shayari

Khayaal-e-yaar main mujh ko yunhi madhosh rehne do,
Na poocho raat ka qissa mujhe khamosh rehne do,

Sunaya vasl ka qissa to mere dost yoon bole,
Kahan tum kahan us ki haseen aghosh rehne do,

Mujhe maloom hai us ne mera hona nahin lekin,
Meri umeed mat torro mujhe pur-josh rehne do,

Mohabbat jurm hai mera mujhe iqraar hai iska,
Wafaa ilzaam hai to phir mere sar dosh rehne do,

Kitaab-e-ishq se hum pr yehi raaz khula hai,
Paaye jo jaam ulfat ka ussey meh-nosh rehne do..

Listen this Poetry »

32 votes, 4.34 avg. rating



Koi naata na mohabbat ke baraabar niklaa..

Ghazal Shayari

Koi naata na mohabbat ke baraabar nikla,
Toot kar chaha jisse woh sitamgar nikla,

Yoon to har lehar se thi apni shanaasayi bohat,
Samjha saahil jisse woh gham ka samandar nikla,

Rooh main jhaanka to yeh mehsuus hua mujh ko,
Itna zarkhaiz jo lagtaa tha woh banjar nikla,

Narmi hathon main na garmi saanson main magar,
Maine chuu kar ussey dekha to woh pathar nikla,

Listen this Poetry »

20 votes, 4.20 avg. rating



Udaas logon se pyar karna koi to seekhe..

Ghazal Shayari

Udaas logon se pyar karna koi to seekhe,
Safaid lamhon main rang bharna koi to seekhe,

Koi to aaye khizaan main patey ugaane wala,
Gulon ki khushbuu ko qaid karna koi to seekhe,

Koi dikhaaye mohabbaton ke saraab mujh ko,
Meri nigaahon se baat karna koi to seekhe,

Koi to aaye nayi ruton ka peyaam le ker,
Andheri raaton main chaand ban‘na koi to seekhe,

Koi peyambar koi imaam-e-zamaan hi aye,
Aseer zehnon main soch bharna koi to aye..

Listen this Poetry »

11 votes, 4.18 avg. rating



Gungunaate huye aanchal ki havaa de mujh ko..

Ghazal Shayari

Gungunaate huye aanchal ki havaa de mujh ko,
Ungliyaan phair ke baalon main sula de mujh ko,

Jis tarah faaltu guldaan parre rehte hain,
Apne ghar ke kisi konay se laga de mujh ko,

Main tere hijr main chup chaap na mar jaon kahin,
Main hon sakte main kabhi aa kr rula de mujh ko,

Roothna tera meri jaan liye jaata hai,
Aese naraaz na ho hansss ke dikha de mujh ko,

Aur kuch nahin maanga mere maalik tujh se,
Uss ki galiyon ki khaak bana de mujh ko,

Log kehte hain ke yeh ishq niggal jaata hai,
Main bhi iss ishq main aya hon ab dua de mujh ko..

Listen this Poetry »

11 votes, 4.00 avg. rating



Hum ko khush rehne ke adaab kahan atey hain…

Ghazal Shayari

Tu bata aye dil-e-betaab kahan atey hain,
Hum ko khush rehne ke adaab kahan atey hain,

Main to yak-musht usse somp doon sab kuch lekin,
Aik muthii main mere khawb kahan atey hain,

Mudatton baad tujhe dekh ke dil bhar aaya,
Warna sehraaon main sailaab kahan aatey hain,

Meri bedaar nigaahon main agar bhoolay se,
Neend aaye bhi to khawb kahan aatey hain,

Hum kisi tarah tere dar pe thikaana kar lein,
Hum fakeeron ko yeh adaab kahan aatey hain,

Sarbassar faqat jin main teri jhallak milti hai,
Ab muyassar humen woh khawb kahaan atey hain..

Listen this Poetry »

26 votes, 4.27 avg. rating



Kumm tere zabt ki qeemat nahin karne wale..

Ghazal Shayari

Kumm tere zabt ki qeemat nahin karne wale,
Hum teri aankh se hijrat nahin karne wale,

Apne nazdeek mohabbat hai ibaadat ki tarah,
Hum ibaadat ki tijaarat nahin karne wale,

Yeh alag baat hai ke izhaar nahin kar sakte,
Yeh na samjho ke mohabbat nahin karne wale,

Kaatt ke phenk de sar chaahe sajaa naize pr,
Hum tere hath pe bayt nahin karne wale,

Aye haakim-e-waqt zara apne girebaan main jhaank,
Log bewajah baghaavat nahin karne wale..

Listen this Poetry »

13 votes, 4.46 avg. rating


Advertisements

We update our poetry database on daily basis so keep coming back for more Ghazal Shayari.



love shayari romantic shayari sad shayari nazam shayari

RSS Shayari

  • Jiss haal main jeena mushkil ho.. February 10, 2016
    Woh mard nahin jo dar jaye halaat ke khooni manzar se, Jiss daur main jeena mushkil ho us daur main jeena lazim hai..… The post Jiss haal main jeena mushkil ho.. appeared first on Ranjish.com.
  • Yeh gham kya dil ki aadat hai? nahin to.. February 9, 2016
    Yeh gham kya dil ki aadat hai? nahin to! Kisi se kuch shikayat hai? nahin to! Hai woh aik khawb-e- be-tabeer us ko, Bhula dene ki niyat hai? nahin to! Kisi ke bin, kisi ki yaad ke bin, Jiye jaane ki himmat hai? nahin to! Kisi surat bhi dil lagta nahin. Haan, to kuch din […]
  • Shikwe ankhon se gir parre warna.. February 8, 2016
    Shikwe ankhon se gir parre warna, Lafzz honton se kab kahe hum ne..… The post Shikwe ankhon se gir parre warna.. appeared first on Ranjish.com.
  • Dil-e-umeed ko torra hai kisi ne.. February 6, 2016
    Dil-e-umeed ko torra hai kisi ne, Sahara de ke chorra hai kisi ne, Hum in sheesha garon se poochte hain, Kya tootay dil ko jorra hai kisi ne, Ab ki baar humen aesa lagta hai, Hamara sar ko phorra hai kisi ne..… The post Dil-e-umeed ko torra hai kisi ne.. appeared first on Ranjish.com.
  • Apne honton ko sii liya jaye.. February 4, 2016
    Apne honton ko sii liya jaye, Jee main aaya hai jee liya jaye..… The post Apne honton ko sii liya jaye.. appeared first on Ranjish.com.
  • Aap agar hum ko mil gaye hote.. February 3, 2016
    Aap agar hum ko mil gaye hote, Baagh main phool khil gaye hote, Aap ne yoon hi ghoor kar dekha, Honthh to yoon bhi sil gaye hote, Kaash hum aap is tarah milte, Jaise do waqt mil gaye hote, Us ki aankhen hi kaj-nazar theen adam, Dil ke parde to hil gaye hote..… The post […]
  • Raat aayi hai balaaon se rihaayi de gi.. February 1, 2016
    Raat aayi hai balaaon se rihaayi de gi, Ab na deewaar na zanjeer dikhaayi de gi, Yeh dhundhlaka sa jo is ko ghaneemat samjho, Dekhna phir koi suurat na sujhaayi de gi, Dil jo tootay ga to ik-tarfa tamaasha ho ga, Kitne aayinon main woh shakal dikhayi de gi, Sath ke ghar main bara shor […]
  • Shaamil hoon khail main teri tafreeh ke liye.. January 30, 2016
    Shaamil hoon khail main teri tafreeh ke liye, Baazi to kitni dair se haara hua hoon main..… The post Shaamil hoon khail main teri tafreeh ke liye.. appeared first on Ranjish.com.
  • Wafaa karen ge, nibhayen ge, baat maanain ge.. January 29, 2016
    Wafaa karen ge, nibhayen ge, baat maanain ge, Tumhe bhi yaad hai kuch yeh kalaam kis ka tha ? … The post Wafaa karen ge, nibhayen ge, baat maanain ge.. appeared first on Ranjish.com.
  • Bharosa toot jane se zara pehle bata dena.. January 28, 2016
    Bharosa toot jane se zara pehle bata dena, Mujhe tum azmaane se zara pehle bata dena, Kisi heelay bahane se zara pehle bata dena, Ke tum mujh ko bhulane se zara pehle bata dena, Zehen ki rait pr tum ne mohabbat se jo likhi thi, Woh tehreeren mitaane se zara pehle bata dena, Mere dilbar, […]