Nazam Poetry, Nazam Shayari and SMS

Latest Audio Poetry

Latest Designed Poetry

  • tasveermenemaangithi-thumb
  • kiskissewabastakaren-thumb
  • aankhdekhebina-thumb
  • baghmainjake-thumb
  • bewafayipeterijeehaifida-thumb
facebook like
twitter

Urdu Nazam Shayari

Ranjish.com has lots of Urdu Nazam Shayari Poetry. Feel free to add your own Nazam Shayari Shayari here.


-



Nazam Shayari

Nazam Shayari is longer than usual poetries. Read Nazam Shayari here, we have got lots and lots of Nazam Shayari here. Nazam Poetry is usually said in more than 10 lines.



Woh jo deep ankhoon main jal rahay..

Nazam Shayari

Woh jo deep ankhoon main jal rahay,
Unhay ashqi ka pegham do,
Mujhay apnay laboon pay sambhal lo,
Apni har dua ko mera naam doo.

Main chaloon tu too meray sath ho,
Mujhay thamay jo woh tera hath ho,
Meray sar ka bany tu saibaan,
Meri har khoshi ko maqam do.

Meri rooh ko khud main utar lo,
Meri har nazar say khumar lo,
Jo mujhay sametay teri bahon main,
Meri bay khudi ko woh jam do,

Meri chahatoon ka bharam rakho,
Mujhay apni ankhoon main band rakho,
Bay chain rakhy jo mujhy raat bhar,
Meri khawaheshoon ko woh sham doo..

Shabeeb Hashmi

10 votes, 5.00 avg. rating



Chalo ik kaam kartey hain, Mohabbat aam kartey hain..

Nazam Shayari

Chalo ik kaam kartey hain,
Zamaaney bhar mein nafrat ko,
Bohat badnaam kartey hain,
Mohabbat aam kartey hain,

Chalo chorro yeh taaj o takht,
Chalo ban jayen deewaney,
Aur iss deewangi ko hum,
Wafaa ke naam kartey hain,
Mohabbat aam kartey hain,

Chalo paatey hain phir fursat,
Tassawur yaar ka kar ke,
Bithaa lete hain pehluu mein,
Seher se shaam kartey hain,
Mohabbat aam kartey hain,

Chalo yeh ehed kartey hain,
Kissi ka dil na torrain ge,
Aur ik doojey ki chahat mein,
Anaa bedaam kartey hain,
Mohabbat aam kartey hain,

Sabhi tootey khilonon ko,
Chalo phir jorr lete hain,
Neyi manzil ban kar khud,
Usey gumnaam kartey hain,
Mohabbat aam kartey hain,

Chalo yaadon ki barish mein,
Jagha dete hain maazi ko,
Haseen beetey huye pal,
Taveel ayaam kartey hain,
Mohabbat aam kartey hain,

Chalo kehtey hain akbar se,
Bhaley deewaar mein chun dey,
Mohabbat ke liye mitt kar,
Sadaa araam kartey hain,
Mohabbat aam kartey hain..

Haq Nawaz Mughal

2 votes, 4.50 avg. rating



.Aankhon mein sawaal they hazaaron..

Nazam Shayari

Ik umar ke baad us ko dekha,
Aankhon mein sawaal they hazaaron,
Honton pe magar wohi tabasum,
Chehrey pe likhi huyi udaasi,
Lehjey mein magar balaa ka thehrao,
Awaaz main goonjti judai,
Baanhen thi magar wisaal-e-samaan,

Simtti huyi baazuyon mein,
Taa’der mein sochti rahi thi,
Kis abr-e-gurez paa ki tarah,
Main kis shajar se katt gayi thi,
Kis chaaon ko tark kar diya tha,

Main us ke galey lagi huyi thi,
Woh ponchh raha tha mere aansu,
Lekin barri dair ho chuki thi..

13 votes, 4.46 avg. rating



Kaho kese guzarti hai, Tumhari zindagi pagal ?

Nazam Shayari

Kaho kese guzarti hai,
Tumhari zindagi, paagal,
Suna hai, ab to eid’en bhi,
Woh pehli si nahin karty,
Kisi ke ghar nahin jatey,
Kisi se bhi nahin miltey,
Kisi ki ek nahin suntey,
Kisi se kuch nahin kehtey,

Na koi gift lete ho,
Na koi gift dete ho,
Kabhi khul kar na hanstey ho,
Kabhi khul kar na rotey ho,
Bohat bekal bohat upset,

Bohat bechain hotey ho,
Suna hai chaand raton mein,
Bohat be’mood dikhtey ho,
Woh kaghaz phaarr dete ho,
Kisi ke wastey jin per,
Bohat se sher likhtey ho,

Na jeetey ho na martey ho,
Suno yeh zindagi pagal,
Bassar kis tarah kartey ho,
Kaho, kesi guzarti hai?

Listen this Poetry »

2 votes, 4.00 avg. rating



Mohabbat ke samandar mein, Utarney se zara pehley..

Nazam Shayari

Mohabbat ke samandar mein,
Utarney se zara pehley,
Tumhein yeh sochna hoga,
Mohabbat aik sehraa hai,

Jahaan paaon barhaaney se,
Qadam chup chaap jaltey hain,
Mohabbat aesi dunya hai,
Ke is main jis taraf jayen,
Koi rasta nahin milta,
Mohabbat aankh ka aansu,

Yeh palkon per chamakti hai,
Mohabbat aag jesi hai,
Yeh seeno’n mein sulagti hai,
Mohabbat phool jesi hai,

Judaa ho shaakh se jab yeh,
Bikharti toot jati hai,
Mohabbat ki fizaaon mein,
Mohabbat ki hawaaon mein,
Hamesha dard milta hai,

Mohabbat ke samandar mein,
Utarney se zara pehle,
Tumhe yeh sochna ho ga..

1 vote, 5.00 avg. rating



Jaane kya baat hai kyon tum se mohabbat hai mujhe,..

Nazam Shayari

Jaane kya baat hai kyon tum se mohabbat hai mujhe,
Chaand suraj se sitaron se haseen lagte ho,
Zindgani ki bahaaron se haseen lagte ho,
Aesa kya hai ke hazaaron se haseen lagte ho,

Jaane kya baat hai kyon tum se mohabbat hai mujhe,
Dil ki har baat to hum tum se nahin keh saktey,
Tum juda hum se raho yeh bhi nahin seh saktey,
Chorr kar door tum ko kahin door nahin reh sakte,

Jaane kya baat hai kyon tum se mohabbat hai mujhe,
Mil gaye tum to mujhe pyaar ka ehsaas mila,
Khil gaye hont tumhare to mera dil bhi khila,
Tumhi ho meri barson ki duaaon ka silaa,

Jaane kya baat hai kyon tum se mohabbat hai mujhe,
Meri dharrkan ho meri saans ho awaaz ho tum,
Sab se jo mene chupaya hai woh ik raaz ho tum,
Sach to yeh hai ke meri jaan ho humraaz ho tum..

6 votes, 3.67 avg. rating



Mujhe kaanton pe chalna tha..

Nazam Shayari

Mujhe kaanton pe chalna tha,
Judayi ke sulagtey daagh daaman par sajaney they,
Ke meri naarsaayi par,
Zamaney bhar ko hansnaa tha,
Mohabbat kar ke mujh ko bhi,
Kisi sehraa se milna tha..

1 vote, 5.00 avg. rating



Meri maano, To laut aao…

Nazam Shayari

Abhi kuch bhi nahin badla,
Darakhton par wohi mausam abi tak muskuratey hain,
Abhi tak surmeyi shamain hamarey sath roti hain,
Abhi tak mere honton per tumhare honton ki khushbu
Raqss karti hai,

Abhi tak meri ankhon mein tumhare khawb hanstey hain,
Abhi tak mere hathon per tumhari ungliyon
ki narm pooron se likhey sab harf
zinda hain,

Abhi tak mere seeney mein tumhari saans chalti hai,
Abhi to raston par doodhiya pairon se parney waley
sarey naqsh qayem hain,

Abhi almaariyon mein sarey tohfey gungunatey hain,
Tumhare khat abhi bhi raat ki tanhai mein mujh se,
Tumhari baat kartey hain,

Bohat se saal guzrey hain,
Bohat se waqt beeta hai,
Meri chahat nahin beeti,
Meri himmat nahin guzri,
Abhi kuch bhi nahin badla,
Abhi kuch bhi nahin badla,

Agar chaho,
Agar samjho,
Meri maano,
To laut aao…

33 votes, 4.52 avg. rating



Tumhe kese bhulaata main ?

Nazam Shayari

Tumhe kese bhulata main?
Ke jab socha tumhe bhoolon,
Mere apne, mere saathi,
Mera yeh dil, meri aankhen,
Yeh mujhse rooth jatey hain,
Tumhi ko yaad karte hain!!

Tumhe kese bhulata mein ?
Mere woh din, meri ratain,
Tumhare sath jo beetey,
Woh lamhe, pyar ki batain,
Tumhi ko yaad karte hain,
Tumhe kese bhulaata main??

3 votes, 4.00 avg. rating



Rishtaa torr ke janey waley..

Nazam Shayari

Rishtaa tore ke janey waley,
Mujh ko chorr ke janey waley,
Ab ki Eid pe,
Mujh ko jitney card miley hain,
Un cardon mein sab se pyara,
Sab se acha,
Pehla card tumhara hai,
Mujh ko chorr ke janey waley,
Zara kaho to,
Yeh kiss aur ishaara hai ???

2 votes, 3.00 avg. rating



Tum se jab baat nahin hoti, Kisi din jaanam..

Nazam Shayari

Tum se jab baat nahin hoti,
Kisi din jaanam,
Aese chup chaap guzarta hai,
Yeh sunsaan sa din,
Aik seedhi si lambi sarrak par jese,
Saath chalta hua rootha hua sathi koi,
Mu’n phelaye huye naraaz sa,
Khamosh,
Udaas..
Aur jab milta hoon,
Hanss parta hai yeh rootha din,
Gud’gudaa* kar mujhe kehta hai,
“Kaho kese ho??”…

(gud’gudaa;tickle)

Gulzaar

1 vote, 4.00 avg. rating



Nazam uljhi huyi hai, seeney mein..

Nazam Shayari

Nazam uljhi huyi hai,
seeney mein,
Sher atkey huye hain,
honton per,
Lafz kaaghaz pe bethtey hi nahin,
Urrtey phirtey hain titliyon ki tarah,
Kab se betha hua hon main,
janam,
Saada kaghaz pe likh ke naam tera,
Bass tera naam hi mukammal hai,
Iss se behter bhi nazam kya hogii..

Gulzar

1 vote, 5.00 avg. rating



Aalim-e-mohabbat mein, Ik kamaal wehshat mein..

Nazam Shayari

Aalim-e-mohabbat mein,
Ik kamaal wehshat mein,
Be-sabab rafaaqat ka,
Dukh uthaana parta hai,
Titliyaan pakarney ko,
Door jana parta hai..

9 votes, 4.44 avg. rating



December ke haseen din they..

Nazam Shayari

December ke haseen din they,
Murree ki yakh fizaon mein,
Hamare chaan hathon ne,
Snow man ik banaya tha,
Kaha tha aik doojey ko,
Nishaani pyar ki apni,
Bari hi khubsurat hai,
Magar pyaare,
Snowman barf ka tha woh,
Usey aakhir pighalna tha,
Usey aakhir bikharna tha..

1 vote, 5.00 avg. rating



Ik larki, Pagli si, Diwani si, Masoom si, Anjaani si..

Nazam Shayari

Ik larki,
Pagli si, Diwani si,
Masoom si, Anjaani si,
Apne ghar ki mundair per bethi,
In galiyon aur chobaaron ko,
In koochon aur bazaaron ko,
Dekhti hai..
Jahan us ne apna bachpan guzara tha,
Us ki aankhon mein tha,
Intizaar..
Kisi ka!
Magar usey kaun samjhaye,
Ke bachpan ke vaadey to,
Kacchi dor ki tarah hote hain,
aur,
Bhala jane waley,
Kab laut kar atey hain..

19 votes, 4.26 avg. rating


Advertisements

We update our poetry database on daily basis so keep coming back for more Nazam Shayari.



send free sms love shayari romantic shayari sad shayari nazam shayari

RSS Shayari

  • Ashk-e-ravaan ki nehr hai aur hum hain dosto.. July 4, 2015
    Ashk-e-ravaan ki nehr hai aur hum hain dosto, Uss bewafa ka shehr hai aur hum hain dosto, Yeh ajnabi si manzilein aur raftgaan ki yaad, Tanhaayiyon kaa zehr hai aur hum hain dost, Laayi hai ab urraa ke gaye mausmon ki baas, Barkhaa ki rut ka qehr hai aur hum hain dosto, Phirte hain misl-e-mauj-e-huaaa […]
  • Ab is ghar ki abaadi mehmaanon pr hai.. July 3, 2015
    Ab is ghar ki abaadi mehmaanon pr hai, Koi aa jaye to waqt guzar jaata hai..… The post Ab is ghar ki abaadi mehmaanon pr hai.. appeared first on Ranjish.com.
  • Koi naata na mohabbat ke baraabar niklaa.. July 2, 2015
    Koi naata na mohabbat ke baraabar nikla, Toot kar chaha jisse woh sitamgar nikla, Yoon to har lehar se thi apni shanaasayi bohat, Samjha saahil jisse woh gham ka samandar nikla, Rooh main jhaanka to yeh mehsuus hua mujh ko, Itna zarkhaiz jo lagtaa tha woh banjar nikla, Narmi hathon main na garmi saanson main […]
  • Tasveer mene maangi thi shokhee to dekhiye.. July 1, 2015
    Tasveer mene maangi thi shokhee to dekhiye, Ik phool us ne bhej diya hai gulaab ka..… The post Tasveer mene maangi thi shokhee to dekhiye.. appeared first on Ranjish.com.
  • Yeh kya jagah hai dosto yeh kon sa dayaar hai.. July 1, 2015
    Yeh kya jagah hai dosto yeh kon sa dayaar hai, Hadh-e-nigaah tak jahaan ghubhaar hi ghubaar hai, Har ek jism ruuh ke azaab se nidhaal hai, Har ek aankh shabnami har ek dil figaar hai, Humen to apne dil ki dharrknon pe bhi yaqeen nahin, Khosha woh log jin ko duusron pe aitbaar hai, Na […]
  • Aayina ab judaa nahin karta.. June 30, 2015
    Aayina ab judaa nahin karta, Qaid mei hoon rihaa nahin karta, Mustaqil sabr mei hai koh-e-giraan, Naqsh-e-ibrat sadaa nahin karta, Rang-e-mehfil badaltaa rehta hai, Rang koi wafaa nahin karta, Aish-e-duniyaa ki justujuu mat kar, Yeh dafeena mila nahin karta, Ji main aaye jo kar guzarta hai, Tuu kisi ka kahaa nahin karta, Ek waaris hamesha […]
  • Kis kis se wabasta karen hum apni umeedain.. June 28, 2015
    Kis kis se wabasta karen hum apni umeedain, Iss daur ka har shakss wafaa bhool geya hai..… The post Kis kis se wabasta karen hum apni umeedain.. appeared first on Ranjish.com.
  • Abhi iss taraf na nigaah kar main ghazal ki palken sanvaar loon.. June 28, 2015
    Abhi iss taraf na nigaah kar main ghazal ki palken sanvaar loon, Mera lafz lafz ho aayina tujhe aayine main utaar loon, Main tamaam din ka thakaa hua tu tamaam shab ka jagaa hua, Zara thehr jaa issi morr pr tere saath shaam guzaar loon, Agar aasmaan ki numaayeshon main mujhe bhi izn-e-qayaam ho, To […]
  • Udaas logon se pyar karna koi to seekhe.. June 27, 2015
    Udaas logon se pyar karna koi to seekhe, Safaid lamhon main rang bharna koi to seekhe, Koi to aaye khizaan main patey ugaane wala, Gulon ki khushbuu ko qaid karna koi to seekhe, Koi dikhaaye mohabbaton ke saraab mujh ko, Meri nigaahon se baat karna koi to seekhe, Koi to aaye nayi ruton ka peyaam […]
  • Din dhallaa raat phir aa gayi so raho so raho.. June 27, 2015
    Din dhallaa raat phir aa gayi so raho so raho, Manzilo cchhaa gayi khamoshi so raho so raho, Saara din tapte suuraj ki garmi main jalte jalte, Thandi thandi havaa phir chali so raho so raho, Garm sunsaan qariyon ki dharti mehekne lagi, Khaak rashk-e-iram ban gayi so raho so raho, Razm-gaah-e-jahan ban gayi jaa-e-aman-o-amaan, […]