Ahmad Faraz

Ranjish.com has lots of Urdu Ahmad Faraz Poetry. Feel free to add your own Ahmad Faraz Shayari here.

Ahmad Faraz Collection

ahmad faraz poetry Ahmad Faraz
1950-2008

Ahmad Faraz is one of the best poets Pakistan has ever seen. We bring you all the Ahmad Faraz poetry he has written, here at Ranjish.com. Lots of Ahmad Faraz poetry and Ahmad Faraz shayari is available here for you to read and enjoy. So keep coming up as we keep adding more and more poetry of ahmad faraz.
His real name was Syed Ahmed Shah but he chose to use “Faraz” as his pen name. Faraz was awarded several awards like Hilal-e-Imtiaz, Sitara-i-Imtiaz and Hilal-e-Pakistan. If you are looking for Ahmed Faraz Poetry then Ranjish.com is the ultimate place for your literary cravings.



Dost ban kar bhi nahi sath nibhaane wala..

Ahmad Faraz

Dost ban kar bhi nahi sath nibhane wala
Wohi andaz hay zalim ka zamane wala

Ab usay log samjhte hain giraftar mera
Sakht naadim hay mujhe daam main lane wala

Subah dam choRR geya nikhat-e-gull ki surat
Raat ko guncha-e-dil may simatt aane wala

Kya kahen kitne marasim they hamare us se
Wo jo ik shakhss hai muh phair kay jaane wala

Tere hote huye aa jati thi sari dunia
Ajj tanha hoon to koi nahi aane wala

Muntazir kiss ka hoon tooti hoi dehleez pe main
Kon aye ga yahan, kon hai aane wala

Kya khabar thi jo meri jaan may ghulla hay itna
Hay wohi mujh ko sar-e-daar bhi laane wala

Main ne dekha hay baharon may chaman ko jalte
Hai koi khawb ki tabeer batane wala

Tum takaluf ko bhi ikhlaas samjhte ho Faraz
Dost hota nahi har hath milane wala

دوست بن کر بھی نہیں ساتھ نبھانے والا - احمد فراز



Aisa hai ke sab khawb musalsal nahin hote..

Ahmad Faraz

Aisa hai ke sab khawb musalsal nahin hote,
Jo aaj hote hian magar kal nahin hote,

Andar ki fazaon ke karishme bhi ajab hain,
Menh tuut ke barse bhi to badal nahin hote,

Kuch mushkilen aisi hain ke asaan nahin hotin,
Kuch aese muammay hain kabhi hal nahin hote,

Shaistagi-e-gham ke sabbab ankhon ke sehraa,
Namnak to ho jaate hain jal-thal nahin hote,

Kese hi talatum hon magar qulzum-e-jan main,
Kuch yaad jazeere hain ke ojhal nahin hote,

Ushaq ke manind keyi ehl-e-havas bhi,
Pagal to nazar aate hain pagal nahin hote,

Sab khawhishen puri hon faraz aesa nahin hai,
Jaise keyi ashaar mukammal nahin hote..

ایسا ہے کہ سب خواب مسلسل نہیں ہوتے - احمد فراز



Ranjish hi sahi, dil hi dukhaane ke liye aaa..

Ahmad Faraz

ranjish hi sahi dil hi dukhane ke liye aa

Ranjish hi sahi, dil hi dukhaane ke liye aaa,
Aaa phir se mujhe chorr ke jaane ke liye aaa,

Kuch to mere pindar-e-mohabbat ka bharam rakh,
Tu bhi to kabhi mujh ko manaane ke liye aaa,

Pehle se marasim na sahi phir bhi kabhi to,
Rasm-o-raaah-e-duniyaaa hi nibhaane ke liye aaa,

Kis kis ko batayen ge judayi ka sabbab hum,
tu mujh se khafaa hai to zamaane ke liye aaa,

Ik umar se hoon lazzat-e-girya se bhi mehroom,
Ae rahat-e-jaan mujh ko rulaane ke liye aaa,

Ab tak dil-e-khush-fehm ko tujh se hain umeeden,
Yeh aakhri shamen bhi bujhaane ke liye aaa..



Hui hai shaam to ankhon main bass geya phir tu..

Ahmad Faraz

Hui hai sham

Hui hai shaam to ankhon main bass geya phir tu,
Kahaan geya hai mere sheher ke musaafir tu..



Qurbat bhi nahin dil se utar bhi nahin jata..

Ahmad Faraz

ahmad faraz poetry

Qurbat bhi nahin dil se utar bhi nahin jata,
Woh shakhss koi faisla kar bhi nahin jata,

Ankhen hain ke khaali nahin rehti hain lahuu se,
Aur zakham-e-judai hai ke bhar bhi nahin jata,

Woh rahat-e-jaan hain magar is darbadri main,
Aesa hai ke ab dheyaan udhar bhi nahin jata,

Hum dohri aziyat ke giraftaar musaafir,
Paaon bhi hain shall shauq-e-safar bhi nahin jata,

Dil ko teri chahat pe bharosa bhi bohat hai,
Aur tujh se bicharr jaane ka ddar bhi nahin jata,

Pagal huye jaate ho ‘faraz’ us se mile kya,
Itni si khushi se koi mar bhi nahin jata..



Us ne sukuut-e-shab main bhi apna qayaam rakh diya..

Ahmad Faraz

aur faraz chahiyen kitni mohabten tujhe

Us ne sukuut-e-shab main bhi apna payaam rakh diya,
Hijr ki raat baam pr mah-e-tamaam rakh diya,

Aamad-e-dost ki naveed ku-e-wafaa main aam thi,
Main ne bhi ik charaagh sa dil sar-e-shaam rakh diya,

Shiddat-e-tishnagi main bhi ghairat-e-mai-kashi rahi,
Us ne jo phair li nazar main bhi jaam rakh diya,

Us ne nazar nazar main hi aise bhale sukhan kahe,
Main ne to us ke paaon main sara kalaam rakh diya,

Dekho yeh mere khawab they dekho yeh mere zakham hain,
Main ne to sab hisaab-e-jan bar-sar-e-aam rakh diya,

Ab ke bahaar ne bhi keen aesi sharaarten ke bas,
Kabk-e-dari ki chaal main tera khiraaam rakh diya,

Jo bhi mila usi ka dil halqa ba-gosh-e-yaar tha,
Us ne to saare sheher ko kar ke ghulaam rakh diya,

Aur faraz chahiyen kitni mohabten tujhe,
Maaon ne tere naam pr bachon ka naam rakh diya..



Yeh mohabbat bhi hai kya rog faraz..

Ahmad Faraz

Yeh mohabbat bhi hai kya rog faraz,
Jis ko bhoolen woh sadaa yaad aye..



Uss ki woh jane usay paas-e-wafa tha ke na tha..

Ahmad Faraz

Uss ki woh jane usay paas-e-wafa tha ke na tha,
Tum faraz apni taraf se to nibhaate jaate..

tum faraz apni taraf se



Agarche zor hawaaon ne daal rakha hai..

Ahmad Faraz

Agarche zor hawaaon ne daal rakha hai,
Magar charaagh ne lau ko sambhaal rakha hai,

Mohabton main to milna hai ya ujad jaana,
Mizaaj-e-ishq main kab etidaal rakha hai,

Bhale dinon ka bharosa hi kya rahen na rahe,
So maine rishta-e-gham ko bahaal rakha hai,

Bhari bahaar main ik shaakh pr khilaa hai gulaab,
Ke jaise tu ne hatheli pe gaal rakha hai,

Faraz ishq ki duniya to khuubsurat thi,
Yeh kis ne fitna e hijr o visaal rakha hai..



Dil bhi pagal hai ke uss shakss se wabasta hai..

Ahmad Faraz

dil bhi pagal hai

Har koi dil ki hatheli pe hai sehraa rakhe,
Kis ko sairaab kare kise pyaasa rakhe,

Umar bhar kon nibhaata hai taluq itna,
Aye meri jaan ke dushman tujhe Allah rakhe,

Hum ko acha nahin lagta koi hum-naam tera,
Koi tujh sa ho to naam bhi tujh sa rakhe,

Dil bhi pagal hai ke uss shakss se wabasta hai,
Jo kisi aur ka hone de na apna rakhe,

Hanss na itna bhi faqeeron ke akele pan pr,
Ja khuda meri tarah tujh ko bhi tanhaa rakhe,

Yeh qanaat hai itaaat hai ke chahat hai Faraz,
Hum to raazi hain woh jis haal main jesa rakhe..


Advertisements

We update our poetry database on daily basis so keep coming back for more Ahmad Faraz.



love shayari romantic shayari sad shayari nazam shayari