Amjad Islam Amjad Poetry

Latest Audio Poetry

Latest Designed Poetry

  • dilabhipuritarah-thumb
  • tukoimereghamkamudaava-thum
  • suljhahuasafard-thumb
  • jinseaanchalbhidupatteka-thumb
  • yoonhatamhorahahoon-thumb
facebook like
twitter

Urdu Amjad Islam Amjad

Ranjish.com has lots of Urdu Amjad Islam Amjad Poetry. Feel free to add your own Amjad Islam Amjad Shayari here.


-



Amjad Islam Amjad

Amjad Islam Amjad
1944

Amjad Islam Amjad is one of the best poets the world has ever seen. Amjad Islam Amjad Poetry is very popular among middle aged people. has come up with lots of poetry books. We will be trying to bring all of Amjad islam amjad’s poetry books in text format here so you can enjoy reading his poetry online. His poetry books include Fishar, Barzakh, Us par, Satwan dar, and Zara phir say kehna.



Raiza raiza toot chuka hoon andar se..

Amjad Islam Amjad

Raiza raiza toot chuka hoon andar se,
Ghar se bahar gardan taan ke chalta hon..

35 votes, 3.89 avg. rating



Kahan aa ke rukne they raste kahan morr tha ussay bhool ja..

Amjad Islam Amjad

Woh jo mil geya usay yad rakh

Kahan aa ke rukne they raste kahan morr tha ussay bhool ja,
Woh jo mil geya ussay yaad rakh jo nahin mila ussay bhool ja,

Woh tere naseeb ki barishen kisi aur chhhat pe barass gayin,
Dil-e-bekhabar meri baat sun ussay bhool ja ussay bhool ja,

Main tou gum tha tere hi dheyan main teri aas tere gumaan me,
Sabaa keh gayi mere kaan me mere sath aa ussay bhool ja,

Kisi aankh main nahin ashk-e-gham tere baad kuch bhi nahin hai kamm,
Tujhe zindagi ne bhulaa diya tu bhi muskuraa ussay bhool ja,

Kahin chaak-e-jaan ka rafuu nahin kissi aasteen pe lahuu nahin,
Ke shaheed-e-raah-e-malaal ka nahin khuun bahaa ussay bhool ja,

Kyun attaa hua hai ghubaar mein gham-e-zindagi ke fishaar mein,
Woh jo dard tha tere bakht main so woh ho geya ussay bhool ja,

Woh na aankh hi teri ankh thi woh na khawb hi tera khawb tha,
Dil-e-muntazir to yeh kis liye tera jaagna ussay bhool ja,

Tou yeh hai kis liye shab-e-hijar ke ussay har sitare me dekhna,
Woh falak ke jiss pe mile they hum koi aur tha ussay bhool ja,

Tujhe chaand ban ke mila tha jo tere sahilon pe khillaa tha jo,
Woh tha aik daryaa visaal ka sau utar geya ussay bhool ja..

Listen this Poetry »

11 votes, 3.91 avg. rating



Lafz to sab ke ik jese hain to kese baat khule..

Amjad Islam Amjad

Lafz to sab ke ik jese hain to kese baat khule,
Duniyaa daari kitni hai aur chaahat kitni hai..

18 votes, 4.00 avg. rating



Mile kese sadiyon ki pyaas aur pani..

Amjad Islam Amjad

Mile kese sadiyon ki pyaas aur pani, zara phir se kehna,
Barri dilrubaa hai yeh saari kahani, zara phir se kehna..

28 votes, 4.04 avg. rating



Woh jo geet tum ne suna nahin..

Amjad Islam Amjad

Woh jo geet tum ne suna nahin,
Meri umar bhar ka reyaaz* tha,
Mere dard ki thi daastaan,
Jisey tum hansi mein urraa gaye..

(reyaaz;practice)

38 votes, 4.26 avg. rating



Ghar mein bhi tanhaa tha mein..

Amjad Islam Amjad

Band tha darwaaza bhi aur ghar mein bhi tanhaa tha mein,
Tu ne kuch mujh se bola tha ya aap hi bola tha mein ..

26 votes, 4.00 avg. rating



Han suno dosto, Jo bi dunya kahe..

Amjad Islam Amjad

Han suno dosto,
Jo bi dunya kahe,
Is ko parkhe bina, maan lena nahi
saari dunya ye kehti he,
Parbat pe charne ki nisbat utarna sehal he
Kis tarah maan len,
Tum ne dekha nahi,
Sarfarazi ki dhun me koi admi
Jab bulandi k raste pe chalta he to
Sans tak theek karne ko rukta nahi
Or isi shakhs ka,umar ki seeryo se utartey hue,
pao uthta nahi
Isi liye dosto!!!
Jo b duniya kahe,
Is ko parkhey bina,
Maan lena nahi,

16 votes, 4.69 avg. rating



Woh aankhain jheel si gehri to hain magar..

Amjad Islam Amjad

Amjad woh aankhain jheel si gehri to hain magar,
Un mein koi bhi akss bhi mere naam ka nahin..

22 votes, 4.14 avg. rating



Tum se bicharr kar pehron sochtaa rehtaa hoon..

Amjad Islam Amjad

Tum se bicharr kar pehron sochtaa rehtaa hoon,
Ab mein kyon aur kis ki khatir zindaa hoon..

12 votes, 3.33 avg. rating



Khud se hain shikaaytain, zindagi se gilaa nahin..

Amjad Islam Amjad

Mujhe khud se hain shikaaytain, mujhe zindagi se gilaa nahin,
Ke jo chaha mene woh paa liya, nahin aesa kuch jo mila nahin,

Mere aas paas hai roshni, mere raston mein chiraag hain,
Yeh tere karam ka hai mojza, meri justuju ka silaa nahin,

Teri aankh se jo haseen ho, woh nigaah jag mein bani nahin,
Tere rukh ko jis se misaal doon, koi aesa phool khila nahin,

Yeh jo teri zulf ka hai haashiya, yeh jo tera chahra khushnuma,
Koi raat aesi seyaah nahin, kisi subah main yeh jilaa nahin,

Yeh jo mehr-o-maa ki hain haaltain, yeh jo aayinon ki hain hertain,
Hain azzal se yeh isi tarah, koi apni jaa se hilaa nahin..

17 votes, 3.59 avg. rating



Hai Amjad aaj tak woh shakhss dil main..

Amjad Islam Amjad

Hai Amjad aaj tak woh shakhss dil main,
Ke jo uss waqt bhi mera naheen thaa..

8 votes, 3.00 avg. rating



Meri sochain badalti ja rahi hain..

Amjad Islam Amjad

Meri sochain badalti ja rahi hain,
Ke yeh cheezain badalti ja rahi hain,

Tamasha aik hai roz-e-azal se,
Fakat aankhain badalti ja rahi hain,

Badalte manzron ke aayine mein,
Teri yadain badalti ja rahi hain,

Dilon se jorrti thi jo dilon ko,
Woh sab rasmain badalti ja rahi hain,

Adhoori, na’mukamma khawhishain kyon,
Neyi shaklain badati ja rahi hain,

Agar manzil wohi hai rahiyon ki,
To kyon raahain badati ja rahi hain,

Najaney kyon mujhe lagta hai Amjad,
Ke woh nazrain badalti ja rahi hain..

9 votes, 4.11 avg. rating



Dilon se mehr-o-wafaa, Aankh se hayaa nikle..

Amjad Islam Amjad

Dilon se mehr-o-wafaa, aankh se hayaa nikle,
To aese sheher ki galiyon mein koi kya nikle,

Pakarti reh gayi ratain hamare saayo’n ko,
Hum aik khawb mein doobey to jaa’bjaa* nikle,

Ajab nahin inhi dar‘warsan main phool khilain,
Koi bahaar ka qaasid* idhar jo aa nikle,

Wohi falak* tha, wohi raat thi, wohi mausam,
Magar hamare sitare judaa judaa nikle,

Yeh ab jo rait si saarey mein urti phirti hai,
Kisey khabar ke kisi raaste mein ja nikle,

Samajh main kuch nahin aata yeh raasta Amjad,
Chale they us ki taraf, apni simt aa nikle..

(jaa’bjaa;frequently, falak;sky)

11 votes, 3.64 avg. rating



Humain to woh bohat achey lage hain..

Amjad Islam Amjad

Humain to woh bohat achey lage hain,
Najane hum unhen kese lage hain,

To kya yeh par nikalne ka hai mausam,
Hawaa main jaal se khulney lage hain,

Naye qaatil ka istaqbaal hai kya,
Puraney zakham kyon bharney lage hain,

Ajab hai yeh talissm* hum-zubaani,
Paraaye log bhi apne lage hain,

Dilon ka bhaid* Allah janta hai,
Bazaahir* aadmi achey lage hain..

(talissm;magic)(bhaid;secret)(bazaahir;in real)

5 votes, 4.00 avg. rating



Chale gi yeh pareshaani kahan tak..

Amjad Islam Amjad

Chale gi yeh pareshaani kahan tak,
Bata aye ghar ki veerani kahan tak,

Bohat lambi thi ab ke, khushk’saali*,
Barastaa ankh se paani kahan tak,

Tere tootey huye gajron ke hote,
Mehekti raat ki raani kahan tak,

Rukey gi kab talak saanson mein khushbu,
Urrey ga rang yeh dhaani kahan tak,

Khilona hai isey to tootna hai,
Karain dil ki nigehbaani* kahan tak,

Usey baadal bulate hain hamesha,
Samandar main rahe paani kahan tak..

(khushk’saali;lack of water)(nigehbaani;look after)

6 votes, 3.33 avg. rating


Advertisements

We update our poetry database on daily basis so keep coming back for more Amjad Islam Amjad.



send free sms love shayari romantic shayari sad shayari nazam shayari

RSS Shayari

  • Woh mere haal pe royaa bhi muskuraaya bhi. May 26, 2015
    Woh mere haal pe royaa bhi muskuraaya bhi, Ajeeb shakss hai apnaa bhi hai paraaya bhi, Yeh intizaar sehar ka tha ya tumhara tha, Diyaa jalaaya bhi main ne diya bujhaaya bhi, Main chahta hoon theher jaye chashm-e-dariya mei, Larazzta akss tumhara bhi mera saaya bhi, Bohat maheen tha parda larazti aankhon ka, Mujhe dikhaaya […]
  • Haath khaali hain tere sheher se jaate jaate.. May 25, 2015
    Haath khaali hain tere sheher se jaate jaate, Jaan hoti to meri jaan luttaate jaate, Ab to har haath ka pathar humen pohanchta hai, Umr guzri hai tere shehehr mei aatey jaate, Ab ke mayuus hua yaaron ko rukhsat kar ke, Jaa rahe they to koi zakham lagaate jaate, Reengne ki bhi ijaazat nahin hum […]
  • Ab yeh bhi nahin theek ke har dard mittaa dain.. May 25, 2015
    Ab yeh bhi nahin theek ke har dard mittaa dain, Kuch dard kaleje se lagaane ke liye hain..… The post Ab yeh bhi nahin theek ke har dard mittaa dain.. appeared first on Ranjish.com.
  • Dil abhi puri tarah toota nahin.. May 22, 2015
    Dil abhi puri tarah toota nahin, Doston ki meherbaani chahiye..… The post Dil abhi puri tarah toota nahin.. appeared first on Ranjish.com.
  • Apni ruswaayi tere naam ka charcha dekhoon.. May 21, 2015
    Apni
  • Tu koi mere gham ka mudaava kar de.. May 20, 2015
    Tu koi mere gham ka mudaava kar de, Tera gham hai tere kehne se chala jaye ga..… The post Tu koi mere gham ka mudaava kar de.. appeared first on Ranjish.com.
  • Phir jaag utha hai dil me purane dilon ka dard.. May 20, 2015
    Phir jaag utha hai dil me purane dilon ka dard, Jee chahta hai phir koi taaza ghazal kahoon..… The post Phir jaag utha hai dil me purane dilon ka dard.. appeared first on Ranjish.com.
  • Suljha hua sa fard samajhte hain mujh ko log.. May 19, 2015
    Suljha hua sa fard samajhte hain mujh ko log, Uljhaa hua sa mujh main koi duusra bhi hai..… The post Suljha hua sa fard samajhte hain mujh ko log.. appeared first on Ranjish.com.
  • Millan ki saa.aat ko iss tarah se amar kiya hai.. May 19, 2015
    Millan ki saa.aat ko iss tarah se amar kiya hai, Tumhari yaadon ke saath tanhaa safar kiya hai, Suna hai us rut ko dekh kar tum bhi ro parre they, Sunaa hai barish ne pathron pr assar kiya hai, Saleeb ka baar bhi uthaao tamaam jeevan, Yeh lab-kushaayi ka jurm tum ne agar kiya hai, […]
  • Daanista chorr jaaon ga maidaan aur tum.. May 18, 2015
    Daanista chorr jaaon ga maidaan aur tum, Haarey huye raho ge agar jeet bhi gaye..… The post Daanista chorr jaaon ga maidaan aur tum.. appeared first on Ranjish.com.