Latest Audio Poetry

Latest Designed Poetry

  • aiksadaameretaqub-thumb
  • abyehsochoon-thumb
  • terelehjese-thumb
  • hardardpehnlena-thumb
  • farzkaro-thumb
facebook like
twitter

Urdu Noshi Gilani

Ranjish.com has lots of Urdu Noshi Gilani Poetry. Feel free to add your own Noshi Gilani Shayari here.


-



Noshi Gilani

Noshi Gilani

Noshi Gilani is a famous female poet belonging from Pakistan. She was born in Bahawalpur city. She has written few poetry books which include Mohabatain Jab Sumar Kurna, Udas Honay Kay Din Naheen, Pehla Lafz Mohabat Likha, Hum Tera Intezaar Kurtey Rahey and Hawa Chupke se Kehti Hai.



Teri khushbu nahin milti, tera lehja nahin milta..

Noshi Gilani

Teri khushbuu nahin milti, tera lehja nahin milta,
Humen to sheher main koi tere jaisa nahin milta,

Yeh kesi dhund main hum tum safar aghaaz kar bethe,
Tumhe ankhen nahin milti, humen chehra nahin milta,

Har ik tadbeer apni raayegaan thehri mohabbat main,
Kisi bhi khawb ko tabeer ka rasta nahin milta,

Bhala us ke dukhon ki raat ka koi mudaava hai,
Woh maan jis ko kabhi khoya hua bacha nahin milta..



Bohat tareek sehraa ho geya hai..

Noshi Gilani

Bohat tareek sehraa ho geya hai,
Havaa ka shor gehraa ho geya hai,

Kisi ke lamss ka yeh mojza hai,
Badan saara sunehra ho geya hai,

Yeh dil dekhoon ke jis ke chaar janib,
Teri yaadon ka pehraa ho geya hai,

Wohi hai haal-o-hadh me roshni si,
Pr til aankhon ka gehraa ho geya hai,

Kabhi uss shakss ko dekha hai tum ne,
Mohabbat se sunehraa ho geya hai..



Sheher walon se chup chupa kar kitab likhoon..

Noshi Gilani

Ajeeb khawhish hai sheher walon se chup chupa kar kitab likhoon,
Tumhare naam apni zindagi ki kitaab ka intisaab likhoon,

Woh lamha kitna ajeeb tha jab hamari aankhen gale mili theen,
Main kis tarah ab mohabbaton ki shikastagi ka azaab likhoon,

Tumhi ne mere ujaarr raston pe khawhishon ke diye jalaaye,
Tumhi ne chaaha tha khushhk honton se chahton ke gulaab likhoon,

Kabhi woh din they ke neend aankhon ki sarhadon se pare pare thi,
Magar ab jab bhi sona chaahon tumhari yaadon ke khawb likhoon,

Main tanha larrki dayaar -e-shab main jalaaon sach ke diye kahan tak,
Siyaah-kaaron ki saltanat me main kis tarah aftaab likhoon,

Qayaadton ke junoon main jin ke qadam lahuu se range huye hain,
Yeh mere bass main nahin hai ke logo ko izzat-maab likhoon,

Yehi bohat hai ke in labon ko sadaa se mehroom kar ke rakh doon,
Magar yeh kesi musaalahat hai samandron ko saraab likhoon..



Ab kis se kahen aur kon sune jo haal tumhare baad hua..

Noshi Gilani

Ab kis se kahen aur kon sune jo haal tumhare baad hua,
Is dil ki jheel si ankhon main ik khawb bohat barbaad hua,

Yeh hijr-hava bhi dushman hai is naam ke saare rangon ki,
Woh naam jo mere honton pr khushbuu ki tarah abaad raha,

Us sheher me kitne chehre they kuch yaad nahi sab bhool gaye,
Ik shakss kitabon jesa tha woh shakss zubaani yaad hua,

Woh apne gaaon ki galiyan thi dil jin main nachta gaata tha,
Ab iss se fark nahi parta nashaad hua ya shaad hua,

Benaam satayesh rehti thi in gehri saanvli aankhon main,
Aissa to kabhi socha bhi na tha dil ab jitna bedaad hua..

Listen this Poetry »



Ab apne faisle per khud ulajhne kyun lagi hoon..

Noshi Gilani

Ab apne faisle per khud ulajhne kyun lagi hoon,
Zara si baat par itna bikharne kyun lagi hoon,

Woh jiss mausam ki ab tak muntazir ankhen thi meri,
Ussi mausam se ab main itna darne kyun lagi hoon,

Mujhe nadeeda raston per safar ka shauq bhi tha,
Thakan paaon se liptti hai to marne kyun lagi hoon,

Mujhe yeh chaar deewari ki ronaq maar daale gi,
Main ik imkaan thi manzil ka mittne kyun lagi hoon,

Main jiss ko kam se kam mehsoos karna chahti thi,
Ussi ki baat ko itna samajhne kyun lagi hoon,

Jo mere dil ki galiyon se kabhi guzra nahin tha,
Ab apne hath se khat us ko likhne kyun lagi hoon,

Badan ki raakh tak bhi raston main na bache gi,
Barasti baarishon main yoon sulagne kyun lagi hoon,

Wohi suraj hai dukh ka phir yeh aesa kya hua hai,
Main pathar thi to akhir ab pighalne kyun lagi hoon..



Mohabtain jab shumaar karna to sazishen bhi shumar karna..

Noshi Gilani

Mohabtain jab shumaar karna to sazishen bhi shumar karna,
Jo mere hisse main aayi hain woh aziyaten bhi shumar karna,

Jalaye rakhoon gi subah tak main tumhare raste mein apni ankhen,
Magar kahin zabt toot jaye to barishen bhi shumar karna,

Jo harf loh-e-wafaa pe likhe huye hain in ko bhi dekh lena,
Jo raayegan ho gayin woh sari ibaartain bhi shumar karna,

Yeh sardiyon ka udaas mausam ke dharrkne barf ho gayi hain,
Jab in ki yakh’bastgi parakhna, tamaazten bhi shumar karna,

Tum apni majbooriyon ke qisse zaroor likhna wazahton se,
Jo meri ankhon main jal bujhi hain woh khawhishen bhi shumar karna..

Listen this Poetry »



Kissi harf main kissi baab main nahin aye ga..

Noshi Gilani

Kissi harf main kissi baab main nahin aye ga,
Tera zikar meri kitaab main nahin aye ga..



Jo dard ke sehra mein akela bhi bohat hai..

Noshi Gilani

Jo dard ke sehra mein akela bhi bohat hai,
Uske liye deewar ka saya bhi bohat hai,

Dekha nahi tanhayi mein tum ne kabhi usko, ,
Bichhrre hue logon ke liye roya bhi bohat hai,

Kuch tujhko mohabbat par yakeen tha na wafa par,
Kuch dukh meri taqdeer mein likha bhi bohat hai,

Beenai andheron se bhala kaise bachata,
Ek shakhs tere hijr mein jaga bohat hai,

Wo aur hai jo chhu kar tujhe dekhna chahte,
Mujhko tere khwabki duniya bhi bohat hai,

Kirdar se mehroom tha ye sheher to is na,
Humko dar-o-deewar par likha bhi bohat hai..



Ye Naam Mumkin Nahi Rahay Ga, Muqaam Mumkin Nahi Rahay Ga

Noshi Gilani

Ye Naam Mumkin Nahi Rahay Ga, Muqaam Mumkin Nahi Rahay Ga
Gharoor Lehjay Mein Aa Gaya Tou Kalaam Mumkin Nahi Rahay Ga

Ye Barf Mausam Jo Sheher-e-Jaa.n Mein Kuch Aur Lamhay Theher Gaya Tou
Lahoo Ka Dil Ki Kisi Gali Mein Muqaam Mumkin Nahi Rahay Ga

Tum Apni Saanson Se Meri Saansain Alag Tou Karnay Lagay Ho Laikin
Jo Kaam Aasaan Samajh Rahay Ho Wo Kaam Mumkin Nahi Rahay Ga

Wafaa Ka Kaaghaz Tou Bheeg Jaye Ga Badgumaani Ki Baarishon Mein
Khaton Ki Baatain Tou Khwaab Hon Gi Payaam Mumkin Nahi Rahay Ga

Mein Jaanti Hun Mujhe Yaqeen Hai Agar Kabhi TU Mujhe Bhula De
Tou Teri Aanhkon Mein Roshni Ka Qayaam Mumkin Nahi Rahay Ga

Ye Ham Mohabbat Mein La Ta’alluq Se Ho Rahay Hain Tou Dekh Laina
Duaaein Tou Khair Kon De Ga Salaam Mumkin Nahi Rahay Ga



Bohat Aaraam Karna Chahti Hun

Noshi Gilani

Bohat Aaraam Karna Chahti Hun
Yehi Ek Kaam Karna Chahti Hun

Shaoor-e-Aagahi Ek Almiaa Hai
Ise Neelaam Karna Chahti Hun

Mein Apni Umer Ke Saaray Asaasay
Tumhaaray Naam Karna Chahti Hun

Tumharay Khaima-e-Khushbuu Mein Reh Kar
Mein Subaah-o-Shaam Karna Chahti Hun

Charaaghon Se Hawaa Ki Dushmani Hai
Ise Naakaam Karna Chahti Hun


Advertisements

We update our poetry database on daily basis so keep coming back for more Noshi Gilani.



love shayari romantic shayari sad shayari nazam shayari

RSS Shayari

  • Ab tera hijr mujhe chaat geya.. May 30, 2016
    Waqeyi ab tera hijr mujhe chaat geya, Apni tasveer puraani se pata chalta hai..… The post Ab tera hijr mujhe chaat geya.. appeared first on Ranjish.com.
  • Aik sadaa mere taaqub main.. May 29, 2016
    Aik sadaa mere taaqub main ayi to thi, Anaa ka masla tha, warna palatt gaye hote..… The post Aik sadaa mere taaqub main.. appeared first on Ranjish.com.
  • Ab yeh sochoon to bhanwar zehen main parr jate hain.. May 27, 2016
    Ab yeh sochoon to bhanwar zehen main parr jate hain, Kaise chehre hain jo milte hi bicharr jatay hain, Kyun tere dard ko dain tohmat -e- veerani dil, Zalzlon main to bharay sheher ujarr jatay hain, Mausam-e-zard main aik dil ko bachaaon kaise, Aisi rut main to ghanay pairr bhi jharrr jatay hain, Ab koi […]
  • Dhoop main saaya bane tanha kharre.. May 26, 2016
    Dhoop main saaya bane tanha kharre hote hain, Barre logon ke khasaaray bhi barre hote hain..… The post Dhoop main saaya bane tanha kharre.. appeared first on Ranjish.com.
  • Phir se tootay ga dil yeh bechaara.. May 24, 2016
    Phir se tootay ga dil yeh bechaara, Phir wohi bewafa hai aur main hoon.. Ibn-e-muneeb… The post Phir se tootay ga dil yeh bechaara.. appeared first on Ranjish.com.
  • Tere lehje se kyun laga mujh ko.. May 23, 2016
    Tere lehje se kyun laga mujh ko, Tu mere roothne pe raazi hai..… The post Tere lehje se kyun laga mujh ko.. appeared first on Ranjish.com.
  • Har dard pehen lena, har khawb main kho jana.. May 22, 2016
    Har dard pehen lena, har khawb main kho jana, Kya apni tabiyat hai, har shakhss ka ho jana, Ik sheher basaa lena bichrre huye logon ka, Phir shab ke jazeere main dil thaam ke so jana, Mozuu sukhan kuch ho, ta-dair usay takna, Har lafz pe ruk jana, har baat pe kho jana, Aan to […]
  • Main musafir hoon, khataayen bhi hui hain mujh se.. May 21, 2016
    Main musafir hoon, khataayen bhi hui hain mujh se, Tum taraazuu main mere paaon ke chaalay rakhna..… The post Main musafir hoon, khataayen bhi hui hain mujh se.. appeared first on Ranjish.com.
  • Farz karo hum ehl-e-wafaa hon.. May 20, 2016
    Farz karo hum ehl-e-wafaa hon, farz karo deewane hon, Farz karo yeh dono baaten jhooti hon afsaane hon..… The post Farz karo hum ehl-e-wafaa hon.. appeared first on Ranjish.com.
  • Kis kis ki zubaan rokne jaaon teri khaatir.. May 19, 2016
    Kis kis ki zubaan rokne jaaon teri khaatir, Kis kis ki tabaahi main tera haath nahin hai..… The post Kis kis ki zubaan rokne jaaon teri khaatir.. appeared first on Ranjish.com.