Jabbar Wasif

Ranjish.com has lots of Urdu Jabbar Wasif Poetry. Feel free to add your own Jabbar Wasif Shayari here.

Jabbar Wasif Collection

Hath paaon bhi batate hain ke mazdoor hoon main,
Aur malbuus bhi kehta hai ke majboor hoon main,

Fakhar karta hoon ke khata hoon faqat rizq-e-halal,
Apni sift-e-qalandar pe to maghroor hoon main,

Saal sara mera katt jata hai gumnami main,
Bas yakam may ko yeh lagta hai ke mashoor hoon main,

Apne bachon ko bachaa nahin sakta faaqon se,
Un ko taleem dilane se mazoor hoon main,

Pait bhar deta hai hakim mera taqreeron se,
Un ki is tifl tasalli pe to ranjuur hoon main,

Yaum-e-mazdoor hai, chutti hai, mera faaqa hai,
Phir bhi yeh din to manaaon ga ke mazdoor hoon main,

Mujh ko pardes liye phirti hai rozi wasif,
Apne bachon se bohat door, bohat door hoon main..