Romantic Shayari

Tere khamosh honton par mohabbat gun-gunati hai,
Tu mera hai, main teri hoon, bus yehi aawaz ati hai…

Uff teri masst adaayein, yeh shokhpan,
Kirnon ko bhi chooney na doon badan tera..

Toot jata hai zakhamon ka zour,
Hans ke lete hain jab woh angrrayi..

Itne dher se khawabon mein,
Mere khawb sambhaley rakhna,
Dil ka sheher ujaley rakhna,

Itne dher se chehron mein,
Mera chehra dheyaan mein rakhna,
Kuch yadain samaan main rakhna,

Itni dher se baton main,
Pehli baat bhula na dena,
Pehla ishq ganwaa na dena,

Itne dher se raston mein,
Tanhai ka ddar na dena,
Mujh ko tanhaa kar na dena,

Itne dher se naamon main,
Mera naam na khoney dena,
Meri shaam na honey dena..

Sadkey jaaon mein iss naaz ke andaaz ke,
Mera khat dekha, uthaya muskuraa ke rakh diya..

Apna samajh ke aap se karta hoon main gilaa,
Mere hain aap mujh ko shikaayet hai aap se..

Mujhe kisi se mohabat nai unke siwaa,
Mujhe kisi ki zarurat nai uske siwaa,

Meri nazar ko thi talaash jiski,
Kisi k pas wo surat nai uske siwaa..

Hum ko halaat ne is tarah kiya tha yakjaa*,
Jese guldaan main do phool galey milte hain..

(yakjaa;jointed)

Jee chahta hai un se pyari si baat ho,
Haseen chand taray hon, lambi si raat ho,
Phir raat bhar yehi guftagu rakhen hum dono,
Tum meri zindagi ho, tum meri kainat ho…

Uss Shoki-e-Guftaar Pe Aata Hay Bohat Piyar,
Jab Pyar Say Kehti Hai Wo, Shaitaan Kahee’n Ka..!