Nazam Poetry, Nazam Shayari and SMS

Latest Audio Poetry

Latest Designed Poetry

  • iradathake-thumb
  • ikteribaraabri-thumb
  • bastiyanhogayin-thumb
  • us ke jaane se ajab haal hai
  • butbanebethna-thumb
facebook like
twitter
  • ahmad faraz top 10 poetry
  • faiz ahmed faiz top 10 poetry
  • noshi gilani top 10 poetry
  • parveen shakir top 10 poetry

Urdu Nazam Shayari

Ranjish.com has lots of Urdu Nazam Shayari Poetry. Feel free to add your own Nazam Shayari Shayari here.


-



Nazam Shayari

Nazam Shayari is longer than usual poetries. Read Nazam Shayari here, we have got lots and lots of Nazam Shayari here. Nazam Poetry is usually said in more than 10 lines.



Judaayi ke mosam main, Utarti shaam se pehle..

Nazam Shayari

Judaayi ke mosam main,
Utarti shaam se pehle,

Meri yakh-basta ankhon main,
Khaamoshi raqss karti hai,

To uss ki yaad ki payal,
Yoon mere kaan main aa kar,

Mussalsal chanchhanati hai,
To phir yakdam khaamoshi ka,

Tassalsul toot jata hai,
Phir aise mein koi koyal,

Barre hi qarb se kookay,
To yoon mehsoos hota hai,
Ke jaise be-sabab koi,

Kissi ko yaad karta hai,
Kissi ko yaad karta hai…

18 votes, 4.28 avg. rating



Meri aankhon pe marta tha, Meri baton pe hansta tha..

Nazam Shayari

Meri aankhon pe marta tha,
Meri baton pe hansta tha,
Na jane shakhs tha kaisa,
Mujhe khone se darta tha,

Mujhe jab bhi woh milta tha,
Yahi har bar kehta tha,
Suno!
Agar me bhool jaon to,
Agar me rooth jaon to,
Kabhi wapis na aaon to,
Bhula pao ge yeh sab kuch,
Yunhi hastey raho gaye kya,
Yunhi sajtey raho gaye kya,

Yehi batain hain bas uski,
Yehi yadein hain bas uski,
Mujhe bas hai pata itna,
Mujhe woh pyar karta tha,
Mujhe woh pyar karta tha..

23 votes, 4.70 avg. rating



Bicharrne waley, Chale jo ho to, bataa ke jao..

Nazam Shayari

Bicharrne waley,
Chale jo ho to bataa ke jao,
Ke kitni shaamain udaas ankhon mein kaatni hain,
Kitni subhen akele pan mein guzaarni hain,
Bata ke jao,

Bata ke jao ke kitne suraj,
Azaab raston ko dekhna hai,
Ke kitne mahtaab sard raton ki wusat’on se
nikalney hain,
Bata ke jao,

Bata ke jao ke chand raton mein
Waqt kese guzaarna hai,
Khamosh lamhon mein tujh ko,
Kese pukaarna hai,
Bata ke jao ke kitne lamhe,
Shumaar karne hain hijrton ke,
Ke kitne mausam judayion mein,
Guzaarney hain,
Bata ke jao,

Bata ke jao ke panchiyon ne,
Akele pan ka sabab jo pucha,
To kya kahoon ga,
Kisi ne rastey mein rok kar,
Yoon mujhse poocha,
Ke pichle mausam main saye saye,
Jo ajnabi tha kahan geya hai,
To kya kahoon ga,
Bata ke jao,

Bata ke jao ke mein kis se,
Tera gilla karoon ga,
Bicharr ke tujhse habib,
Kis se milla karoon ga,
Bata ke jao,

Bata ke jao ke ankh barsi,
To kon moti chunaa kare ga,
Udaas lamhon mein,
dil ki dharrkan suna karega,
Bata ke jao,

Bata ke jao ke mausamon ko,
Payyaam dene hain ya nahin,
Falak ko, taaron ko, Jugnu’on ko,
Sallam dene hain ya nahin,
Bata ke jao,

Bata ke jao ke kis pe hai aitbaar karna,
Ke kis ki baton pe be’niazi,
Ke silsley ikhtyaar karna,
Bata ke jao,

Bata ke jao ke ab rawayion ki
Chaal kya ho,
Jawab kya ho, Sawaal kya ho,
Urooj kya ho, Zawaal kya ho,
Nigaah rukhsaar, zulf chehra,
Niddhaal kya ho,
Bata ke jao,

Bata ke jao ke meri halat pe,
Chandni khilkhila pari to kya karon ga,
Bata ke jao ke meri soorat pe
Teergi muskura parri to,
Mein kya karoon ga,
Bata ke jao,

Bata ke jao ke tumse bicharr ke,
Yeh waqt kese guzaarna hai,
Bicharr ke tum se yeh waqt,
Kese guzaarna hai,
Ujaarna hai, nikhaarna hai,
Badan ko kitna sanwaarna hai,
Bata ke jao,

Bicharrne waley,
Chale jo ho to,
bataa ke jao,
bataa ke jao..

30 votes, 4.93 avg. rating



Wo larki shayad pagal thi..

Nazam Shayari

Wo larki shayad pagal thi,
Din raat hi gumsum rehti thi,

Kuch sharm-o-haya ka paikar thi,
Kuch narm mizaj rakhti thi,

Ankhon mai neem nasha sa tha,
Baaton sy dewani lagti thi,

Humraz na tha uska koi,
Bass khuda sr baatein karti thi,

Ik shaam ke anchal mai aksar,
Jazbat chupaye rakhti thi,

Darti thy juda ho janey se,
Ya pyar se shayad darti thi,

Kya sabar tha us dewani ka,
Kya zabt-e-mohabat rakhti thi,

Hai rashk mujhy us pagal pe,
Kya khoob mohabat karti thi,

Wo larki shayad pagal thi,
Kya khoob mohabat karti thi..

33 votes, 4.79 avg. rating



Mein kisi kaam main masroof, Betha hota hoon..

Nazam Shayari

Aksar aesa hota hai,
Mein kisi kaam main masroof,
Betha hota hoon,
Ke achaanak…
Apne daaye’n baaye’n,
Aagey peechey,
Kuch dhoondne lagta hoon,
Yun lagta hai,
Ke jese,
Apni koi baish-keemat* cheez,
Kahin rakh ke bhool geya hoon…

(baish-keemat;costly)

Javed Iqbal Saghar

21 votes, 4.19 avg. rating



Usey barish pasand hai, Mujhe barish mein woh..

Nazam Shayari

Usey barish pasand hai,
Mujhe barish mein woh,
Usey to pasand hai,
Hanstey rehna,
Mujhe hanstey huye woh,
Usey to pasand hai
Boltey rehna,
Mujhe boltey huye woh,
Usey to pasand hain
Duniyaa ki saari neymtain,
Aur mujhe sirf woh…

38 votes, 3.87 avg. rating



Mujhe khamosh rehne do..

Nazam Shayari

Mujhe khamosh rehne do,
Suna hai ishq sacha ho,
To khamoshi
lahu ban kar,
Ragon mein
naach uthti hai,
Abhi kuch din mujhe
meri mohabbat azmaney do,
Usey mein kyun bataon,
Usey mene kitna chaha hai,
Bataya to jhoot jata hai,
Ke
Sachi baat ki khushbuu,
To khud mehsoos hoti hai,
Meri baatein,
Meri sochein,
Usey khud jaan lene do,
Abhi kuch din mujhe
meri mohabbat azmaney do..

40 votes, 4.12 avg. rating



Ab kya likhen hm kaghaz per..

Nazam Shayari

Ab kya likhen hm kaghaz per,
Ab likhne ko kya baqi hai,
Ek dil tha wo toot geya,
Ab tootne ko kya baqi hai?
Ek shaks ko hm ne chaha tha,
Ek rait pe naqsh bnaya tha,
Wo rait to kab ki bikhar gayi,
Wo naqsh kahan ab baqi hai,
Lafzon ka bana ker taj mehel,
Kaghz pe sjaya karte thy,
Wo hm ko akela chor geya,
Sb rishton se munh mor geya,
Ab rasty sarey sooney hain,
Wo pyar kahan ab baqi hai,
Ab kya likhen hm kaghaz per,
Ab likhne ko kya baqi hai…!!

32 votes, 4.31 avg. rating



Mein nikla sheher ko..

Nazam Shayari

Mein nikla sheher ko,
Shaam mein,
dil mein kuch armaan they,
Ik tarf
sabzz jhaarriyaan,
Ik tarf
tootay qabristan they,
Paaon taley,
Ik haddi parri,
Jis ke yeh beyaan they,
Sambhal kar chal,
Aye chalney waley,
Kabhi hum bhi,
Insaan they..

33 votes, 4.33 avg. rating



Chot taaza hay magar, Zakham purany apny..

Nazam Shayari

Chot taaza hay magar,
Zakham purany apny,

Kitnay mushkil hain yahan,
Dard chupany apny,

Jin ko hum yaad karein,
Hum unhein yaad nahi,

Kaisy hotey hein yahan log,
Na janay apnay,

Kitna chaha hay tujhy,
Ye to hum hi janty hein,

SSa-khuda,
Itny nahi thy kabhi,
Deewany apny,

Har jaga shor,
Meray ishq ki ruswai ka,

Kitny mash’hoor hain,
Chahat k fasany apny,

Ek teri yaad sy,
Daman ko bachaney ke liye,

Kitny badley hain yahan main ny,
Thikaanay apnay…

21 votes, 4.86 avg. rating


Advertisements

We update our poetry database on daily basis so keep coming back for more Nazam Shayari.



love shayari romantic shayari sad shayari nazam shayari

RSS Shayari

  • Dar o deewar sun ke rote hain.. August 19, 2015
    Dar o deewar sun ke rote hain, Aaah tum tak magar nahin jaati..… The post Dar o deewar sun ke rote hain.. appeared first on Ranjish.com.
  • Sheher ke dukaan-daro tum na jaan paao ge.. August 18, 2015
    Sheher ke dukaandaro, Karobaar-e-ulfat main suud kya ziyaan kya hai, Tum na jaan pao ge, Dil ke daam kitne hain, Khawb kitne mehnge hain, Aur nakd-e-jaan kya hai, Tum na jaan pao ge, Koi kese mitla hai, Phool kese khilta hai, Ankh kese jhukti hai, Saans kese rukti hai, Kese raah nikalti hai, Kese baat […]
  • Bulaya maut ko barson main iltijaa kar ke.. August 17, 2015
    Bulaya maut ko barson main iltijaa kar ke, Khuda ke paas chala hoon khuda khuda kar ke..… The post Bulaya maut ko barson main iltijaa kar ke.. appeared first on Ranjish.com.
  • Hum musaafir yunhi masroof-e-safar jaayen ge.. August 17, 2015
    Hum musaafir yunhi masroof-e-safar jaayen ge, Be-nishaan ho gaye jab sheher to ghar jaayen ge, Kis qadar hoga yahan mehr -o-wafa ka maatam, Hum teri yaad se jis roz utar jaayen ge, Jauhri band kiye jaate hain bazaar-e-sukhan, Hum kisse bechne almaas-o-gauhar jayen ge, Nemat-e-zeest ka yeh qarzz chukega kaise, Laakh ghabraa ke yeh kehte […]
  • Ajnabi ban ke miloon ga main tujhe mehfil main.. August 16, 2015
    Ajnabi ban ke miloon ga main tujhe mehfil main, Tu ne chairri bhi to main baat badal jaaon ga..… The post Ajnabi ban ke miloon ga main tujhe mehfil main.. appeared first on Ranjish.com.
  • Chal parro to paaniyon main raahguzar maujood hai.. August 15, 2015
    Theher jao to nahi hai bastiyon main raasta, Chal parro to paaniyon main raahguzar maujood hai..… The post Chal parro to paaniyon main raahguzar maujood hai.. appeared first on Ranjish.com.
  • Aayina dekh ke kehte hain sanwarne waale.. August 14, 2015
    Aayina dekh ke kehte hain sanwarne waale, Aaj be-maut maren ge mere marne waale..… The post Aayina dekh ke kehte hain sanwarne waale.. appeared first on Ranjish.com.
  • Aik do din nahin barson ki shanasaayi hai.. August 13, 2015
    Bhoolne waley ne yeh bhi na socha hoga, Aik do din nahin barson ki shanasaayi hai..… The post Aik do din nahin barson ki shanasaayi hai.. appeared first on Ranjish.com.
  • Khuda karay ke meri arz-e-pak per utre.. August 13, 2015
    Khuda karay ke meri arz-e-pak per utre, Wo fasl-e-gul jisse andesha-e-zawaal na ho, Yahan jo phool khilay, khila rahe sadiyon, Yahan khizaan ko guzarne ki bi majaal na ho, Yahan jo sabza ugay, hamesha sabz rahe, Aur aisa sabz key jis ki koi missaaal na ho, Khuda karay ke na kham ho sir-e-waqar-e-watan, Aur is […]
  • Milte nahin hain apni kahani main hum kahin.. August 12, 2015
    Milte nahin hain apni kahani main hum kahin, Ghaayeb huye hain jab se teri daastaan se hum..… The post Milte nahin hain apni kahani main hum kahin.. appeared first on Ranjish.com.