Urdu Mirza Ghalib Poetry
This website contains Urdu Mirza Ghalib Poetry. Feel free to add your own Urdu Mirza Ghalib Poetry here.Advertisement
Mirza Ghalib Poetry
Mirza Galib Poetry is loved by urdu poetry lovers around the world. Mirza Ghalib is one of the most popular poets from pakistan. Galib’s primary topic was romance, love and sadness. We have got lots of Galib Shayari collection for our users.
Ghalib was born in 1797. He was undoubtedly the most popular urdu poet the world has ever seen. His shayari on love and his shayari on life are known to be the best poetries one can ever find on internet.
Yun hota to kya hota
Mirza Ghalib Poetry
Huyi Muddat Ke Ghalib Mar Gaya Par Yaad Aata Hai
Har Ek Baat Pe Kahna Ke Yun Hota To Kya Hota
…
munh par raunaq
Mirza Ghalib Poetry
unke dekhe se jo aa jaatee hai munh par raunaq
woh samajhte hain ke beemaar ka haal achcha hai
…
Beemar ka haal acha ha
Mirza Ghalib Poetry
Unke Dekhne se jo aa jati he muhn per roneq
Woh samajte hain k beemar ka haal acha hai !
…
Go haath mai janbish nahi
Mirza Ghalib Poetry
Go haath mai junbish nahi, aankho mai to dam hai
rehne do abhi saaghar-o-miina MERE aagay
…
Bohat bayabroo ho kar
Mirza Ghalib Poetry
Nikalna khuld say aadam ka sunte aaye hain lakin
Bohat bayabroo ho kar teray kochay say hum niklay
…
Itni Mulaqat Bohot Hay
Mirza Ghalib Poetry
Wo Keh Ke Chalay Itni Mulaqat Bohot Hay
Maine Kaha Ruk Jao Abhi Raat Bohot Hay
Aansoo Mere Thum Jayein To Phir Shoq Say Jana
Aisay Main Kahan JaoGi Barsaat Bohot Hay
Wo Kehne Lagi Jana Mera Bohot Zaroori Hay
Nahi Chahti Dil Todun Tera Par Majboori Hay
Gar Hui Ho Koi Khata To Maaf Ker Dena
Maine Kaha Ho jao Chup Itni Kahi Baat Bohot Hay
Samajh Gaya Hon Sab Aur Kuch Kaho Zaroori Nahi
Bas Aaj Ki Raat Ruk Jao, Jana Itna Bhi Zaroori Nahi Hai
Phir Kabhi Na Aaonga Tumhari Zindagi Mein Lot Ke
Saari Zindagi Tanhayee Ke Liye, Aaj Ki Raat Bohot Hai
…
Unka Milna
Mirza Ghalib Poetry
Saray raah jo unsay nazar mili?
To Naksh dil kay ubhar gaye?
Hum nazar mila kar jhijag gaye?
Vo Nazar jhuka kar chale gaye?
…
Duniya kareeb se
Mirza Ghalib Poetry
jab se dekhi hai hamne duniya kareeb se
lagne lage hai saare rishte ajeeb se
…
a ki meri jan mein qarar nahi hai
Mirza Ghalib Poetry
a ki meri jan mein qarar nahi hai
taqat-e-bedad-e-intazar nahi hai
dete hain jannat hayat-e-dahar ke badle
nasha ba andaza-e-Khumar nahi hai
giriya nikle hai teri bazm se mujh ko
haye! k rone pe ikhtiyar nahi hai
ham se abas hai guman-e-ranjish-e-khatir
khak mein ushshaq ki gubar nahi hai
dil se utha lutf-e-jalwa haye mani
gair-e-gul aina-e-bahar nahi hai
qatl ka mere kiya hai ahad to bare
waye! agar ahad ustawar nahi hai
tu ne qasam maikashi ki khai hai ?Ghalib?
teri qasm ka kuch aitabar nahi hai
…
Ah Ko Chahiye Ik Umr Asar Hone Tak
Mirza Ghalib Poetry
ah ko chahiye ik umr asar hone tak
kaun jita hai teri zulf k sar hone tak
dam har mauj mein hai halqa-e-sadkam-e-nahang
dekhen kya guzare hai qatre pe gauhar hone tak
ashiqi sabr-talab aur tamanna betab
dil ka kya rang karun khun-e-jigar hone tak
ham ne mana k taaful na karoge lekin
khak ho jayenge ham tum ko khabar hone tak
…
aina kyun na dun k tamasha kahen jise
Mirza Ghalib Poetry
aina kyun na dun k tamasha kahen jise
aisa kahan se laun k tujhsa kahen jise
hasrat ne la rakha teri bazm-e-khayal mein
guldasta-e-nigah suweda kahen jise
phunka hai kisne goshe muhabbat mein ai Khuda
afsun-e-intazar tamanna kahen jise
sar par hujum-e-dard-e-garibi se daliye
wo ek musht-e-khak k sahra kahen jise
hai chashm-e-tar mein hasrat-e-didar se nihan
shauq-e-inan gusekhta dariya kahen jise
darkar hai shiguftan-e-gul haye aish ko
subh-e-bahar panba-e-mina kahen jise
?ghalib? bura na man jo waiz bura kahe
aisa bhi koi hai k sab acha kahen jise
…
khana wiransazi-e-hairat tamasha kijiye
Mirza Ghalib Poetry
amad-e-khat se hua hai sard jo bazar-e-dost
dud-e-shama-e-kushta tha shayad khat-e-rukhsar-e-dost
ai dil na aqabat andesh zabt-e-shauq kar
kaun la sakta hai tab-e-jalwa-e-didar-e-dost
khana wiransazi-e-hairat tamasha kijiye
surat-e-naqsh-e-qadam hun rafta-e-raftar-e-dost
ishq main bedad-e-rashq-e-gair ne mara mujhe
kushta-e-dushman hun akhir garche tha bimar-e-dost
chashm-e-may raushan k us bedard ka dil shad hai
dida-e-pur-khun hamara sagar-e-sar-shar-e-dost
…
Bahot Sahi Gam E Geti Sharab Kam Kya Hai
Mirza Ghalib Poetry
bahot sahi gam-e-geti sharab kam kya hai
gulam-e-saqi-e-kausar hun mujhko gam kya hai
tumhari tarz-o-rawish jante hain ham kya hai
raqib par hai agar lutf to sitam kya hai
sukhan mein khama-e-Galib ki atashfashani
yaqin hai hamko bhi lekin ab us mein dam kya hai
…
bas k dushwar hai har kam ka asan hona
Mirza Ghalib Poetry
bas k dushwar hai har kam ka asan hona
admi ko bhi mayassar nahi insan hona
giriya chahe hai kharabi mere kashane ki
dar-o-diwar se tapak hai bayaban hona
wa-e-diwangi-e-shauq k har dam mujh ko
ap jana udhar aur ap hi hairan hona
jalwa azbas k taqaza-e-nigah karta hai
jauhar-e-aina bhi chahe hai mizagan hona
ishrat-e-qatlgah-e-ahal-e-tamanna mat puch
id-e-nazzara hai shamshir ka uriyan hona
le gaye khak mein ham dag-e-tamanna-e-nishat
tu ho aur ap basadrang-e-gulistan hona
ishrat-e-para-e-dil, zakhm-e-tamannakhana
lazzat-e-rish-e-jigar garq-e-namakdan hona
ki mere qatl k bad us ne jafa se tauba
haye us zodpasheman ka pasheman hona
haif us char girah kapre ki qismat ?ghalib?
jis ki qismat mein ho ashiq ka gareban hona
…
bazicha-e-atfal hai duniya mere age
Mirza Ghalib Poetry
bazicha-e-atfal hai duniya mere age
hota hai shab-o-roz tamasha mere age
ik khel hai aurang-e-suleman mere nazdik
ik bat hai ejaz-e-masiha mere age
juz nam nahi surat-e-alam mujhe manzur
juz waham nahi hasti-e-ashiya mere age
hota hai nihan gard mein sehra mere hote
ghista hai jabin khak pe dariya mere age
mat puch k kya hal hai mera tere piche
tu dekh k kya rang hai tera mere age
sach kahte ho khudbin-o-khudara hun na kyon hun
baitha hai but-e-aina sima mere age
phir dekhiye andaz-e-gulafshani-e-guftar
rakh de koi paimana-e-sahba mere age
nafrat ka guman guzre hai main rashk se guzra
kyon kar kahun lo nam na us ka mere age
iman mujhe rok hai jo khinche hai mujhe kufr
kaba mere piche hai kalisa mere age
ashiq hun pe mashuqfarebi hai mera kam
majnun ko bura kahti hai laila mere age
khush hote hain par wasl mein yun mar nahi jate
ai shab-e-hijaran ki tamanna mere age
hai maujzan ik qulzum-e-khun kash! yahi ho
ata hai abhi dekhiye kya-kya mere age
go hath ko jumbish nahi ankhon mein to dam hai
rahne do abhi sagar-o-mina mere age
hampesha-o-hammasharab-o-hamraz hai mera
?ghalib? ko bura kyon kaho acha mere age
…
We update our poetry database on daily basis so keep coming back for more Mirza Ghalib Poetry.
