Latest Video Poetry

Latest Designed Poetry

  • deewangishoqko-thumbs
  • abnawohshor-thumbs
  • azaabyehbhikisiaur-thumbs
  • aiksadaameretaqub-thumbs
  • abyehsochoon-thumbs
facebook like
twitter

Urdu Ahmad Faraz

Ranjish.com has lots of Urdu Ahmad Faraz Poetry. Feel free to add your own Ahmad Faraz Shayari here.

Ahmad Faraz

ahmad faraz poetry Ahmad Faraz
1950-2008

Ahmad Faraz is one of the best poets pakistan has ever seen. We bring you all the Ahmad Faraz poetry he has written, here at Ranjish.com. Lots of Ahmad Faraz poetry and Ahmad Faraz shayari is available here for you to read and enjoy. So keep coming up as we keep adding more and more poetries of ahmad faraz.



Yeh mohabbat bhi hai kya rog faraz..

Ahmad Faraz

Yeh mohabbat bhi hai kya rog faraz,
Jis ko bhoolen woh sadaa yaad aye..



Uss ki woh jane usay paas-e-wafa tha ke na tha..

Ahmad Faraz

Uss ki woh jane usay paas-e-wafa tha ke na tha,
Tum faraz apni taraf se to nibhaate jaate..

tum faraz apni taraf se



Agarche zor hawaaon ne daal rakha hai..

Ahmad Faraz

Agarche zor hawaaon ne daal rakha hai,
Magar charaagh ne lau ko sambhaal rakha hai,

Mohabton main to milna hai ya ujad jaana,
Mizaaj-e-ishq main kab etidaal rakha hai,

Bhale dinon ka bharosa hi kya rahen na rahe,
So maine rishta-e-gham ko bahaal rakha hai,

Bhari bahaar main ik shaakh pr khilaa hai gulaab,
Ke jaise tu ne hatheli pe gaal rakha hai,

Faraz ishq ki duniya to khuubsurat thi,
Yeh kis ne fitna e hijr o visaal rakha hai..



Dil bhi pagal hai ke uss shakss se wabasta hai..

Ahmad Faraz

dil bhi pagal hai

Har koi dil ki hatheli pe hai sehraa rakhe,
Kis ko sairaab kare kise pyaasa rakhe,

Umar bhar kon nibhaata hai taluq itna,
Aye meri jaan ke dushman tujhe Allah rakhe,

Hum ko acha nahin lagta koi hum-naam tera,
Koi tujh sa ho to naam bhi tujh sa rakhe,

Dil bhi pagal hai ke uss shakss se wabasta hai,
Jo kisi aur ka hone de na apna rakhe,

Hanss na itna bhi faqeeron ke akele pan pr,
Ja khuda meri tarah tujh ko bhi tanhaa rakhe,

Yeh qanaat hai itaaat hai ke chahat hai Faraz,
Hum to raazi hain woh jis haal main jesa rakhe..



Aur faraz chahiyen kitni mohabbten tujh ko..

Ahmad Faraz

Aur faraz chahiyen kitni mohabbten tujh ko,
Maaon ne tere naam pr bachon ka naam rakh diya..



Ab is shauq se ke jaan se guzar jana chahiye..

Ahmad Faraz

Ab is shauq se ke jaan se guzar jana chahiye,
Bol ae havaa-e-sheher kidhar jana chahiye,

Kab tak isi ko aakhri manzil kahen ge hum,
Kuu-e-muraad se bhi udhar jana chahiye,

Woh waqt aa geya hai ke saahil ko chorr kar,
Gehre samundron main utar jana chahiye,

Ab raftagaan ki baat nahin kaarvaan ki hai,
Jiss samt bhi ho gard-e-safar jaana chahiye,

Ya apni khawhishon ko muqaddass na jaante,
Ya khawhishon ke saath hi mar jaana chahiye..



Yeh kya ke sab se beyaan dil ki haalaten karni..

Ahmad Faraz

faraz tujh ko na ayi mohabten karni

Yeh kya ke sab se beyaan dil ki haalaten karni,
Faraz tujh ko na aayin muhabbaten karni,

Yeh qurb kya hai ke tu saamne hai aur humen,
Shumaar abhi se judaayi ki saaaten karni,

Koi khudaa ho ke pathar jise bhi hum chahen,
Tamaam umr ussi ki ibaadaten karni,

Sab apne apne qareene se muntazir us ke,
Kisi ko shukr kisi ko shikaayaten karni,

Hum apne dil se hi majboor aur logon ko,
Zara si baat pe barpaa qayamaten karni,

Milen jab un se to mubham si guftaguu karna,
Phir apne aap se sau sau vazaahten karni,

Yeh log kaise magar dushmani nibhaate hain,
Humen to raas na aayin mohabbaten karni,

Kabhi ‘faraz’ naye mausmon me ro dena,
Kabhi talaash puraani rafaaqten karni..



Chalo ke kuucha-e-dildaar chal ke dekhte hain..

Ahmad Faraz

Chalo ke kuucha-e-dildaar chal ke dekhte hain,
Kise kise hai yeh aazaar chal ke dekhte hain,

Suna hai aesa maseeha kahin se aaya hai,
Ke us ko sheher ke bemaar chal ke dekhte hain,

Hum apne but ko, zulekha liye hai yusuf ko,
Hai kon ronak-e-bazar chal ke dekhte hain,

Uss aik shakss ko dekho to aankh bharti nahin,
Uss aik shakss ko har baar chal ke dekhte hain,

Woh mere ghar ka kare qassd jab to saaye se,
Kayi qadam dar-o-deewaar chal ke dekhte hain,

Faraz aseer hai us ka ke woh faraz ka hai,
Hai kon kis ka giraftaar chal ke dekhte hain..

Listen this Poetry »



Us ko juda huye bhi zamana bohat hua..

Ahmad Faraz

Us ko juda huye bhi zamana bohat hua,
Ab kya kahen yeh qissa purana bohat hua,

Dhalti na thi kisi bhi jatan se shab-e-firaq,
Ae marg e na-gahaan tera aana bohat hua,

Hum khuld se nikal to gaye hain pr ae khuda,
Itne se waaqiye ka fasaana bohat hua,

Ab hum hain aur saare zamaane ki dushmani,
Iss aashiqi main jaan se jana bohat hua,

Ab tak to dil se dil ka taaruf na ho saka,
Maana ke us se milna milaana bohat hua,

Kya kya na hum kharab huye hain magar yeh dil,
Ae yaad-e-yaar tera thikaana bohat hhua,

Kehta tha naasehon se mere muu na aayio,
Phir kya tha ek huu ka bahana bohat hua,

Lo phir tere labon pe ussi bewafa ka naam,
Ahmed Faraz tujhe kaha naa bohat hua..

Listen this Poetry »



Aese chup hain ke yeh manzil bhi karri ho jese..

Ahmad Faraz

kitne nadaan hain tujhe bhoolne wale

Aese chup hain ke yeh manzil bhi karri ho jese,
Tera milna bhi judaayi ki gharri ho jese,

Apne hi saaye se har gaam larazz jaata hoon,
Raaste main koi deewaar kharri ho jese,

Kitne nadaan hain tere bhoolne wale ke tujhe,
Yaad karne ke liye umr parri ho jese,

Tere maathe ki shikkan pehle bhi dekhi thi magar,
Yeh giraah ab ke mere dil main parri ho jese,

Manzilen door bhi hain manzilen nazdeek bhi hain,
Apne hi paaon main zanjeer parri ho jese,

Aaj dil khol ke roye hain to yuun khush hain Faraz,
Chand lamhon ki yeh raahat bhi barri ho jese..


Advertisements

We update our poetry database on daily basis so keep coming back for more Ahmad Faraz.



love shayari romantic shayari sad shayari nazam shayari

RSS Shayari

  • Ab kharra soch raha hoon logo.. June 27, 2016
    Ab kharra soch raha hoon logo, Kyun kiya tum ko ikatha maine..… The post Ab kharra soch raha hoon logo.. appeared first on Ranjish.com.
  • Yeh duniya agar mil bhi jaye to kya hai.. June 26, 2016
    Yeh mehlon, yeh takhton, yeh taajon ki duniya, Yeh insaan ke dushman samaajon ki duniya, Yeh daulat key bhookhay rawajon ki duniya, Yeh duniya agar mil bhi jaaye to kya hai, Yeh duniya agar mil bhi jaaye to kya hai, Har ek jism ghayal, har ek rooh pyaasi, Nigahon mein uljhan, dilon mein udaasi, Yeh […]
  • Jaahilon main nahin mile itne.. June 26, 2016
    Jaahilon main nahin mile itne, Jitne jahil parrhe likhon main mile..… The post Jaahilon main nahin mile itne.. appeared first on Ranjish.com.
  • Agar kabhi meri yaad aaye.. June 24, 2016
    Agar kabhi meri yaad aye, To chaand raton ki narm dilgeer roshni main, Kisi sitaare ko dekh lena, Agar woh nakhl-e-falak se urr kar tumhare qadmon main aa gire to, Yeh jaan lena woh istaara tha mere dil ka, Agar na aaye.. Magar yeh mumkin hi kis tarah hai ke tum kisi pr nigaah dalo, […]
  • Tu hamari tarah bassar kar to sahi.. June 21, 2016
    Tu hamari tarah bassar kar to sahi, Zindagi tere bhi maathay pe paseena aa jaye..… The post Tu hamari tarah bassar kar to sahi.. appeared first on Ranjish.com.
  • Kabhi hum khoobsurat thay.. June 20, 2016
    Kabhi hum khoobsurat thay, Kitaabon main bassi khushbu ki maanind, Saans saakin thi, Bohat se an-kahe lafzon se tasveeren banate they, Parindon ke paron pr nazam likh kar, Door ki jheelon main basne wale logon ko sunaate they, Jo hum se door thay lekin hamare paas rehte thay, Naye din ki musaafat jab kiran ke […]
  • Main apne rab ki rehmat ka karoon ka tazkara.. June 19, 2016
    Main apne rab ki rehmat ka karoon ka tazkara aabi, Munaafa mujh ko deta hai khasaara cheen leta hai..… The post Main apne rab ki rehmat ka karoon ka tazkara.. appeared first on Ranjish.com.
  • Mujhe dost ban ke daghaa na de.. June 17, 2016
    Mere hum-nafass mere hum-nawaa, mujhe dost ban ke dagha na de, Main hoon dard-e-ishq se jaan ba-lab mujhe zindagi ki dua na de, Main gham-e-jahan se nidhaal hoon ke saraapa huzn-o-malaal hoon, Jo likhe hain mere naseeb main, woh alam kisi ko khuda na de, Na yeh zindagi meri zindagi, na yeh dastaan meri daastan, […]
  • Us ne aesi chaal chali ke meri maat yaqeeni thi.. June 14, 2016
    Us ne aesi chaal chali ke meri maat yaqeeni thi, Phir apni apni qismat thi, haara main, pachtaaya woh..… The post Us ne aesi chaal chali ke meri maat yaqeeni thi.. appeared first on Ranjish.com.
  • Na aye tujh ko nazar, tu magar udaas na ho.. June 11, 2016
    Na aye tujh ko nazar’ tu magar udaas na ho Talash kar’ woh yahin teray aa’s paas na ho Mujhay yakeen nahin’ uss ko tera paas na ho Tera gumaan na ho’ ya tera qayaas na ho Woh aur kya karay akhir’ agar udaas na ho Beghair ishq na chain aye’ ishq raas na ho […]