Latest Audio Poetry

Latest Designed Poetry

  • Yehi kahen ge jo poocha geya wahan hum se..
  • Qatal ho to Tujh sa, maut ho to Tujh si..
  • Yaad dilata hai december..
  • Raat bhar raaat ko ik raat jagaaya jaye..
  • Tere milne ka gumaa’n, tere na milne ki khalish..
facebook like
twitter

Urdu Nazam Shayari

This website contains Urdu Nazam Shayari. Feel free to add your own Urdu Nazam Shayari here.


-



Nazam Shayari

Nazam Shayari is longer than usual poetries. Read Nazam Shayari here, we have got lots and lots of Nazam Shayari here. Nazam Poetry is usually said in more than 10 lines.



Ik larki, Pagli si, Diwani si, Masoom si, Anjaani si..

Nazam Shayari

Ik larki,
Pagli si, Diwani si,
Masoom si, Anjaani si,
Apne ghar ki mundair per bethi,
In galiyon aur chobaaron ko,
In koochon aur bazaaron ko,
Dekhti hai..
Jahan us ne apna bachpan guzara tha,
Us ki aankhon mein tha,
Intizaar..
Kisi ka!
Magar usey kaun samjhaye,
Ke bachpan ke vaadey to,
Kacchi dor ki tarah hote hain,
aur,
Bhala jane waley,
Kab laut kar atey hain..

6 votes, 5.00 avg. rating



Meine ghar ke sarey mausam, Sab deewarain..

Nazam Shayari

Meine ghar ke sarey mausam,
Sab deewarain,
Saarey pardey,
Yaadon se rang daaley hain,
Tum aao ge,
Tum is ghar ki har khirrki,
Har bagheechey,
Har ik goshay ko,
Apne rang mein dooba hua mehsus karo ge,
Aajao na!!
Aa bhi jao!!

5 votes, 5.00 avg. rating



Tumhen Hum Khoo Chukay Lekin..

Nazam Shayari

Chalo Hum Maan Lete Hain,
Tumhen Hum Khoo Chukay Lekin,
Tumhri Yad Ab Tak Bhi,
Hamain Betaab Rakhti Hai,
Hamari Sans Ab Tak Bhi,
Tumhari Aas Rakhti Hai,
Magar Ab Ye Bhi Suntay Hain,
Tumhari Raah Roshan Hai,
Tumhen Bhi Mil Gaya Koi,
Magr Afsos,
Hum Jesa,
Agar Pao Kahin Tum To,
Mujhe Doo Harf Likh Dena,
Ke,
Manzil Mil Gai Mujhko..!!

1 vote, 5.00 avg. rating



Raat bhar rootha raha..

Nazam Shayari

Baar’haa aese laga,
Jese tera hath,
Mere baalon ko chuaa ho,
Tu ne mujhse kaha ho lekin,
Raat bhar rootha raha,
Tu ne manaya hi nahin…

1 vote, 5.00 avg. rating



Mujhe maloom tha jana, Wo jhooth tha tera..!

Nazam Shayari

Mujhe malom tha jana
Wo jhooth tha tera..

Wo dosti ka vaada
Mohbbat se bhi zyada
Sath rehne ka irada
Kabi poora kbi aadha
Wo paglpan b jana
Kasur tha tera
Mujhe malum tha jaana
Wo jhuth tha tera..

Ye majburio’n to janeman
Bahaar ko hi hain
Zamane ne sath bhe
Diya kab hai
Wo jate jate jana
Muskra dena tera
Mujhe maloom tha jana
Wo jhooth tha tera..

Duriya’n jeet gayi mujhse
Ya teri zidd ki jeet hui
Aur teri yaadein mere zehen mein
Har pal gunjta geet hui
Wo tere naino me ashq lena
Bana ke masum sa chehra
Mujhe malum tha jaana
Wo jhooth tha tera..

Dil torra kisi ne
Saza kise milti rahi
Meri qismat meri mohbbat ko
Dil’lagi likhti rahi
Wo inkar-e-jwab-e-mulaq­at
Lga k bandisho’n ka pehra
Mujhe maloom tha jana
Wo jhuth tera..!

Kisi ke bichrney se
Zindgi ruk toh nhi jaati
Bas adhuri reh jati hai
Jo phir kabi puri ho nhi paati
Jeet tera wo na thikana
Jis dar pe tu aakr hai thehra
Mujhe maloom tha jana
Wo jhooth tha tera..!

1 vote, 5.00 avg. rating



Meri Mohabbat Ka Maan Rakh Lo

Nazam Shayari

Main saari dunya se hi bura hoon,
Baja’aa mujhe inkhiraaf kab hai,

Magar tumhari kasam hai mujhko,
Meri mohabbat mein shak nahin hai,

Meri mohabbat to be’hataa hai,
Meri mohabbat to devtaa hai,

Meri mohabbat se rukhh na morro,
Meri mohabbat ka dil na torro,

Meri mohabbat ka maan rakh lo..

Dayem Butt

1 vote, 5.00 avg. rating



Woh aksar mujh se kehti thi, Wafa hai zaat aurat ki..

Nazam Shayari

Woh aksar mujh se kehti thi,
Wafa hai zaat aurat ki,
Magar jo mard hote hain,
Bohat be’dard hote hain,

Kisi bhanwre ki surat,
Gul ki khushbu loot jate hain,
Suno, tum ko kasam meri,
Riwayat torr dena tum,
Na tanha chorr ke jana,
Na yeh dil torr ke jana,

Magar phir yu’n hua ik din,
Mujhe anjaan raste per,
Akela chorr kar usne,
Mera dil torr kar usne,

Mohabbat chorr di usne,
Wafaa hai zaat aurat ki,
Riwayat torr di us ne..

11 votes, 4.55 avg. rating



Jab Se Peghaam Mila, Jaanan! Tum Aaney Wali Ho..

Nazam Shayari

Jab se yeh peghaam mila hai,
Jaana’n! tum aaney wali ho,
Mausam ne sarey ghar ki tarteeb badal kar rakh daali hai,
Chokhat per ik chaand bhi aa kar beth geya hai,
Keyi sitaare lounge mein kab se pare huye hain,
Kehte hain ke,
Is raste se tum guzro gi,
Nanhe mune gulabon ka kehna hai,
Jitne din tum pass raho ge,
Ghar ke har konay mein aakar woh mehkain ge,

Phoolon ne mil kar sab konay baant liye hain,
Jugnu kab se chat pe, ghar ke,
Har goshay mein chamak rahe hain,
Suraj aur barish bhi kal se saaye’baan per tikkay huye hain,
Dheemey dheemey chehek rahe hain,
Shaam to kab se kayi tarah ke mausam le ker,
Is kamrey mein ruki hui hai, Jis kamrey mein tum thehro ge,
Tum aao ge to yeh shaam hazaron mausam,
Sundar sundar sajji huyi ankhon ko de ker
Kho jayegi,

Phir na kabhi wapis aaye gi,
Is se pehle ke yeh shaam bhi,
Sarey mausam leker mujhko khaali karke kho jaye,
Tum aajao naa’n,
Aabhi jao….

2 votes, 5.00 avg. rating



Aadhi raat ke sanatey mein, Kis ne phone kiya hai mujh ko ?

Nazam Shayari

Aadhi raat ke sanatey mein,
Kis ne phone kiya hai mujh ko ?
Jane kis ka phone aya hai,
Phone utha kar yu’n lagta hai,
Us jaanib koi gum’sum, gum’sum, ukhrra ukhrra
dheerey dheerey kaamp raha hai,
Mehki huyi ik khamoshi hai
ghupp khamoshi hai,
lekin is khamoshi mein bhi goonj rahe hain,
Thandi saansain, barish, aansu,
Khamoshi se thak kar us ne saans liya to,
Choorri khanki,
Uff yeh khann khann….
Ik lamhe mein sarey badan mein phail gayi hai,
Tere ilaawa koi nahin hai,
Lekin itne barso’n baad….

4 votes, 4.75 avg. rating



Kabhi college ka album dekh ker..

Nazam Shayari

Kabhi college ka album dekh ker,
Nam hone lag jati hain kya palkain tumhari,
Ya kabhi bachon se hanste khelte,
Yak’lakht ruk jate ho tum bhi,
Kabhi shaakhon se patey tootne ki rut mein,
Bikhre bikhre rehte ho,

Yu’nhi bas be’khayali mein,
kisi bhooli huyi meri kisi adaa se,
Tum milate ho adaayen doosron ki,
Mere qad meri surat se,
Koi milta sa chehra dekh kar,
Tum muskura kar jheemp jate ho,
Jo tum aesa nahin karte,
To bolo kyon nahin karte!!

Taranum Ryaz

1 vote, 5.00 avg. rating



Usay Mujh Se Payar Hai Aaj Kal..

Nazam Shayari

Ye Mizaj-E-Yaar Ko Kaya Hua?
Usay Mujh Se Payar Hai Aaj Kal,

Meri Justugu Meri Guftgu,
Mera Intizar hai Aaj Kal,

Woh Teray Khatoot Nikalna, Kabhi Dekhna Kabhi Choomna,
Yehi Mashghla, Yehi Silsila, Yehi Karobar hai Aaj Kal,

Issay Qatal Ker, Usay Qatal Ker,
Tujhe Saat Khoon Muaf Hain,
Teri Saltanat,
Tera Davdava,
Tera Iqtidar hai Aaj Kal,

“Meer” Kal tak to tu Rind Tha,
Meray Yaar Tujh Ko Yeh Kaya Huwa?

Bara Mazhabi,
Bara Parsa,
Bara Deen’dar hai Aaj Kal..

1 vote, 5.00 avg. rating



Mujhy Na Sans Aati Hai, Na Mera Dam Nikalta Hai..

Nazam Shayari

Mujhy Na Sans Aati Hai,
Na Mera Dam Nikalta Hai..

Magar,

Yeh Beech Ka Aalam
Bohat Takleef Deta Hai..!!

Mujhy Ander Nigalta Hai
Na Sahil Per Patakhta Hai
Bikharna Yun Sumandar Ka

Bohat Takleef Deta Hai..!!

Jo Tum Bolo Bikhar Jaein
Jo Tum Chaho Sanwar Jaein
Magar Yun Totna Jurna

Bohat Takleeef Deta Hai…!!

1 vote, 5.00 avg. rating



Maine Bhi Ek Bar Us Se Pucha Liya Hota..

Nazam Shayari

Woh Jab Bhi Mujh Se Milti Thi…!
Har Bar Masomiyat Se Mujh Se Pucha Karti Thi…!
Ke Tum Mere Hi Ho Na…???

Aur Main Har Bar Us Ke Chehre Ko,
Apne Haathon Se Chu Kar Qasam Khaya Karta Tha…!
Par Kash…!
Maine Bhi Ek Bar Us Se Pucha Liya Hota…
Ke
Tum Meri Hi Ho Na…..?

3 votes, 4.00 avg. rating



Kyun ke Main ghareeb ka beta hon.

Nazam Shayari

Haan,
Main ghareeb ka beta hon…

Zindagi ko sitam main kehta hon.

Majbooriyon me bhi khush rehta hon.
Chand boondon se pait bhar leta hon.

Kyun ke
Main ghareeb ka beta hon…

Thandi mein thithoor leta hon,
Barsaat mein bheeg leta hon,
Garmi paaon jalaati hai …….
Toh
Pathron pe main so leta hon.

Kyun ke
Main ghareeb ka beta hon…

Kabhi sabzi, to kabhi kuch na milay,
Namak, roti pe main jee leta hon,
Zakham chahay jaisa bhi ho,
Thori haldi main laga leta hon,

Kyun ke
Main ghareeb ka beta hon…

Ek kameez, ek patloon,
Roz bina sabun, main dhota hon,
Bari dukaano ki ronak dekh,
Aksar khush main ho leta hon,

Kyun ke
Main ghareeb ka beta hon…

Gham bhi bohot hai.. Dard bhi hai..
Dil mein sab dabaa leta hon,
Kabhi akelay, to kabhi sab k samnay,
Aankhon se angootha bhigo leta hon,

Kyun ke
Main ghareeb ka beta hon..!!

8 votes, 5.00 avg. rating



Tum ne kaha tha, Pehli barish ke parte hi..

Nazam Shayari

Tum ne kaha tha,
Pehli barish ke parte hi,
Laut aao ge..!!
Hum aur tum mil kar bheegain ge,
Dekho jana..!!
Kitni phua’rain beet chuki hain,
Saawan phir se laut ke aaya hai,
Barson pehle kiya tha tum ne,
Mujh se ehad,
Nibhaa jao na,
Janaan! Laut ke aajao naa,
Ab to laut ke aajao naa..!!

4 votes, 4.00 avg. rating


Advertisements

We update our poetry database on daily basis so keep coming back for more Nazam Shayari.



Search Poetry




Popular Poets

Momin Khan Poetry
Poetries: 1
love shayari romantic shayari sad shayari nazam shayari urdu poetry dictionary get poetry on your cellphone

RSS Shayari

  • Hum ne khud se bhi chupaya.. December 21, 2014
    Hum ne khud se bhi chupaya aur saare sheher ko, Tere jaane ki khabar dewaar-o-dar karte rahe..…
  • Yaadon ki aag thi ke khayaalon ki chandni.. December 20, 2014
    Yaadon ki aag thi ke khayaalon ki chandni, Shaab bhar mere makaan main aik roshni rahi..…
  • Suna hoga dard ki aik hadh bhi hoti hai.. December 20, 2014
    Suna hoga dard ki aik hadh bhi hoti hai, Milo humse hum us ke aksar paar jaate hain..…
  • Yehi kahen ge jo poocha geya wahan hum se.. December 20, 2014
    Yehi kahen ge jo poocha geya wahan hum se, Jiye to khaak magar zindagi guzaar aaye..…
  • Aanchal se mera khoon utarta bhi to kese.. December 19, 2014
    Aanchal se mera khoon utarta bhi to kese, Woh kar ke mujhe qatal mukarta bhi to kese, Yaadon ki hawaa aankh se takraa ke jo guzri, Baadal ne barasnaa tha theherta bhi to kese, Jo waqt ke saath aur bhi ho jata hai gehra, Woh zakham-e-nihaa’n bharta bhi to kese, Ambar bhi bhulaa deta hai […]
  • Ajab shikwa sa rehta hai tumhe mujhse.. December 19, 2014
    Tumhe ulfat nahin mujhse mujhe nafrat nahin tumse, Ajab shikwa sa rehta hai tumhe mujhse mujhe tumse..…
  • Hussn ke inkaar se bhi kuch to parda reh geya.. December 19, 2014
    Hussn ke inkaar se bhi kuch to parda reh geya, Main bhi kaafi mutmayin hoon woh bhi acha reh geya..…
  • Pyaas aisi ke bujhaatey huye thak jaata hoon.. December 18, 2014
    Barff aisi ke pighalti nahin paani ban kar, Pyaas aisi ke bujhaatey huye thak jaata hoon, Achi lagti nahin iss darjaa shanasaayi* bhi, Haath haathon se milaatey huye thak jaata hoon.. (shanasaayi:knowing someone, meeting, milna milaana)…
  • Harf-e-tauba humein sikha phir se.. December 18, 2014
    Harf-e-tauba humein sikha phir se, Humein dikhlaa raah-e-khuda phir se, Le kar apni panaah main ya rab, Humein Shaitaan se bachaa phir se, Phir sunaa de humain naveed-e-bahisht*, Naar-e-dozakh* se bhi daraa phir se, Hum bhatakne lage hain dikha de, Aye khuda seedha raasta phir se, Jaise ki thi mere bazurgon ki, Kar qabool aise […]
  • Jaane kab kon maar de mujhe qaafir keh ke.. December 17, 2014
    Jaane kab kon maar de mujhe qaafir keh ke, Sheher ka sheher musalmaan hua phirta hai..…