Judaii Shayari

Ranjish.com has lots of Urdu Judaii Shayari Poetry. Feel free to add your own Judaii Shayari Shayari here.

Judaii Shayari Collection

Judaii Shayari is poetry on separation and the loneliness one feels after a break up. This is another depressing and grieving form of urdu poetry. Judaii Poetry is loved by people who have been ditched by someone. Judaii Shayari is also loved by people who are waiting for their loved ones for long time.



Tujhy Bhula K Jiyu’n. .

Judaii Shayari

Tujhy bhula k jiyu’n, aisi bad-dua bhi na de
Khuda mujhy ye tahammul, ye hosla bhi na de

Meray bayan-e-safaai k darmian mat bol
Sunay baghair mujhy, apna faisla bhi na de

Ye umer meine tery naam be-talab likh di
Bhalay se daman-e-dil mein kahin jaga bhi na de

Ye din bhi aaingy, aisa kabhi socha na tha
Wo mujh ko dekh bhi lay aur muskura bhi na de

Ye ranjish’ain to muhabbat k phool hain ‘Sajid’
Ta’aluqaat ko is baat per ganwa bhi na de. . !



Hum Tujhy Bhool K Khush Baithay Hain!

Judaii Shayari

Hum tujhy bhool k khush baithay hain
Hum sa be-dard koi kia ho ga. . . ?



Teri Paayal Tery Khuwabo’n ki Sadaa. !

Judaii Shayari

Teri paayal tery khuwabo’n ki sadaa. .
Jaisy sehra mein saraabo’n ki sadaa. .

Itna hasaas hun, sun leta hun. .
Shaam k zard gulabo’n ki sadaa. .

Jism sunta hai sakoot-e-shab mein. .
Dil k pur-shor azabo’n ki sadaa. .

Ghaur se sun kisi almari mein. .
Gard aaloodkitabo’n ki sadaa. .

Raat aya tha chambeli ka paighaam. .
Jaisay khoye huay khuwabo’n ki sadaa. !



Kisi Ka Dil Na Dukhay. !

Judaii Shayari

Ye mizaaj hai apna kisi ka dil na dukhay
Judai’on ko bhi chaha hai qurbato’n ki tarha. !



Wo Mery Paas Aa Kar Kharri Ho Gai . . !

Judaii Shayari

Mery haalaat ki abtari dekh kar . .
Us k abbu ne thukra diya tha mujhy . .
Phir achanak wo ik anjuman mein mili . .
Apni khamosh palkain jhukaye huay . .
Wo mery pas aa kar kharri ho gai . .
Chand lamho’n talak khanjar-e-khamoshi ..
Dheeray dheeray kalaij’on mein chalta raha. .
Waqt hairan aankho’n ko malta raha. .
Phir zara daair mein mozu-e-guftugu. .
Apny hath aa gaya. .
Yani mosam, siyasat, ghum-e-zidagi. .
Dair tak us se jee bhar k baatain hui’n. .
Phir wo chaltay huay aik pal ko ruki . .
Mujh se kehny lagi:
Shayari se bhala kia mila aap ko?
Sirf palko’n ka num?
Sirf yaado’n ka ghum?
Aap ki shohratain, aap ko besh-o-kam . .
Kuch na de gi kabhi shayari mohtaram. . !
Mat bura maniye ga meri baat ka. .
Ye taqaza hai mojooda haalaat ka. .
Is liye jan-e-man shayari chorr kar. .
Fann k in raigzaaro’n se munh morr kar. .
Ab Dubai aur Musqat ka rukh kejiye. .
Chand barso’n mein jab aap ki jaib mein. .
Aath dus laakh ho’n. .
Tab watan aaiye. .
Aur abu se phir maang lejiye mujhy. !



Tum Ne Hi Majboor Kiya . .

Judaii Shayari

Tum ne hi majboor kiya hai, Mujh ko raah badalny per
Jeewan k be-ant safar mein, Ghair ka ho kar chalny per

Meine tumhari aasha’on ka, Her her roop saraha tha
Meine apna aap bhula kar, Tum ko toot k chaha tha

Umer ki ujli deewaro’n per, Qismat ka andheyaara tha
Aur boht they suraj lekin, Tum sa charaagh hi piyara tha

Lekin tum hi mery maseeha, Nafrat k saanchay mein dhal kar
Ik Din mery saamney aa gaye, Qaatil ka behroop badal kar

Ab kia shikwa, Kesi Shikayat, Chahat k sab rishtay kachay
Mein bhi aur tum bhi har-jaai, Mein bhi theek aur tum bhi sachay. . !



Bicharr Janey Ki Jaldi Hai?

Judaii Shayari

Yehi hai na tumhein mujhsy bicharr janey ki jaldi hai
Kabhi milna tunhary masly ka hal nikalaingy. . !



Aik din woh mil gaye they sar-e-rahguzar..

Judaii Shayari

Aik din woh mil gaye they sar-e-rahguzar kahin,
Phir dil ne bethne na diya umar bhar kahin..



Meharbaan ho kar bula lo mujhe chaho jis waqt,

Judaii Shayari

Meharbaan ho kar bula lo mujhe chaho jis waqt,
Main gayaa waqt nahi hun key phir aa bhi na sakun..



Nadeem tark-e-mohabbat ko aik umer hui

Judaii Shayari

Nadeem tark-e-mohabbat ko aik umer hui.
Main ab bhi soch raha hun key bhool jaon usay..


Advertisements

We update our poetry database on daily basis so keep coming back for more Judaii Shayari.



love shayari romantic shayari sad shayari nazam shayari