Arshad Malik Poetry

Latest Audio Poetry

Latest Designed Poetry

  • jabtumthey
  • aaneykiitlaahmainguzri-thumbs
  • jheelachi-thumb
  • isseidprbhinamilsake-thumb
  • usssemilnato-thumb
facebook like
twitter

Urdu Arshad Malik

Ranjish.com has lots of Urdu Arshad Malik Poetry. Feel free to add your own Arshad Malik Shayari here.


-



Arshad Malik

Arshad Malik is a amateur urdu poet from Rawalpindi city in Pakistan. Arshad Malik’s book “Dil Dard Ka Tukrra Hai” was released in April 2011. So we picked this book from a book store and we will be trying to put this online for our online readers to enjoy.



Mein us ki yaad ko dil mein bahaal rakhta tha..

Arshad Malik

Mein us ki yaad ko dil mein bahaal rakhta tha,
Khud apne aap se zeyada kheyal rakhta tha,

Zara si baat pe woh mujhse rooth jata tha,
Main us se pyar ka rishta bahaal rakhta tha,

Sambhaal rakhti thi ik khawhish-e-wisaal mujhe,
Woh hijar deta tha, mujh ko niddhaal rakhta tha,

Main kitne qurb se guzra hoon kya pata us ko,
Woh shakhs mujh ko bohat pur’malaal rakhta tha,

Mujhe to dost mere maaar gaye Arshad,
Main bach geya hoon ke himmat kamaal rakhta tha..

6 votes, 3.50 avg. rating



Sirf itna nahin dil dukhaa kar geya..

Arshad Malik

Sirf itna nahin dil dukhaa kar geya,
Sara jeewan woh mera sazaa kar geya,

Jis ki tu raah takta hai sham-o-sehar,
Sab hawaley woh tere bhalaa kar geya,

Phool, khushbu, chaman, chand, taarey, sabaa,
Saarey sathi woh hum se khafaa kar geya,

Tu kahan aur yeh bewafayi kahan,
Yeh zamana tujhe bewafaa kar geya,

Sab darakhton pe kuch kuch likha reh geya,
Naam aese woh mera mitaa kar geya,

Yaad meri sataaye gi shab bhar usey,
Aaj din bhar humain jo sataa kar geya,

Yeh bhi mumkin hai Arshad na lottay kabhi,
Jo humain chaar din ka bataa kar geya..

4 votes, 4.75 avg. rating



Koi baat aesi kiya karo, koi lafz aesa likha karo..

Arshad Malik

Koi baat aesi kiya karo, koi lafz aesa likha karo,
Miley jis se dil ko qaraar sa, koi shair aesa parhaa karo,

Sadaa dukh main hi na rakha karo, kabhi sukh bhi us ko diya karo,
Yeh udaas hai keyi roz se, mere dil main aa ke raha karo,

Jo kathan kathan se hain rastey, yeh sabhi hain kyon mere wastey,
Yeh jo jal raha hoon main aag main kabhi tum bhi is mein jala karo,

Mujhe ab bhi tumhari hi aas hai, mera dil tumhare hi paas hai,
Hai yeh jaan tere hissaar mein is se meri jaan rihaaa karo,

Mera din ho ya meri raat ho, tere hath mein mera hath ho,
Abhi jese tum mere sath ho, yunhi sath mere chalaa karo..

8 votes, 4.00 avg. rating



Jeeti baazi haara hoon, Ab main toota taara hoon..

Arshad Malik

Jeeti baazi haara hoon,
Ab main toota taara hoon,

Sehraa hoon ik jaltey dukh ka,
Main ik gham ka dhaara hoon,

Sachaayi ka shola dil main,
Main jalta hua angaara hoon,

Galiyon galiyon dhoondon tujh ko,
Main bhi ik banjaara hoon,

Arshad meri qeemat kya hai,
Main matti hoon, gaara* hoon..

(gaara;cement)

9 votes, 2.67 avg. rating



Hawaa ke sath chalte ja rahe ho..

Arshad Malik

Hawaa ke sath chalte ja rahe ho,
Bohat aagey nikalte ja rahe ho,

Chale jao magar yeh to bata do,
Yeh rastey kyon badalte ja rahe ho,

Khud apne hath se yeh khat jalaye,
To ab kyon hath maltey ja rahe ho,

Humain samjhaa rahe ho pyar se tum,
Suno! tum bhi badaltey ja rahe ho,

Uthaa kar bojh kandhon per jafaa ka,
Suna hai phir sambhaltey ja rahe ho,

Lagi ho koi chott dil par jaise,
Utha kar dard chalte ja rahe ho,

Barhaa kar dosti suraj se Arshad,
Ghanney saaye main chalte ja rahe ho..

3 votes, 2.67 avg. rating



Tujhe sochte hain gulaabon ko le ker..

Arshad Malik

Tujhe sochte hain gulaabon ko le ker,
Khayalon main kitne saraabon ko le ker,

Teri ankh mein doob janey se pehle,
Bohat sochtey hain sharabon ko le ker,

Mujhe chahtey ho kahan se kahan tak,
Yehi sochtey hain jawabon ko le ker,

Mujhe apni chahat ki aghosh de do,
Kahan jaaon ga apne khawbon ko le ker,

Mujhe us ne apna na maana to Arshad,
Kahin ja basoon ga kharaabon ko le ker..

3 votes, 3.67 avg. rating



Kab kare kis se kare ishq ka peimaan koi..

Arshad Malik

Kab kare kis se kare ishq ka peimaan koi,
Jaan! muddat se nahin dekha hai jaanan koi,

Dil behelta nahin phailay huye viraanon main,
Koi le aye, kisi sheher se jaanan koi,

Zindagi, teri inaayat pe nichaawar kardi,
Phir bhi rehta hai to bata tera ehsaan koi,

Koi pagal koi wehshi kabhi dekha kab tha,
Kese hota na mere roop se hairaan koi,

Jitni yadain hain teri, sath liye phirta hoon,
Ab mere pass nahin baaki hai samaan koi,

Kese utrey gi thakkan jism ki phir shaam ke baad,
Raat utri na ho jis sheher mein asaan koi..

3 votes, 3.67 avg. rating



Mohabbat mein yeh gham kyon sath miltey hain..

Arshad Malik

Kaha us ne mohabbat mein yeh gham kyon sath miltey hain,
Kaha mene yeh kantey phool bhi to sath paltey hain,

Kaha us ne ke lamhey pyar ke kyon kam se hotey hain,
Kaha mene ke khushbu kab hamesha sath deti hai,

Kaha us ne ghamon se kyon is qadar pyar karte ho,
Kaha mene yehi to hain jo apna sath dete hain,

Kaha us ne bichar jayen agar hum to acha hai,
Kaha mene tum apni bheegti palkain zara dekho,

Kaha us ne ke kitna chahtey ho tum mujhe Arshad,
Kaha mene samandar ki kabhi gehraayi dekhi hai..

2 votes, 5.00 avg. rating



Kattoti ho rahi hai lamha lamha..

Arshad Malik

Kattoti ho rahi hai lamha lamha,
To kya yeh zindgaani lease per hai..

2 votes, 5.00 avg. rating



Roshni kar raha hai is dil mein..

Arshad Malik

Roshni kar raha hai is dil mein,
Ik diya sa jala hai is dil mein,

Dar hai aankhen na phir chalak jayen,
Ik kaanta chubha hai is dil mein,

Jis ke saarey makaan khali hain,
Sheher aesa basaa hai is dil mein,

Gungunaane lagi hain saansain bhi,
Koi rehne laga hai is dil mein,

Koi jis ka nahin ilaaj Arshad,
Dard aesa uthaa hai is dil mein..

1 vote, 5.00 avg. rating



Tumhari yaadon ka aik taara – I miss you.

Arshad Malik

Tumhari yaadon ka aik taara sa jhil’milata hai, i miss you,
Udaas raton mein dil akela tumhain bulaata hai, i miss you,

Jab aasman par dhannak ka manzar tamaam rangon ke sath aye,
To aese aalam mein naam tera labo’n pe ata hai, i miss you,

Kabhi jo baarish ki tezz boondain tere tasawur mein nachti hain,
To aese aalam mein tera Arshad bhi gungunaata hai, i miss you..

3 votes, 4.00 avg. rating



Faisla kar ke badal jate hain

Arshad Malik

Faisla kar ke badal jate hain,
Roz kehte bhulaa dain tum ko..

2 votes, 5.00 avg. rating



Tere lehje mein jaadu hai kuch aesa..

Arshad Malik

Tere lehje mein jaadu hai kuch aesa,
Mujhe sun’ne ki aadat ho gayi hai..

4 votes, 4.75 avg. rating



Ik Ik Zakham Dikhaaon Tum Aao To..

Arshad Malik

Ik ik zakham dikhaaon tum ko aao to,
Kese kese phool khile hain dekho to,

Sheiron jese jhilmil karte lamhon mein,
Kangan ghazlon ka pehnaaon aao to,

Hanste gaatey logon ki is dunya mein,
Hum kyon itne chup rehte hain socho to,

In chahat ki tarsi pyassi ankhon mein,
Sapnon ka ik sheher bassaa hai dekho to,

Janaan in dunya walon ki nazaron se,
Door kahin le jaaon tum ko aao to,

Ik ik kar ke sare saathi chorr gaye,
Tum bhi raah badal sakte ho chaho to,

Deewana sab log samajhne lagte hain,
Arshad bass khamosh raho ghar aao to..

1 vote, 2.00 avg. rating



Ab phool yeh wafaon ke chunta nahin koi

Arshad Malik

Ab phool yeh wafaon ke chunta nahin koi,
Guldaan udaas they usey takta nahin koi,

Gham baantne ki aas pe na rehna dosto,
Auron ki aag mein yahan jalta nahin koi,

Yu’n roshni ne khalaq se cheena hai aitbar,
Tareekiyon se ab yahan darta nahin koi,

Dunya to teri yaad ka paikar bhi cheenti,
Sad-shukar is pe dastaras rakhta nahi koi,

Wakif hain is safar ki sau’bat se sarey log,
Is raah-guzaar e ishq pe chalta nahin koi,

Dukh ki kisi sadaape paltey nahin hain hum,
Seenay mein ab to dard bhi uthta nahin koi..

1 vote, 5.00 avg. rating


Advertisements

We update our poetry database on daily basis so keep coming back for more Arshad Malik.



love shayari romantic shayari sad shayari nazam shayari

RSS Shayari

  • Ussey kehna ke laut aye, Mohabbat awaz deti hai.. July 30, 2015
    Ussey kehna ke laut aye, Mohabbat awaz deti hai, Tujhe phir se bulati hai, Jo tu ne saath dekhe they, Woh sapne sajaati hai, Woh phoolon pe ruki shabnam Tumhari raah takti hai, Tumhe waapis bulaati hai, Woh jugnu ab bhi kehte hain, Teri ankhen jo unse sawaal karti theen, Ussey jawab dene hain, Saarey […]
  • Ab jiss tarff se chaahe guzar jaye kaarvaan.. July 28, 2015
    Ab jiss tarff se chaahe guzar jaye kaarvaan, Veeraaniyan to meri dil main utar gayin..… The post Ab jiss tarff se chaahe guzar jaye kaarvaan.. appeared first on Ranjish.com.
  • Jiss ke naseeb main hon zamane ki thokrain.. July 27, 2015
    Jiss ke naseeb main hon zamane ki thokrain, Us badnaseeb se na sahaaron ki baat kar..… The post Jiss ke naseeb main hon zamane ki thokrain.. appeared first on Ranjish.com.
  • Jab tum they meri shaam main tha subah ka aalam.. July 26, 2015
    Jab tum they meri shaam main tha subah ka aalam, Tum jab se gaye shaam jhalakti hai sehar main..… The post Jab tum they meri shaam main tha subah ka aalam.. appeared first on Ranjish.com.
  • Ab jo dekhen to koi aesi barri baat na thi.. July 25, 2015
    Ab jo dekhen to koi aesi barri baat na thi, Yeh shab-o-roz, maah-o-saal ka pur-paich safar, Qadrey asaan bhi ho sakta tha, Yeh jo har morr pe kuch uljhe huye raste hain, In main tarteeb ka imkaan bhi ho sakta tha, Hum zara dheyaan se chalte to woh ghar, Jis ke baam-o-dar-o-deewar pe veerani hai, […]
  • Judaayiyan to yeh maana barri qayamat hain.. July 24, 2015
    Judaayiyan to yeh maana barri qayamat hain. Rafaaqton main dukh kis qadar hain kya kehne..… The post Judaayiyan to yeh maana barri qayamat hain.. appeared first on Ranjish.com.
  • Aaney ki itlaah main guzri tamaam raat.. July 23, 2015
    Aaney ki itlaah main guzri tamaam raat, Aayi jo subah khawhish-e-deedaar bhi gayi..… The post Aaney ki itlaah main guzri tamaam raat.. appeared first on Ranjish.com.
  • Jheel achi, kanwal acha ke jaam acha hai.. July 22, 2015
    Jheel achi, kanwal acha ke jaam acha hai, Teri aankhon ke liye kon sa naam acha hai..… The post Jheel achi, kanwal acha ke jaam acha hai.. appeared first on Ranjish.com.
  • Aur kuch nahin rehta, Teri yaad rehti hai… July 21, 2015
    Zehen ke khayalon main, Rooh ke ujaalon main, Zindagi ki jheelon main, Zaat ki faseelon main, Rat.jagon ke daaman main, Dil ke khushk sehraa main, Chashm-e-tar ke ke daryaa main, Dard ke jahaan main bhi, Ashk-e-be.zubaan main bhi, Aur kuch nahin rehta, Teri yaad rehti hai.. … The post Aur kuch nahin rehta, Teri yaad […]
  • Aayi hogi kissi ko hijr main maut.. July 20, 2015
    Aayi hogi kissi ko hijr main maut, Mujh ko tou neend bhi nahi aati..… The post Aayi hogi kissi ko hijr main maut.. appeared first on Ranjish.com.