Mohsin Naqvi Poetry

Latest Audio Poetry

Latest Designed Poetry

  • aayetheymaikademain-thumb
  • mainepalkonsedareyaar-thumb
  • parhtoliyahaiinko-thumb
  • phoolonkabikharna-thumbz
  • aajphirmaanmujhe-thumb
facebook like
twitter

Urdu Mohsin Naqvi

Ranjish.com has lots of Urdu Mohsin Naqvi Poetry. Feel free to add your own Mohsin Naqvi Shayari here.


-



Mohsin Naqvi

Mohsin Naqvi
1947-1996

Mohsin Naqvi is our personal favorite poet. Mohsin Naqvi’s Poetry tends to be so relaxing and so soothing to the heart which is inexpressible in words. Mohsin Naqvi was believed to be murdered in 1996. Who on earth would have thought that such kind of legends would get murdered one day.
We have got plenty of Sir Mohsin Naqvi poetries here at Ranjish.com so you can enjoy.



Aaj saaqi sharab rehne do..

Mohsin Naqvi

aaj saaqi sharab rehne do

Aaj saaqi sharab rehne do,
Tishnagi ke azaab rehne do,

Ponchh daalo na aankh se kaajal,
Kuch to khanjar pe aab rehne do,

Tum sanwaaro na apni zulfon ko,
Meri haalat kharab rehne do,

Chaand baadal main acha lagta hai,
Aadhey rukhh pe naqaab rehne do,

Un ke chehre ki baat ho jaye,
Aaj zikr-e-gulaab rehne do,

Un ki chokhhatt ko choom lo Mohsin,
Baaqi saare sawaab rehne do..

Listen this Poetry »

7 votes, 3.86 avg. rating



Bicharr ke tujh se kisi taur behell na saka..

Mohsin Naqvi

bicharr ke tujh se mohsin naqvi
Bicharr ke tujh se kisi taur behell na saka,
Nishaaniyan bhi teri mere paas kitni theen..

17 votes, 4.53 avg. rating



Kho gayi subah ki umeed aur ab yoon lagta hai..

Mohsin Naqvi

Kho gayi subah ki umeed aur ab yoon lagta hai,
Hum nahi hon ge ke jab hon ge ujaale Mohsin..

60 votes, 4.22 avg. rating



Iss sheher main aesi bhi qayamat na hui thi..

Mohsin Naqvi

Iss sheher main aesi bhi qayamat na hui thi,
Tanha they magar khud se to wehshat na hui thi,

Yeh din hai ke yaron ka bharosa bhi nahi hai,
Woh din they ke dushman se bhi nafrat na hui thi,

Ab saans ka ehsaas bhi ek baar-e-giraan hai,
Khud apne khilaaf aesi baghavat na hui thi,

Ujrre huye iss dil ke har ik zakhm se pucho,
Iss sheher mein kis kis se mohabbat na hui thi,

Ab tere qareeb aa ke bhi kuch soch raha hoon,
Pehle tujhe kho kar bhi nadamat na hui thi,

Khawabon ke hawa raas thi jab tak mujhe Mohsin,
Yoon jaagte rehna meri aadat na hoi hui..

65 votes, 4.34 avg. rating



Khushi ka gham hai na gham ki khushi ab to..

Mohsin Naqvi

Khushi ka gham hai na gham ki khushi ab to,
Bohat udaas guzarti hai zindagi ab to..

53 votes, 4.28 avg. rating



Sirf eik tarq-e-etaluq ke liye..

Mohsin Naqvi

Sirf eik tarq-e-etaluq ke liye,
Tu ne dhoonde hain bahane kya kya..

59 votes, 4.15 avg. rating



Meine dekha tha un dinon mein usey..

Mohsin Naqvi

Meine dekha tha un dinon mein usey,
Jab woh khilte gulaab jesa tha,
Us ki palkon se neend chanti thi,
Us ka lehja sharaab jesa tha,

Us ki zulfon se bheegti thi ghataa,
Us ka rukh mahtaab jesa tha,
Log parhte they haal-o-khad us ke,
Woh adab ki kitaab jesa tha,

Bolta tha zubaan khushbuu ki,
Log sunte they dharkinon mein usey,
Mene dekha tha un dinon mein usey,

Sari aankhen thi ayiney us ke,
Sarey chehron mein intikhaab tha woh,
Sab se ghul mil kar ajnabi rehna,
Aik darya numaa saraab tha woh,

Khawb yeh hai ke woh haqeeqat tha,
Yeh haqeeqat hai khawb tha woh,
Dil ki dharti pe asmaan ki tarah,
Suurat-e-saya-e-sahaab tha woh,

Apni neendein bhi us ki nazar hui’n,
Mene paaya tha rat jaggon mein usey,
Mene dekha tha un dinon mein usey,

Jab woh hans hans ke baat karta tha,
Dil ke haimey mein raat karta tha,
Rang parrhte they anchlon mein usey,
Mene dekha tha un dinon mein usey,

Yeh magar dair ki kahani hai,
Yeh magar door ka fasaana hai,
Us ke mere milaap mein haayel,
Ab to sadiyon bhara zamana hai,

Ab to hai haal apna bhi,
Dasht-e-hijraan ki shaam jjesa hai,
Kya khabar woh in dinon kesa hoga,
Mene dekha tha un dinon mein usey..

Listen this Poetry »

30 votes, 4.73 avg. rating



Gum sum hua, awaaz ka darya tha jo ek shakss..

Mohsin Naqvi

gumsumhuaawazkadarya

(satron;lines, fehrist;list, munkar;one who does not accept)

23 votes, 4.61 avg. rating



Issi khayaal se guzri hai shaam-e-dard aksar..

Mohsin Naqvi

Issi khayaal se guzri hai shaam-e-dard aksar,
Ke dard hadh se jo guzre ga muskuraa doon ga..

49 votes, 4.12 avg. rating



Woh khul kar na ro saka ho ga..

Mohsin Naqvi

Hajoom mein tha, woh khul kar na ro saka ho ga,
Magar yakeen hai ke shab bhar na so saka ho ga..

45 votes, 4.38 avg. rating



Teri muntazir theen woh ankhen hi bujh gayin.

Mohsin Naqvi

Jo teri muntazir theen woh ankhen hi bujh gayin,
Ab kyun sajaa raha hai charaaghon se shaam ko..

74 votes, 3.92 avg. rating



Tere hijar main aur mujhe kya karna hai..

Mohsin Naqvi

Tere hijar main aur mujhe kya karna hai,
Tere naam kitaabein likhtaa rehta hoon..

41 votes, 4.07 avg. rating



Zindagi log jisey marham-e-gham jaantey hain..

Mohsin Naqvi

Zindagi log jisey marham-e-gham jaantey hain,
Jis tarah hum ne guzaari hai woh hum jaantey hain..

72 votes, 4.26 avg. rating



Us ki chahat ka bharam kya rakhna..

Mohsin Naqvi

Us ki chahat ka bharam kya rakhna,
Dasht-e-hijraan mein qadam kya rakhna,

Hanss bhi lena kabhi khud per mohsin,
Har gharri aankh ko namm kya rakhna..

28 votes, 4.57 avg. rating



Aawargi mei mohsin is ko b hunar jana..

Mohsin Naqvi

Aawargi mei “mohsin” is ko b hunar jana,
Iqrar-e-wafa kerna, phir us se mukar jana

Jab khwab nahi koi, kya zindagi ka karna
Har subh ko jee uthna har raat ko mar jana

Shab bhar k thikane ko ik chatt k siwa kya hy,
Kya waqt pe ghar jana, kya dair se ghar jana,

Aisa na ho darya mei tum baar-e-garaa’n thehro,
Jab log ziada hon kashti se utar jana,

Suqraat k peene se kya mujh pe ayaa’n hota,
Khud zehr piya mei ne tab us ka asar jana,

Jab bhi nazar aao gy hum tum ko pukare’n ge,
Chaho to thehar jana chaho to guzar jana…

49 votes, 4.31 avg. rating


Advertisements

We update our poetry database on daily basis so keep coming back for more Mohsin Naqvi.



send free sms love shayari romantic shayari sad shayari nazam shayari

RSS Shayari

  • Tum mukhaatib bhi ho qareeb bhi ho.. May 5, 2015
    Tum mukhaatib bhi ho qareeb bhi ho, Tum ko dekhen ke tum se baat karen..… The post Tum mukhaatib bhi ho qareeb bhi ho.. appeared first on Ranjish.com.
  • Barbaad-e-mohabbat ki duaa sath liye ja.. May 5, 2015
    Barbaad-e-mohabbat ki duaa sath liye ja, Tuuta hua iqraar-e-wafaa saath liye ja, Ik dil tha jo pehle hi tujhe somp diya tha, Yeh jaan bhi ae jaan-e-adaa saath liye ja, Taptii hui rahon se tujhe aanch na pohanche, Diwanon ke ashkon ki ghataaa saath liye ja, Shaamil hai mera khuun-e-jigr teri hinaa mei, Yeh kum […]
  • Aaj saaqi sharab rehne do.. May 4, 2015
    Aaj saaqi sharab rehne do, Tishnagi ke azaab rehne do, Ponchh daalo na aankh se kaajal, Kuch to khanjar pe aab rehne do, Tum sanwaaro na apni zulfon ko, Meri haalat kharab rehne do, Chaand baadal main acha lagta hai, Aadhey rukhh pe naqaab rehne do, Un ke chehre ki baat ho jaye, Aaj zikr-e-gulaab […]
  • Aaye they hanste khailte mai-kade main.. May 4, 2015
    Aaye they hanste khailte mai-kade main “firaq” Jab pee chuke sharaab to sanjeeda ho gaye..… The post Aaye they hanste khailte mai-kade main.. appeared first on Ranjish.com.
  • Woh kuch gehri soch mei aise doob geya hai.. May 4, 2015
    Woh kuch gehri soch mei aise doob geya hai, Bethe bethe nadii kinaare doob geya hai, Aaj ki raat na jaane kitni lambi hogi, Aaj ka suraj shaam se pehle doob geya hai, Woh jo pyaasa lagta tha sailaab-zada tha, Paani paani kehte kehte doob geya hai, Mere apne andar ek bhanwar tha jis mei, […]
  • Bemaar ko maraz ki davaa deni chahiye.. May 3, 2015
    Bemaar ko maraz ki davaa deni chahiye, Main peena chahta hoon pilaa deni chahiye, Allah barkaton se navaaze ga ishq mein, Hai jitni puunji paas laga deni chahiye, Dil bhi kisi faqeer ke hujray se kamm nahin, Duniyaa yahin pe laa ke chupaa deni chahiye, Main khud bhi karna chahta hoon apna saamna, Tujh ko […]
  • Maine palkon se dar-e-yaar pe dasstak di hai.. May 2, 2015
    Maine palkon se dar-e-yaar pe dasstak di hai, Main woh saayel hoon jisse koi sadaa yaad nahin..… The post Maine palkon se dar-e-yaar pe dasstak di hai.. appeared first on Ranjish.com.
  • Ab aayen ya na ayen idhar puuchte chalo.. May 2, 2015
    Ab aayen ya na ayen idhar puuchte chalo, Kyaa chahti hai un ki nazar puuchte chalo, Ham se agar hai tark-e-talluq to kya hua, Yaaro koi to un ki khabar puuchte chalo, Jo khud ko keh rahe hain ke manzil-shanaas hain, Un ko bhi kya khabar hai magar puuchte chalo, Kis manzil-e-muraad ki janib ravaan […]
  • Awaaz de ke dekh lo shaayed woh mil hi jaaye.. May 1, 2015
    Awaaz de ke dekh lo shaayed woh mil hi jaaye, Warna yeh umr bhar ka safar raayegaan to hai..… The post Awaaz de ke dekh lo shaayed woh mil hi jaaye.. appeared first on Ranjish.com.
  • Baitton ko sazaa de ke ajab haal hua hai. May 1, 2015
    Baitton ko sazaa de ke ajab haal hua hai, Dil pehron mera qurb ke dozakh main jala hai, Aurat ko samajhta tha jo mardon ka khilona, Uss shakss ko damaad bi waisaa hi mila hai, Har ehl-e-hawwas jaib main bhar laaya hai pathar, Hamsaaye ki bairi pe abhi boar parra hai, Ab tak mera asaaab […]